Engin ákvörðun um úrsögn úr hnefaleikasambandi en fylgst með Kristinn Haukur Guðnason skrifar 28. maí 2023 09:00 Viktoría Berg Einarsdóttir framkvæmdastjóri Hnefaleikasambandsins segir sambandið ekki sátt við ákvarðanir IBA að undanförnu. Hnefaleikaheimurinn logar þessa stundina. Alþjóða hnefaleikasambandið, IBA, er undir járnhæl rússnesks formanns sem styður Pútín og Bandaríkjamenn hafa stofnað eigin samband. Íslendingar fylgjast með. „Við munum fylgjast með þeim þjóðum sem standa okkur næst og við erum helst í samstarfi við, þá Norðurlöndin, og einnig IOC, og endurskoða stöðuna ef einhverjar breytingar verða þar,“ segir Viktoría Berg Einarsdóttir, framkvæmdastjóri Hnefaleikasambands Íslands. Bandaríkjamenn hafa stofnað sérstakt hnefaleikasamband fyrir áhugamannahnefaleika, World Boxing, og sagt sig úr IBA. Fleiri þjóðir hafa gengið í sambandið, svo sem Frakkar, Bretar, Ástralar og Kanadamenn. Úkraínufáninn bannaður Ástæðan eru ákvarðanir stjórnar IBA og formannsins, Umar Kremlev, á undanförnum árum og einkum eftir að innrás Rússa inn í Úkraínu hófst í febrúar á síðasta ári. Kremlev hefur meðal annars fært höfuðstöðvarnar til Rússlands og gert rússneska gasrisann Gazprom að helsta bakhjarli IBA. Formaðurinn Umar Kremlev styður innrásina í Úkraínu og hefur beitt sér gegn úkraínskum hnefaleikamönnum.Getty Í september síðastliðnum var Úkraínumönnum bannað að keppa undir eigin fána, að sögn stjórnar IBA vegna afskipta stjórnvalda þar í landi. Þá aflétti IBA kepnnisbanni Alþjóða ólympíusambandsins, IOC, af bæði rússneskum og hvítrússneskum hnefaleikamönnum. En fram að þessu hafa þeir hnefaleikamenn þurft að keppa undir hlutlausum fána. Tóku völdin af IBA Sífellt fleiri lönd hafa verið að sækja um inngöngu í World Boxing, þar á meðal Þýskaland, Svíþjóð og Nýja Sjáland. IBA hefur brugðist við með því að víkja þeim úr IBA. Á sama tíma dælir Gazprom verðlaunafé í keppnismótin sem skipulögð eru af IBA til að hæna fólk að IBA. Kremlev komst til valda í IBA eftir að IOC tók völdin af sambandinu fyrir ólympíuleikana í Tókíó árið 2020. IOC skipulagði sjálft undirbúningsmótið fyrir leikana vegna vandræða IBA með fjármál og dómgæslu. Kremlev lofaði bót og betrun IBA en sambandið á milli IBA og IOC hefur hins vegar aðeins versnað til muna eftir að hann komst til valda. Gætu horfið af ólympíuleikum „Miðað við þróun á samræðum IOC og IBA þá stefnir í að hnefaleikar verði ekki partur af Ólympíuleikunum í Los Angeles árið 2028. Ef þessi þróun heldur áfram þá er hætta á því að IBA verði ekki lengur partur af Ólympíusambandinu,“ segir Viktoría. Segir hún að áhersla IBA sé núna á eigin mótaröð en markmið World Boxing sé að halda hnefaleikum inni í ólympíuleikum, þar sem þeir eiga langa sögu. „Við sem samband undir ÍSÍ munum alltaf fylgja alþjóðlega Ólympíusambandinu og því sambandi sem heyrir þar undir,“ segir Viktoría. „Við fylgjum einnig Norðurlöndunum og því sem þau hafa í hyggju að gera. Eins og staðan er í dag þá hafa engar ákvarðanir verið teknar en við munum fylgjast með þróuninni og sjá hvað Alþjóðlega Ólympíusambandið gerir.“ Grátt svæði Aðspurð um afstöðu Hnefaleikasambands Íslands til ákvarðana IBA að undanförnu segir Viktoría að ekki sé sátt um þær. Sambandið hefur hins vegar ekki beitt sér formlega á þessum velli. „Hnefaleikasamband Íslands hefur ekki verið sjálft í neinum mótmælum gagnvart þessu en hefur fylgst grannt með umræðunum og hefur verið erfitt að skilja ákvarðanir alþjóðasambandsins sem oft á tíðum liggja á gráu svæði,“ segir Viktoría. „Þó að við höfum ekki verið í neinum mótmælum þá erum við samt sem áður ósammála ákvörðun IBA um að leyfa Rússum og Hvítrússum að keppa og að banna Úkraínumönnum að keppa undir eigin fána. Þessar tilteknu deilur eru eitthvað sem við vorum ekki virkir þátttakendur í og því erfitt að mynda sér skoðanir á einstaka málum. Áhersluatriði okkar snýr fyrst og fremst að íþróttinni og þátttakendum hennar og viljum helst að það haldist þannig,“ bætir hún við. Box Rússland Úkraína Innrás Rússa í Úkraínu Ólympíuleikar Mest lesið Óli Jóh skellihló að viðtali Heimis Íslenski boltinn Kossar kærastans ástæðan fyrir því hún féll á lyfjaprófi Sport „Langaði virkilega að fara að gráta þegar ég kom inn í klefa“ Fótbolti Amorim sagði nei og Man. United missti af 1,6 milljörðum Enski boltinn KA fékk færri athugasemdir en Crystal Palace Íslenski boltinn „Vandamálið er ekki að við eigum ekki nógu góða leikmenn“ Fótbolti Mikil blóðtaka fyrir Valsmenn Körfubolti Sólarbann, freistingar og kokhraustir Albanir Íslenski boltinn Lentu í rútuslysi og æfingu aflýst Fótbolti Ráku glænýjan leikmann félagsins fyrir að mæta á tónleika Handbolti Fleiri fréttir EM í dag: Nótt á spítala, hræddir blaðamenn og nammi frá Betu FIFA opnar skrifstofu í Trump turni Í beinni: Þýskaland - Danmörk | Þjóðverjar geta slökkt vonir Dana Lentu í rútuslysi og æfingu aflýst Everton búið að finna sinn Peter Crouch „Þú ert ekki tilbúinn fyrir Ásdísi Halldórsdóttur“ Amorim sagði nei og Man. United missti af 1,6 milljörðum Sólarbann, freistingar og kokhraustir Albanir „Vandamálið er ekki að við eigum ekki nógu góða leikmenn“ Freyr missir lykilmann fyrir metfé Óli Jóh skellihló að viðtali Heimis Mikil blóðtaka fyrir Valsmenn Hafa skyldum að gegna gagnvart landsliðinu og þjóðinni Stúkumenn ekki sammála um hvort Valsmenn geti orðið meistarar Fullt af Betum upp í stúku á EM í gær KA fékk færri athugasemdir en Crystal Palace Sjáðu Árna bjarga sjálfum sér en fá svo á sig jöfnunarmark langt utan af velli „Langaði virkilega að fara að gráta þegar ég kom inn í klefa“ Þurfa stelpurnar okkar bara að finna sér nýjan Sigurwin? Ráku glænýjan leikmann félagsins fyrir að mæta á tónleika Kossar kærastans ástæðan fyrir því hún féll á lyfjaprófi Leikmenn Liverpool þurfa að mæta í vinnuna í dag Sjö lið skiptust á sex leikmönnum Sá óheppnasti enn á ný óheppinn Dagskráin í dag: Blikar í Meistaradeildinni Drykkjulæti trufluðu leik á Wimbledon Frá Midtjylland til Newcastle Dreymdi um dans og söng inni í klefa: „Erfitt að koma í orð hvernig manni líður“ Heimir mjög ósáttur við dómarann: „Þetta er bara dýfa“ Vörn Grindavíkur áfram hriplek Sjá meira
„Við munum fylgjast með þeim þjóðum sem standa okkur næst og við erum helst í samstarfi við, þá Norðurlöndin, og einnig IOC, og endurskoða stöðuna ef einhverjar breytingar verða þar,“ segir Viktoría Berg Einarsdóttir, framkvæmdastjóri Hnefaleikasambands Íslands. Bandaríkjamenn hafa stofnað sérstakt hnefaleikasamband fyrir áhugamannahnefaleika, World Boxing, og sagt sig úr IBA. Fleiri þjóðir hafa gengið í sambandið, svo sem Frakkar, Bretar, Ástralar og Kanadamenn. Úkraínufáninn bannaður Ástæðan eru ákvarðanir stjórnar IBA og formannsins, Umar Kremlev, á undanförnum árum og einkum eftir að innrás Rússa inn í Úkraínu hófst í febrúar á síðasta ári. Kremlev hefur meðal annars fært höfuðstöðvarnar til Rússlands og gert rússneska gasrisann Gazprom að helsta bakhjarli IBA. Formaðurinn Umar Kremlev styður innrásina í Úkraínu og hefur beitt sér gegn úkraínskum hnefaleikamönnum.Getty Í september síðastliðnum var Úkraínumönnum bannað að keppa undir eigin fána, að sögn stjórnar IBA vegna afskipta stjórnvalda þar í landi. Þá aflétti IBA kepnnisbanni Alþjóða ólympíusambandsins, IOC, af bæði rússneskum og hvítrússneskum hnefaleikamönnum. En fram að þessu hafa þeir hnefaleikamenn þurft að keppa undir hlutlausum fána. Tóku völdin af IBA Sífellt fleiri lönd hafa verið að sækja um inngöngu í World Boxing, þar á meðal Þýskaland, Svíþjóð og Nýja Sjáland. IBA hefur brugðist við með því að víkja þeim úr IBA. Á sama tíma dælir Gazprom verðlaunafé í keppnismótin sem skipulögð eru af IBA til að hæna fólk að IBA. Kremlev komst til valda í IBA eftir að IOC tók völdin af sambandinu fyrir ólympíuleikana í Tókíó árið 2020. IOC skipulagði sjálft undirbúningsmótið fyrir leikana vegna vandræða IBA með fjármál og dómgæslu. Kremlev lofaði bót og betrun IBA en sambandið á milli IBA og IOC hefur hins vegar aðeins versnað til muna eftir að hann komst til valda. Gætu horfið af ólympíuleikum „Miðað við þróun á samræðum IOC og IBA þá stefnir í að hnefaleikar verði ekki partur af Ólympíuleikunum í Los Angeles árið 2028. Ef þessi þróun heldur áfram þá er hætta á því að IBA verði ekki lengur partur af Ólympíusambandinu,“ segir Viktoría. Segir hún að áhersla IBA sé núna á eigin mótaröð en markmið World Boxing sé að halda hnefaleikum inni í ólympíuleikum, þar sem þeir eiga langa sögu. „Við sem samband undir ÍSÍ munum alltaf fylgja alþjóðlega Ólympíusambandinu og því sambandi sem heyrir þar undir,“ segir Viktoría. „Við fylgjum einnig Norðurlöndunum og því sem þau hafa í hyggju að gera. Eins og staðan er í dag þá hafa engar ákvarðanir verið teknar en við munum fylgjast með þróuninni og sjá hvað Alþjóðlega Ólympíusambandið gerir.“ Grátt svæði Aðspurð um afstöðu Hnefaleikasambands Íslands til ákvarðana IBA að undanförnu segir Viktoría að ekki sé sátt um þær. Sambandið hefur hins vegar ekki beitt sér formlega á þessum velli. „Hnefaleikasamband Íslands hefur ekki verið sjálft í neinum mótmælum gagnvart þessu en hefur fylgst grannt með umræðunum og hefur verið erfitt að skilja ákvarðanir alþjóðasambandsins sem oft á tíðum liggja á gráu svæði,“ segir Viktoría. „Þó að við höfum ekki verið í neinum mótmælum þá erum við samt sem áður ósammála ákvörðun IBA um að leyfa Rússum og Hvítrússum að keppa og að banna Úkraínumönnum að keppa undir eigin fána. Þessar tilteknu deilur eru eitthvað sem við vorum ekki virkir þátttakendur í og því erfitt að mynda sér skoðanir á einstaka málum. Áhersluatriði okkar snýr fyrst og fremst að íþróttinni og þátttakendum hennar og viljum helst að það haldist þannig,“ bætir hún við.
Box Rússland Úkraína Innrás Rússa í Úkraínu Ólympíuleikar Mest lesið Óli Jóh skellihló að viðtali Heimis Íslenski boltinn Kossar kærastans ástæðan fyrir því hún féll á lyfjaprófi Sport „Langaði virkilega að fara að gráta þegar ég kom inn í klefa“ Fótbolti Amorim sagði nei og Man. United missti af 1,6 milljörðum Enski boltinn KA fékk færri athugasemdir en Crystal Palace Íslenski boltinn „Vandamálið er ekki að við eigum ekki nógu góða leikmenn“ Fótbolti Mikil blóðtaka fyrir Valsmenn Körfubolti Sólarbann, freistingar og kokhraustir Albanir Íslenski boltinn Lentu í rútuslysi og æfingu aflýst Fótbolti Ráku glænýjan leikmann félagsins fyrir að mæta á tónleika Handbolti Fleiri fréttir EM í dag: Nótt á spítala, hræddir blaðamenn og nammi frá Betu FIFA opnar skrifstofu í Trump turni Í beinni: Þýskaland - Danmörk | Þjóðverjar geta slökkt vonir Dana Lentu í rútuslysi og æfingu aflýst Everton búið að finna sinn Peter Crouch „Þú ert ekki tilbúinn fyrir Ásdísi Halldórsdóttur“ Amorim sagði nei og Man. United missti af 1,6 milljörðum Sólarbann, freistingar og kokhraustir Albanir „Vandamálið er ekki að við eigum ekki nógu góða leikmenn“ Freyr missir lykilmann fyrir metfé Óli Jóh skellihló að viðtali Heimis Mikil blóðtaka fyrir Valsmenn Hafa skyldum að gegna gagnvart landsliðinu og þjóðinni Stúkumenn ekki sammála um hvort Valsmenn geti orðið meistarar Fullt af Betum upp í stúku á EM í gær KA fékk færri athugasemdir en Crystal Palace Sjáðu Árna bjarga sjálfum sér en fá svo á sig jöfnunarmark langt utan af velli „Langaði virkilega að fara að gráta þegar ég kom inn í klefa“ Þurfa stelpurnar okkar bara að finna sér nýjan Sigurwin? Ráku glænýjan leikmann félagsins fyrir að mæta á tónleika Kossar kærastans ástæðan fyrir því hún féll á lyfjaprófi Leikmenn Liverpool þurfa að mæta í vinnuna í dag Sjö lið skiptust á sex leikmönnum Sá óheppnasti enn á ný óheppinn Dagskráin í dag: Blikar í Meistaradeildinni Drykkjulæti trufluðu leik á Wimbledon Frá Midtjylland til Newcastle Dreymdi um dans og söng inni í klefa: „Erfitt að koma í orð hvernig manni líður“ Heimir mjög ósáttur við dómarann: „Þetta er bara dýfa“ Vörn Grindavíkur áfram hriplek Sjá meira