Dýrmætasta gjöfin Unnur Arna Jónsdóttir, Hrafnhildur Sigurðardóttir og Ingrid Kuhlman skrifa 1. desember 2022 07:00 Í Brennu-Njálssögu sagði Gunnar á Hlíðarenda við Njál á Bergþórshvoli: „Góðar eru gjafir þínar, en meira þykir mér verð vinátta þín og sona þinna.“ Hamingjurannsóknir hafa einmitt sýnt að góð, nærandi og gefandi tengsl eru stærsti einstaki þátturinn þegar kemur að hamingjunni. Chris Peterson, sem sérhæfði sig í jákvæðri sálfræði og kenndi við háskólann í Michigan, sagði að besta ráðið sem hann gæti gefið fólki væri að setja það ofarlega á forgangslistann að þróa góð tengsl við annað fólk. „Hamingja er annað fólk“, fullyrti hann. Gefðu gjöf sem gefur Nú fer sá tími ársins í garð þar sem við hugum að jólagjöfum handa ástvinum okkar. Hvernig væri að setja notalega samveru í forgang þessi jól til að ýta undir sterkari tengsl og jákvæð samskipti við þá sem standa okkur næst? Að gefa þeim sem okkur þykir vænt um tíma í formi nærandi samveru er ein dýrmætasta gjöfin sem hægt er að gefa nokkurri manneskju. Nýleg dönsk rannsókn sýndi að börn vilja verja tíma með foreldrum sínum. Auk þess hafa niðurstöður rannsókna sýnt að unglingar sem eiga í góðum samskiptum við foreldra sína eru síður líklegir til að sýna ýmis konar áhættuhegðun. Samvera er einfaldlega besta forvörnin. Hér eru nokkrar hugmyndir að jólagjöfum: Heimagerðar jólagjafir. Hægt er t.d. að föndra saman, skreyta piparkökur, baka laufabrauð, gera skartgripi, búa til jólakonfekt eða sultu, gera jólakrans, skreyta kerti, hanna dagatal með myndum af fjölskyldunni, gera minningamyndabók eða -myndband. Hvernig væri að fylla krukku af jurtatei, ristuðum kanilmöndlum eða karamellupoppi? Eða að hjálpa barninu við að útbúa jólagjöf handa hinu foreldrinu, öðrum fjölskyldumeðlim eða vin? Upplifun og samvera. Gaman er að útbúa gjafakort sem inniheldur samverustundir s.s. að fara saman í óvissukvöldgöngu, í sund, leikhús, bíó, á tónleika, á kaffihús, í fjallgöngu- eða fjöruferð, hjólaferð, ratleik, á sameiginlegt tómstunda- eða íþróttanámskeið, í frisbí, á skauta eða í keilu. Góðverk. Jólin eru tími kærleikans og góðverk gefa okkur tilgang auk þess sem þau bæta líf annarra. Hvernig væri að lauma einum pakka undir jólatré í verslunarmiðstöð, bjóða einhverjum heim sem vitað er að er einmana eða gefa upphæð til hjálparsamtaka? Gjafabréf. Gjöf í formi dekurs t.d. einn tími í nudd (höfuðnudd, tásunudd, herðanudd), andlitsbað eða dekurstund að eigin vali, morgunmatur í rúmið, kvöldverður við kertaljós í boði barnanna, tiltekt í bílskúr, þrif á bílnum, uppvask í eina viku, stofutónleikar, upplestur úr bók, slökun og hugleiðslustund. Einnig er hægt að búa til eftirminnilega dagskrá fyrir ástvin. Það eru engin jól án... Erlendis hefur verið boðið upp á stefnumótun fyrir fjölskyldur þar sem fjölskyldumeðlimir setjast niður og ræða gildin sín og fyrir hvað þær standa. Á einu slíku námskeiði voru börnin beðin um að klára setninguna Það eru engin jól án… Svör þeirra komu nokkuð á óvart en efst á óskalistanum voru ekki hlutir heldur samverustundir með fjölskyldunni eins og að drekka heitt kakó með rjóma, vera á náttfötunum í allan dag, horfa saman á bíómynd undir sæng, spila borðspil, borða kaniltertuna sem amma bakar alltaf um jólin og fleiri notalegar gæðastundir. Gefandi samverustundir.Aðsend Á aðventunni er einnig gott að leggja áherslu á nærandi samveru, t.d. með því að spjalla saman, skreyta piparkökuhús, fara í bíltúr saman til að skoða jólaljósin og mest skreyttu húsin eða útstillingar í verslununum, skera út laufabrauð, horfa á jólamynd, spila borðspil, hengja upp ljós og seríur og skreyta jólatréð, skrifa á jólakort á meðan hlustað er á notalega tónlist eða heimsækja jólaþorp. Þakklætiskrukka Þakklætiskrukka ætti að vera til á hverju heimili. Hlutverk hennar er að minna okkur á hvað það er margt sem við getum verið þakklát fyrir. Hægt er að nota til dæmis gamla sultukrukku og koma henni fyrir á góðum stað á heimilinu. Í krukkuna eru settir miðar með þökkum fyrir það sem hefur drifið á dagana. Þetta geta verið bíómiðar, leikhús - miðar, farseðlar, ljósmyndir, afmæliskort eða eitthvað annað sem hefur veitt gleði. Gott er að skrifa niður öll þau atriði, athafnir og atburði sem vekja jákvæðar tilfinningar eins og gleði, innblástur, vellíðan, þakklæti, æðruleysi, áhuga, von, stolt, frið, hamingju eða kærleika. Smám saman safnast þakklætismiðarnir í krukkuna. Þegar krukkan er orðin full er hún tæmd í viðurvist allra í fjölskyldunni og miðarnir lesnir upp. Þakklætiskrukkan er góð leið til að efla þakklætistilfinningu fjölskyldumeðlima. Hún minnir okkur líka á að það sem vekur með okkur jákvæðar tilfinningar er oftast innan seilingar. Þakklætiskrukka er líka tilvalin jólagjöf frá barni til þeirra sem því þykir vænt um svo sem vina og fjölskyldumeðlima. Hvettu barnið til að skrifa á miða eða hjörtu allt sem það er þakklátt fyrir í fari þess sem mun fá krukkuna. Þetta gætu verið þakkir eins og: Takk fyrir bestu knúsin, takk fyrir að skutla mér, takk fyrir að hjálpa mér með heimavinnuna, takk fyrir að vera alltaf til staðar fyrir mig, takk fyrir að hjálpa mér að búa til snjókarl, takk fyrir að hvetja mig áfram. Það er öllum börnum mikilvægt að njóta reglulega samverustunda með foreldrum sínum, systkinum og öðrum ástvinum og jólin eru frábært tækifæri til að hlúa að tengslunum og skapa dýrmætar minningar sem næra hjarta og huga. Unnur Arna Jónsdóttir og Hrafnhildur Sigurðardóttir eru eigendur Hugarfrelsis og Ingrid Kuhlman er leiðbeinandi og ráðgjafi hjá Þekkingarmiðlun. Saman eru þær höfundar bókarinnar Vellíðan barna: Handbók fyrir foreldra og standa að átakinu Vitundarvakning um vellíðan barna. Viltu birta grein á Vísi? Sendu okkur póst. Senda grein Ingrid Kuhlman Jól Börn og uppeldi Mest lesið Þjónn, það er bakslag í beinasoðinu mínu Hlédís Maren Guðmundsdóttir Skoðun Tár, kvár og kvennafrídagurinn Kristína Ösp Steinke Skoðun Líf eftir afplánun Eva Sóley Kristjánsdóttir Skoðun Við erum ekki eign annarra! Anna Lizzy Wichmann Skoðun Krafan sem kvennahreyfingin gleymdi Guðmundur Ingi Þóroddsson Skoðun Börn geta ekki beðið – krefjumst tafarlausra aðgerða! Elín H. Hinriksdóttir,Bóas Valdórsson,Árný Ingvarsdóttir,,Anna Lára Steindal,Alma Ýr Ingólfsdóttir Skoðun Skattaæfingar tengdar landbúnaðarstarfsemi Björn Bjarki Þorsteinsson Skoðun Rangfærslur og hræðsluáróður meirihluta sveitarstjórnar Grímsnes- og Grafningshrepps í nafni lýðræðis Ragna Ívarsdóttir,Guðrún Margrét Njálsdóttir,Þröstur Sverrisson Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun Ég hef… Karólína Helga Símonardóttir Skoðun Skoðun Skoðun Jafnréttisþjóðin sem gleymdi dansinum Brogan Davison,Pétur Ármannsson skrifar Skoðun Hver er að væla? Guðríður Eldey Arnardóttir skrifar Skoðun Tár, kvár og kvennafrídagurinn Kristína Ösp Steinke skrifar Skoðun Skattaæfingar tengdar landbúnaðarstarfsemi Björn Bjarki Þorsteinsson skrifar Skoðun Konan - Vinnan - Kjörin í 40 ár Sara Björg Sigurðardóttir skrifar Skoðun Rangfærslur og hræðsluáróður meirihluta sveitarstjórnar Grímsnes- og Grafningshrepps í nafni lýðræðis Ragna Ívarsdóttir,Guðrún Margrét Njálsdóttir,Þröstur Sverrisson skrifar Skoðun Íslenskur her og íslensk leyniþjónusta Steingrímur Jónsson skrifar Skoðun Er jafnrétti fyrir allar? Anna Bergþórsdóttir skrifar Skoðun Ættu konur að fara í háskólanám? Lísa Margrét Gunnarsdóttir,Íris Björk Ágústsdóttir skrifar Skoðun Enn einn dagur í baráttunni Ásta F. Flosadóttir skrifar Skoðun Verðmætasköpunarlaust haust Jón Gunnarsson skrifar Skoðun Enginn grunnur fyrir nýju starfsleyfi Ísteka Rósa Líf Darradóttir,Guðrún Scheving Thorsteinsson skrifar Skoðun Krafan sem kvennahreyfingin gleymdi Guðmundur Ingi Þóroddsson skrifar Skoðun Börn geta ekki beðið – krefjumst tafarlausra aðgerða! Elín H. Hinriksdóttir,Bóas Valdórsson,Árný Ingvarsdóttir,,Anna Lára Steindal,Alma Ýr Ingólfsdóttir skrifar Skoðun Einfaldar lausnir á vaxtamálavanda bankanna Guðmundur Ásgeirsson skrifar Skoðun Sættum okkur ekki við óbreytt ástand - tillögur Sjálfstæðisflokksins um úrbætur Diljá Mist Einarsdóttir skrifar Skoðun Hvað er sköpun í skólastarfi? Bryngeir Valdimarsson skrifar Skoðun Afglæpavæðing veðmála Gunnar Pétur Haraldsson skrifar Skoðun Gleðilegan kvennafrídag og gleðilegt kvennaár Helena Hafþórsdóttir O’Connor skrifar Skoðun Sterkara námslánakerfi – raunveruleg framför fyrir námsmenn París Anna Bergmann,Sigurður Kári Harðarson skrifar Skoðun Konur Íslands og alþjóðakerfið í takt Þorgerður Katrín Gunnarsdóttir skrifar Skoðun Hvað er svona merkilegt við það? Hópur starfsfólks Jafnlaunastofu skrifar Skoðun Við erum ekki eign annarra! Anna Lizzy Wichmann skrifar Skoðun Sameinuðu þjóðirnar 80 ára: Framtíðin er okkar Eva Harðardóttir skrifar Skoðun Til hamingju með 24. október Þorbjörg S. Gunnlaugsdóttir skrifar Skoðun Enn er verk að vinna – upprætum ofbeldi á vinnustöðum Brynhildur Heiðar- og Ómarsdóttir skrifar Skoðun Samstaða - afl sem breytir samfélaginu Heiða Björg Hilmarsdóttir skrifar Skoðun Einu sinni enn Álfhildur Leifsdóttir,Hólmfríður Jennýjar Árnadóttir skrifar Skoðun Skuggahliðar á þéttingu byggðar Þórarinn Hjaltason skrifar Skoðun Er ofbeldi gagnvart eldri borgurum vandamál á Íslandi? Björn Snæbjörnsson,Sigurður Ágúst Sigurðsson skrifar Sjá meira
Í Brennu-Njálssögu sagði Gunnar á Hlíðarenda við Njál á Bergþórshvoli: „Góðar eru gjafir þínar, en meira þykir mér verð vinátta þín og sona þinna.“ Hamingjurannsóknir hafa einmitt sýnt að góð, nærandi og gefandi tengsl eru stærsti einstaki þátturinn þegar kemur að hamingjunni. Chris Peterson, sem sérhæfði sig í jákvæðri sálfræði og kenndi við háskólann í Michigan, sagði að besta ráðið sem hann gæti gefið fólki væri að setja það ofarlega á forgangslistann að þróa góð tengsl við annað fólk. „Hamingja er annað fólk“, fullyrti hann. Gefðu gjöf sem gefur Nú fer sá tími ársins í garð þar sem við hugum að jólagjöfum handa ástvinum okkar. Hvernig væri að setja notalega samveru í forgang þessi jól til að ýta undir sterkari tengsl og jákvæð samskipti við þá sem standa okkur næst? Að gefa þeim sem okkur þykir vænt um tíma í formi nærandi samveru er ein dýrmætasta gjöfin sem hægt er að gefa nokkurri manneskju. Nýleg dönsk rannsókn sýndi að börn vilja verja tíma með foreldrum sínum. Auk þess hafa niðurstöður rannsókna sýnt að unglingar sem eiga í góðum samskiptum við foreldra sína eru síður líklegir til að sýna ýmis konar áhættuhegðun. Samvera er einfaldlega besta forvörnin. Hér eru nokkrar hugmyndir að jólagjöfum: Heimagerðar jólagjafir. Hægt er t.d. að föndra saman, skreyta piparkökur, baka laufabrauð, gera skartgripi, búa til jólakonfekt eða sultu, gera jólakrans, skreyta kerti, hanna dagatal með myndum af fjölskyldunni, gera minningamyndabók eða -myndband. Hvernig væri að fylla krukku af jurtatei, ristuðum kanilmöndlum eða karamellupoppi? Eða að hjálpa barninu við að útbúa jólagjöf handa hinu foreldrinu, öðrum fjölskyldumeðlim eða vin? Upplifun og samvera. Gaman er að útbúa gjafakort sem inniheldur samverustundir s.s. að fara saman í óvissukvöldgöngu, í sund, leikhús, bíó, á tónleika, á kaffihús, í fjallgöngu- eða fjöruferð, hjólaferð, ratleik, á sameiginlegt tómstunda- eða íþróttanámskeið, í frisbí, á skauta eða í keilu. Góðverk. Jólin eru tími kærleikans og góðverk gefa okkur tilgang auk þess sem þau bæta líf annarra. Hvernig væri að lauma einum pakka undir jólatré í verslunarmiðstöð, bjóða einhverjum heim sem vitað er að er einmana eða gefa upphæð til hjálparsamtaka? Gjafabréf. Gjöf í formi dekurs t.d. einn tími í nudd (höfuðnudd, tásunudd, herðanudd), andlitsbað eða dekurstund að eigin vali, morgunmatur í rúmið, kvöldverður við kertaljós í boði barnanna, tiltekt í bílskúr, þrif á bílnum, uppvask í eina viku, stofutónleikar, upplestur úr bók, slökun og hugleiðslustund. Einnig er hægt að búa til eftirminnilega dagskrá fyrir ástvin. Það eru engin jól án... Erlendis hefur verið boðið upp á stefnumótun fyrir fjölskyldur þar sem fjölskyldumeðlimir setjast niður og ræða gildin sín og fyrir hvað þær standa. Á einu slíku námskeiði voru börnin beðin um að klára setninguna Það eru engin jól án… Svör þeirra komu nokkuð á óvart en efst á óskalistanum voru ekki hlutir heldur samverustundir með fjölskyldunni eins og að drekka heitt kakó með rjóma, vera á náttfötunum í allan dag, horfa saman á bíómynd undir sæng, spila borðspil, borða kaniltertuna sem amma bakar alltaf um jólin og fleiri notalegar gæðastundir. Gefandi samverustundir.Aðsend Á aðventunni er einnig gott að leggja áherslu á nærandi samveru, t.d. með því að spjalla saman, skreyta piparkökuhús, fara í bíltúr saman til að skoða jólaljósin og mest skreyttu húsin eða útstillingar í verslununum, skera út laufabrauð, horfa á jólamynd, spila borðspil, hengja upp ljós og seríur og skreyta jólatréð, skrifa á jólakort á meðan hlustað er á notalega tónlist eða heimsækja jólaþorp. Þakklætiskrukka Þakklætiskrukka ætti að vera til á hverju heimili. Hlutverk hennar er að minna okkur á hvað það er margt sem við getum verið þakklát fyrir. Hægt er að nota til dæmis gamla sultukrukku og koma henni fyrir á góðum stað á heimilinu. Í krukkuna eru settir miðar með þökkum fyrir það sem hefur drifið á dagana. Þetta geta verið bíómiðar, leikhús - miðar, farseðlar, ljósmyndir, afmæliskort eða eitthvað annað sem hefur veitt gleði. Gott er að skrifa niður öll þau atriði, athafnir og atburði sem vekja jákvæðar tilfinningar eins og gleði, innblástur, vellíðan, þakklæti, æðruleysi, áhuga, von, stolt, frið, hamingju eða kærleika. Smám saman safnast þakklætismiðarnir í krukkuna. Þegar krukkan er orðin full er hún tæmd í viðurvist allra í fjölskyldunni og miðarnir lesnir upp. Þakklætiskrukkan er góð leið til að efla þakklætistilfinningu fjölskyldumeðlima. Hún minnir okkur líka á að það sem vekur með okkur jákvæðar tilfinningar er oftast innan seilingar. Þakklætiskrukka er líka tilvalin jólagjöf frá barni til þeirra sem því þykir vænt um svo sem vina og fjölskyldumeðlima. Hvettu barnið til að skrifa á miða eða hjörtu allt sem það er þakklátt fyrir í fari þess sem mun fá krukkuna. Þetta gætu verið þakkir eins og: Takk fyrir bestu knúsin, takk fyrir að skutla mér, takk fyrir að hjálpa mér með heimavinnuna, takk fyrir að vera alltaf til staðar fyrir mig, takk fyrir að hjálpa mér að búa til snjókarl, takk fyrir að hvetja mig áfram. Það er öllum börnum mikilvægt að njóta reglulega samverustunda með foreldrum sínum, systkinum og öðrum ástvinum og jólin eru frábært tækifæri til að hlúa að tengslunum og skapa dýrmætar minningar sem næra hjarta og huga. Unnur Arna Jónsdóttir og Hrafnhildur Sigurðardóttir eru eigendur Hugarfrelsis og Ingrid Kuhlman er leiðbeinandi og ráðgjafi hjá Þekkingarmiðlun. Saman eru þær höfundar bókarinnar Vellíðan barna: Handbók fyrir foreldra og standa að átakinu Vitundarvakning um vellíðan barna.
Börn geta ekki beðið – krefjumst tafarlausra aðgerða! Elín H. Hinriksdóttir,Bóas Valdórsson,Árný Ingvarsdóttir,,Anna Lára Steindal,Alma Ýr Ingólfsdóttir Skoðun
Rangfærslur og hræðsluáróður meirihluta sveitarstjórnar Grímsnes- og Grafningshrepps í nafni lýðræðis Ragna Ívarsdóttir,Guðrún Margrét Njálsdóttir,Þröstur Sverrisson Skoðun
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Skoðun Rangfærslur og hræðsluáróður meirihluta sveitarstjórnar Grímsnes- og Grafningshrepps í nafni lýðræðis Ragna Ívarsdóttir,Guðrún Margrét Njálsdóttir,Þröstur Sverrisson skrifar
Skoðun Enginn grunnur fyrir nýju starfsleyfi Ísteka Rósa Líf Darradóttir,Guðrún Scheving Thorsteinsson skrifar
Skoðun Börn geta ekki beðið – krefjumst tafarlausra aðgerða! Elín H. Hinriksdóttir,Bóas Valdórsson,Árný Ingvarsdóttir,,Anna Lára Steindal,Alma Ýr Ingólfsdóttir skrifar
Skoðun Sættum okkur ekki við óbreytt ástand - tillögur Sjálfstæðisflokksins um úrbætur Diljá Mist Einarsdóttir skrifar
Skoðun Sterkara námslánakerfi – raunveruleg framför fyrir námsmenn París Anna Bergmann,Sigurður Kári Harðarson skrifar
Skoðun Enn er verk að vinna – upprætum ofbeldi á vinnustöðum Brynhildur Heiðar- og Ómarsdóttir skrifar
Skoðun Er ofbeldi gagnvart eldri borgurum vandamál á Íslandi? Björn Snæbjörnsson,Sigurður Ágúst Sigurðsson skrifar
Börn geta ekki beðið – krefjumst tafarlausra aðgerða! Elín H. Hinriksdóttir,Bóas Valdórsson,Árný Ingvarsdóttir,,Anna Lára Steindal,Alma Ýr Ingólfsdóttir Skoðun
Rangfærslur og hræðsluáróður meirihluta sveitarstjórnar Grímsnes- og Grafningshrepps í nafni lýðræðis Ragna Ívarsdóttir,Guðrún Margrét Njálsdóttir,Þröstur Sverrisson Skoðun
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun