Warwick Davis á leið til Íslands í frí Oddur Ævar Gunnarsson skrifar 4. maí 2023 16:30 Warwick var afar hress þegar hann hitti íslenska hópinn og spenntur fyrir Íslandsförinni í þessum mánuði. Marteinn Ibsen Breski stórleikarinn Warwick Davis er á leið til Íslands í frí í þessum mánuði. Þetta sagði hann íslenskum aðdáendum sem mættu á sérstaka Stjörnustríðsráðstefnu í London um páskana. Þeirra á meðal er Marteinn Ibsen, stjórnarmaður í Íslandsdeild 501st Legion, Icelandic Outpost. Samtökin eru fyrir löngu orðin flestum kunn en meðlimir þeirra klæða sig upp í Stjörnustríðsbúninga, gleðja þannig almenning og styrkja hin ýmsu góðgerðarmál. „Við vorum þarna á Star Wars Celebration í London í algjöru Disney partýi. Það eru einhverjir tugir þúsunda aðdáenda sem mæta þangað og við rákumst bara á Warwick þarna í hurðinni,“ útskýrir Marteinn í samtali við Vísi. Sjálfur bregður hann gjarnan á leik í búningi Svarthöfða. Warwick er einn af frægustu leikurum Bretlandseyja og hefur komið fram í Stjörnustríðsmyndunum, Harry Potter myndunum og Willow myndinni og sjónvarpsþáttunum svo fátt eitt sé nefnt. Marteinn segir að um hafi verið að ræða sannkallaða Stjörnustríðshátíð í London þar sem stærstu stjörnurnar mættu úr myndunum mættu. Forsvarsmenn kvikmyndaversins Lucasfilm tilkynntu þar sömuleiðis ýmsar sjónvarpsseríur og kvikmyndir sem eru í bígerð og tengjast Stjörnustríðsheiminum. „Svo voru sýnd brot úr allskonar verkefnum sem enginn annar má sjá,“ segir Marteinn og fellst á það hlæjandi að hann sitji því á nokkrum hernaðarleyndarmálum Disney samsteypunnar sem á Lucasfilm. Horfðu á Mandalorian með Mandalorian teyminu Meðal þess sem ráðstefnugestir fengu að sjá var nýjasti þátturinn í sjónvarpsþáttaseríunni The Mandalorian. Marteinn segist hafa áttað sig á því að sýningu lokinni að teymið sem gerir þættina var einnig viðstatt sýninguna. Íslenski hópurinn komst að ýmsum hernaðarleyndarmálum um nýtt efni úr Star Wars heiminum á ráðstefnunni. Marteinn Ibsen „Þarna voru Jon Favreu, Dave Filoni og allir leikararnir úr þáttunum. Við tókum ekki eftir því fyrr en eftir að þátturinn var búinn, þá forðuðu þau sér út í myrkrinu.“ Báðir hafa þeir Jon Favreau og Dave Filoni verið helstu sprauturnar í sjónvarpsheimi Stjörnustríðsins sem byggður hefur verið upp undanfarin ár. Mjög áhugasamur um Ísland „Warwick var virkilega hress. Við hittum hann af einskærri tilviljun, hann var að ganga inn um starfsmannainngang fyrir þá sem eru með öðruvísi passa en hinir,“ segir Marteinn. Hann gaf honum merki Íslandsdeildar 501st. „Hann þakkaði kærlega fyrir og spurði hvaðan við værum og þegar við sögðumst vera frá Íslandi sagðist hann einmitt vera að fara til Íslands í næsta mánuði, bara með fjölskyldunni í frí.“ Leikarinn spurði Martein og félaga hvað hann ætti að sjá á Íslandi. „Við sögðum honum að hann ætti bara að sjá allt,“ segir Marteinn hlæjandi. Marteinn segir að hann alveg myndi þiggja fimm sentímetra í viðbót þegar hann bregður sér í búning Svarthöfða.Marteinn Ibsen Maí er mánuður Stjörnustríðs Íslandsdeild 501st hefur að sögn Marteins nóg fyrir stafni í maí. 40 ár eru um þessar mundir síðan Star Wars: Return of the Jedi var frumsýnd í kvikmyndahúsum og var hátíðarsýning í Sambíóum Kringlunni í vikunni. „Við mættum tíu í búning þangað og það var mikil stemning. Ég sé reyndar ekkert út um þennan Svarthöfðahjálm, þannig kannski vorum við fleiri,“ segir Marteinn enn hlæjandi. 501st ætlar svo að fagna sjálfum Stjörnustríðsdeginum sem er 4. maí á Bókasafni Hafnarfjarðar. „Við verðum þar reyndar tveimur dögum síðar, þann 6. maí og ætlum að mæta með hersveit Keisaraveldisins og hvetjum bara alla til þess að mæta í búningum.“ Það verður nóg um að vera hjá hinum íslenska Svarthöfða og félögum í 501st í maí. Marteinn Ibsen Star Wars Hollywood Íslandsvinir Mest lesið Matti Matt nú meistari Lífið Sætustu systur landsins skáluðu fyrir Birni Lífið Fréttatía vikunnar: Clint Eastwood, útivistarsvæði og óvenjuleg lending Lífið Jóhanna Guðrún gæsuð Lífið Yfir tvö hundruð tryllitæki sýnd um helgina Lífið samstarf Í Love Island eftir lífshættulegt slys Lífið Sydney Sweeney selur sápu úr skítugu baðvatni sínu Lífið Mikið um dýrðir á þjóðardegi Íslands í Japan Lífið Brad Pitt tjáir sig í fyrsta skipti um skilnaðinn Lífið Hamingjusöm pör noti mikið samanburð við aðra Lífið Fleiri fréttir Fréttatía vikunnar: Clint Eastwood, útivistarsvæði og óvenjuleg lending Matti Matt nú meistari Mikið um dýrðir á þjóðardegi Íslands í Japan Sætustu systur landsins skáluðu fyrir Birni Hamingjusöm pör noti mikið samanburð við aðra Í Love Island eftir lífshættulegt slys Sydney Sweeney selur sápu úr skítugu baðvatni sínu Jóhanna Guðrún gæsuð Brad Pitt tjáir sig í fyrsta skipti um skilnaðinn „Þetta tekur svo svakalega á sálartetrið“ Sjarmerandi miðbæjaríbúð listapars Heillaði að læra hefðirnar í Húsó Steldu senunni í veislu sumarsins Hefur lést um níu kíló eftir hjartaáfallið: „Maður vaknar svolítið við þetta“ Dreymir stanslaust kynlíf með öðru fólki en makanum Skvísurnar tóku yfir klúbbinn Tónlistarbransadrottning selur miðbæjarslotið Handlagin hjón selja tvær eignir í sögulegu farandshúsi Kjalar ástfanginn í tvö ár Diddú tíu þúsundasti gestur fótboltabullnanna Sú elsta í sögu Ungfrú Ísland glímdi við átröskun og varð minnst 39 kíló Alda Karen keppir í hermiakstri Var ekki að lifa lífinu heldur að þrauka það Eilish sópaði að sér verðlaunum á AMA-hátíðinni Kolféll fyrir New York en sér íslenska náttúru í hillingum Brauðtertu- og ostakökukeppni á Selfossi Sara Björk og Árni kaupa í Urriðaholti Senjórítur og Pálmi Gunnars stálu senunni á Rottweiler Eyjaherrar heiðruðu sjötugan Ásgeir í stjörnufans „Þessi þriggja daga hátíð er algjört konfekt” Sjá meira
Þeirra á meðal er Marteinn Ibsen, stjórnarmaður í Íslandsdeild 501st Legion, Icelandic Outpost. Samtökin eru fyrir löngu orðin flestum kunn en meðlimir þeirra klæða sig upp í Stjörnustríðsbúninga, gleðja þannig almenning og styrkja hin ýmsu góðgerðarmál. „Við vorum þarna á Star Wars Celebration í London í algjöru Disney partýi. Það eru einhverjir tugir þúsunda aðdáenda sem mæta þangað og við rákumst bara á Warwick þarna í hurðinni,“ útskýrir Marteinn í samtali við Vísi. Sjálfur bregður hann gjarnan á leik í búningi Svarthöfða. Warwick er einn af frægustu leikurum Bretlandseyja og hefur komið fram í Stjörnustríðsmyndunum, Harry Potter myndunum og Willow myndinni og sjónvarpsþáttunum svo fátt eitt sé nefnt. Marteinn segir að um hafi verið að ræða sannkallaða Stjörnustríðshátíð í London þar sem stærstu stjörnurnar mættu úr myndunum mættu. Forsvarsmenn kvikmyndaversins Lucasfilm tilkynntu þar sömuleiðis ýmsar sjónvarpsseríur og kvikmyndir sem eru í bígerð og tengjast Stjörnustríðsheiminum. „Svo voru sýnd brot úr allskonar verkefnum sem enginn annar má sjá,“ segir Marteinn og fellst á það hlæjandi að hann sitji því á nokkrum hernaðarleyndarmálum Disney samsteypunnar sem á Lucasfilm. Horfðu á Mandalorian með Mandalorian teyminu Meðal þess sem ráðstefnugestir fengu að sjá var nýjasti þátturinn í sjónvarpsþáttaseríunni The Mandalorian. Marteinn segist hafa áttað sig á því að sýningu lokinni að teymið sem gerir þættina var einnig viðstatt sýninguna. Íslenski hópurinn komst að ýmsum hernaðarleyndarmálum um nýtt efni úr Star Wars heiminum á ráðstefnunni. Marteinn Ibsen „Þarna voru Jon Favreu, Dave Filoni og allir leikararnir úr þáttunum. Við tókum ekki eftir því fyrr en eftir að þátturinn var búinn, þá forðuðu þau sér út í myrkrinu.“ Báðir hafa þeir Jon Favreau og Dave Filoni verið helstu sprauturnar í sjónvarpsheimi Stjörnustríðsins sem byggður hefur verið upp undanfarin ár. Mjög áhugasamur um Ísland „Warwick var virkilega hress. Við hittum hann af einskærri tilviljun, hann var að ganga inn um starfsmannainngang fyrir þá sem eru með öðruvísi passa en hinir,“ segir Marteinn. Hann gaf honum merki Íslandsdeildar 501st. „Hann þakkaði kærlega fyrir og spurði hvaðan við værum og þegar við sögðumst vera frá Íslandi sagðist hann einmitt vera að fara til Íslands í næsta mánuði, bara með fjölskyldunni í frí.“ Leikarinn spurði Martein og félaga hvað hann ætti að sjá á Íslandi. „Við sögðum honum að hann ætti bara að sjá allt,“ segir Marteinn hlæjandi. Marteinn segir að hann alveg myndi þiggja fimm sentímetra í viðbót þegar hann bregður sér í búning Svarthöfða.Marteinn Ibsen Maí er mánuður Stjörnustríðs Íslandsdeild 501st hefur að sögn Marteins nóg fyrir stafni í maí. 40 ár eru um þessar mundir síðan Star Wars: Return of the Jedi var frumsýnd í kvikmyndahúsum og var hátíðarsýning í Sambíóum Kringlunni í vikunni. „Við mættum tíu í búning þangað og það var mikil stemning. Ég sé reyndar ekkert út um þennan Svarthöfðahjálm, þannig kannski vorum við fleiri,“ segir Marteinn enn hlæjandi. 501st ætlar svo að fagna sjálfum Stjörnustríðsdeginum sem er 4. maí á Bókasafni Hafnarfjarðar. „Við verðum þar reyndar tveimur dögum síðar, þann 6. maí og ætlum að mæta með hersveit Keisaraveldisins og hvetjum bara alla til þess að mæta í búningum.“ Það verður nóg um að vera hjá hinum íslenska Svarthöfða og félögum í 501st í maí. Marteinn Ibsen
Star Wars Hollywood Íslandsvinir Mest lesið Matti Matt nú meistari Lífið Sætustu systur landsins skáluðu fyrir Birni Lífið Fréttatía vikunnar: Clint Eastwood, útivistarsvæði og óvenjuleg lending Lífið Jóhanna Guðrún gæsuð Lífið Yfir tvö hundruð tryllitæki sýnd um helgina Lífið samstarf Í Love Island eftir lífshættulegt slys Lífið Sydney Sweeney selur sápu úr skítugu baðvatni sínu Lífið Mikið um dýrðir á þjóðardegi Íslands í Japan Lífið Brad Pitt tjáir sig í fyrsta skipti um skilnaðinn Lífið Hamingjusöm pör noti mikið samanburð við aðra Lífið Fleiri fréttir Fréttatía vikunnar: Clint Eastwood, útivistarsvæði og óvenjuleg lending Matti Matt nú meistari Mikið um dýrðir á þjóðardegi Íslands í Japan Sætustu systur landsins skáluðu fyrir Birni Hamingjusöm pör noti mikið samanburð við aðra Í Love Island eftir lífshættulegt slys Sydney Sweeney selur sápu úr skítugu baðvatni sínu Jóhanna Guðrún gæsuð Brad Pitt tjáir sig í fyrsta skipti um skilnaðinn „Þetta tekur svo svakalega á sálartetrið“ Sjarmerandi miðbæjaríbúð listapars Heillaði að læra hefðirnar í Húsó Steldu senunni í veislu sumarsins Hefur lést um níu kíló eftir hjartaáfallið: „Maður vaknar svolítið við þetta“ Dreymir stanslaust kynlíf með öðru fólki en makanum Skvísurnar tóku yfir klúbbinn Tónlistarbransadrottning selur miðbæjarslotið Handlagin hjón selja tvær eignir í sögulegu farandshúsi Kjalar ástfanginn í tvö ár Diddú tíu þúsundasti gestur fótboltabullnanna Sú elsta í sögu Ungfrú Ísland glímdi við átröskun og varð minnst 39 kíló Alda Karen keppir í hermiakstri Var ekki að lifa lífinu heldur að þrauka það Eilish sópaði að sér verðlaunum á AMA-hátíðinni Kolféll fyrir New York en sér íslenska náttúru í hillingum Brauðtertu- og ostakökukeppni á Selfossi Sara Björk og Árni kaupa í Urriðaholti Senjórítur og Pálmi Gunnars stálu senunni á Rottweiler Eyjaherrar heiðruðu sjötugan Ásgeir í stjörnufans „Þessi þriggja daga hátíð er algjört konfekt” Sjá meira