Báðir leikirnir í einvíginu fóru fram ytra, nánar tiltekið í Slóvakíu, og unnu heimakonur fyrri leikinn í gær með þriggja marka mun, 29-26, og því ljóst að krefjandi verkefni beið Valskvenna í kvöld.
Jafnræði var með liðunum til að byrja með og var staðan í leikhléi jöfn, 13-13.
Þegar líða fór á síðari hálfleik tóku Valskonur yfirhöndina og unnu að lokum öruggan sjö marka sigur, 31-24, og tryggðu sér þar með áfram úr einvíginu.
Upplýsingar eru fengnar úr beinni textalýsingu af handbolti.is.
