Óbærilegur léttleiki stjórnarsamstarfsins í uppnámi Jakob Bjarnar skrifar 22. júní 2023 14:36 Þorsteinn Pálsson segir Bjarna bjóða upp á pólitískan skollaleik og skuldi svör við spurningunni: Hver beri ábyrgð á því að Íslendingar hafi misstö tökin á útlendingamálum? vísir/vilhelm Þorsteinn Pálsson, fyrrverandi forsætisráðherra, dómsmálaráðherra og formaður Sjálfstæðisflokksins, telur einsýnt að Bjarni Benediktsson núverandi formaður flokksins hljóti að horfa í eigin barm þegar hann segir Íslendinga algjörlega hafa misst tökin á innflytjendamálum. Orð Bjarna hafa vakið mikla athygli og jafnvel reiði. Þannig sendi Jódís Skúladóttir þingmaður Vinstri grænna, samstarfsfólki sínu í meirihlutanum kaldar kveðjur í kjölfarið. Sagði innanmein Sjálfstæðisflokksins átakanleg á að horfa. „Til að víkja athygli þjóðarinnar frá þessum darraðadansi og til að bregðst við fylgistapi, sameinast þau nú öll í að velta sér upp úr rasíska drullupollinum í von um að geta kroppað inn einhver prósent frá systurflokkum sínum í útlendingamálum, Miðflokki og Flokki fólksins,“ skrifaði Jódís í pistli á Facebook sem vakið hefur mikla athygli og verið hafður meðal annars til marks um að það hrikti í stjórnarsamstarfinu. En þó margir Sjálfstæðismenn hafi móðgast þegar Jódís birti þessi skrif er ekki víst að það sé nema í nösunum á þeim. Þorsteinn telur samstarfið í ríkisstjórninni vissulega þrotnað en eigi ekki að koma á óvart. Það hafi beinlínis verið uppleggið. „Samstarf um ríkisstjórn með raunverulega stefnu hefði vissulega kostað erfiðar málamiðlanir. En þingmenn sjálfstæðismanna völdu sjálfir gagnkvæmt neitunarvald og útideyfu með VG. Þeir bera ábyrgð á því vali gagnvart kjósendum í komandi kosningum,“ skrifar Þorsteinn í pistli sem hann birtir á Eyjunni. Veruleikaflótti Bjarna Þorsteinn vísar til orða Guðmundar Inga Guðbrandssonar, varaformanns VG, sem sagði á fundi á Ísafirði í fyrra að hlutverk VG í ríkisstjórn væri ekki síst fólgið í því að stöðva hugmyndafræði Sjálfstæðisflokksins. Þetta sé því raunveruleg pólitísk tilveruklípa sem þingflokkurinn sé búinn að koma sér í. Hvað varðar orð Bjarna um að ástandið í útlendingamálum sé orðið stjórnlaust segir Þorsteinn að í full tíu ár hafa sex dómsmálaráðherrar úr röðum sjálfstæðismanna borið ábyrgð á málefnum innflytjenda. Og að í byrjun vikunnar hafi sjöundi ráðherrann tekið við þessari ábyrgð. Þorsteinn Pálsson bendir meðal annars á það að í full tíu ár hafa sex dómsmálaráðherrar úr röðum sjálfstæðismanna borið ábyrgð á málefnum innflytjenda.vísir/vilhelm „Af því tilefni sagði fjármálaráðherra að við hefðum algjörlega misst tökin á þessum málum. Bæjarstjórinn Hafnarfirði svaraði því til í Kastljósi að þessi þungi áfellisdómur væri sjálfsgagnrýni. Það eru orð að sönnu. Fá dæmi eru um að forystumenn í stjórnmálum hafi gengist með svo afgerandi hætti við mistökum eftir að hafa borið ábyrgð á málaflokki samfellt í áratug,“ skrifar Þorsteinn. Hann spyr hver sé sökudólgurinn og svarar þeirri spurningu sjálfur: „Fjármálaráðherra staðhæfði í viðtali á RÚV að þingið hefði brugðist. Stærsti flokkurinn í þremur ríkisstjórnum með ábyrgð á innflytjendamálum allan tímann má vissulega nota stór orð um lausatök. Hitt lýsir veruleikaflótta að skrifa þau á minnihlutann á Alþingi.“ Pólitískur skollaleikur formanns Sjálfstæðisflokksins Þorsteinn segir að Bjarna skulda svar við því hvaða samstarfsflokkur í þremur ríkisstjórnum hafi komið í veg fyrir að sex dómsmálaráðherrar Sjálfstæðisflokksins næðu árangri í þessum málaflokki. Jón Gunnarsson fráfarandi dómsmálaráðherra hafi hins vegar verið skýr um þetta. Hann segi sem er að vandi Sjálfstæðisflokksins sé samstarfið við VG. „Öllum má vera ljóst að pólarnir í stjórnmálum geta ekki til lengdar náð saman um markvissa stefnu. Jón Gunnarsson segir bara satt um þá staðreynd. Þorsteinn rifjar upp ummæli Guðmundar Inga varaformanns VG sem sagði að hlutverk flokksins í ríkisstjórn væri ekki síst í því fólgin að stöðva hugmyndafræði Sjálfstæðisflokksins. Þingmenn Sjálfstæðisflokksins þurfa nú að svara þeirri spurningu á komandi þingflokksfundi hvort þeirra staða sé sú að stöðva hugmyndafræði VG í ríkisstjórn.vísir/vilhelm Aðrir reyna að loka augunum eða draga athyglina að öðru. Forsætisráðherra reynir að loka augunum með því að mæla útideyfu bót á öllum helstu málasviðum. Fjármálaráðherra reynir á hinn bóginn að draga athyglina frá útideyfu samstarfsins með því að koma umræðu um málefni útlendinga á Pírataplan með öfugum formerkjum.“ Þorsteinn segir að slíkur skollaleikur með pólitísku ábyrgðina breyti ekki hinu að við höfum ekki fulla stjórn á þróun útlendingamála. Og að á þeim vanda þurfi að taka málefnalega en ekki með sleggjudómum. Mat Þorsteins er þannig að ríkisstjórnarsamstarfið sé vængbrotið og ekki um neitt sem ætti að vera uppi á borðum ríkisstjórnar til úrlausnar. Sýndarágreiningur stjórnarflokkanna Við þetta sem sagt er um ástir ósamlyndra hjóna varðandi útlendingamálin bætist svo afar umdeild ákvörðun Svandísar Svavarsdóttur matvælaráðherra að stöðva með nánast engum fyrirvara hvalveiðar. Sú ákvörðun stendur í Sjálfstæðismönnum og þeir þingmenn sem Vísir hefur rætt við eru reiðir. Boðað hefur verið til þingflokksfundar Sjálfstæðisflokksins þar sem það mál verður tekið fyrir. Óli Björn Kárason þingflokksformaður flaug til landsins í gærkvöldi frá London. Þingflokkur Sjálfstæðisflokkurinn þarf á fundi sínum að svara spurningunni: Eru þau í ríkisstjórn til að stöðva hugmyndafræði VG? Það má heita öfugsnúin staða. Þannig ætti að liggja fyrir að nú reynir sem aldrei fyrr á ríkisstjórnarsamstarfið. En svo er spurningin hvort þetta sé allt í plati? Varaþingmaður Samfylkingarinnar, Guðmundur Andri Thorsson, telur að límið sem heldur því saman sé ekki að gefa sig. Þvert á móti séu ágreiningurinn allur á yfirborðinu og þjóni öðrum tilgangi en þeim sem liggur í augum uppi. Hann býður vinum sínum á Facebook upp á athyglisverða greiningu: Guðmundur Andri gefur ekki mikið fyrir væringar meðal stjórnarflokkanna, þær séu til heimabrúks og ætlað að lappa upp á slappt fylgi sem sýnir sig í skoðanakönnunum.vísir/vilhelm „Þessa dagana hefur verið ýtt af stað markvissu átaki ríkisstjórnarflokkanna að ná til sín fylgi sem þeir hafa misst. Það gera þeir með því að ydda ágreiningsmál, sem vænleg eru til að vekja tilfinningar kjósenda. Útlendingamál og hvalveiðar,“ skrifar Guðmundur Andri á sína Facebook-síðu. Þær væringar séu því meira sem leikþáttur en nokkuð annað; „sem ýtir undir þá falshugmynd að þessi ríkisstjórn spanni átakalínur íslenskra stjórnmála. Það gerir hún ekki. Það ríkir þvert á móti eindrægni og sátt við ríkisstjórnarborðið um fyrirkomulag efnahagsmála, biðlista í fjársveltu heilbrigðiskerfi, skerðingar lífeyris, varðstöðu um landbúnaðarkerfi, krónuhagkerfi, okurvexti og verðbólgu, gjafakvóta og misskiptingu.“ Ríkisstjórn Katrínar Jakobsdóttur Alþingi Innflytjendamál Hvalveiðar Tengdar fréttir Stjórnarslit líklegri í dag en í gær Prófessor í stjórnmálafræði segir ekki hægt að líta fram hjá möguleikanum á því að ákvörðun matvælaráðherra sé svar við framgöngu ráðherra Sjálfstæðisflokksins í gær. Alvarlegur ágreiningur sé greinilega kominn upp á stjórnarheimilinu. 20. júní 2023 15:22 Svandís segir stjórnarsamstarfið ekki í hættu Svandís Svavarsdóttir matvælaráðherra telur umdeilda ákvörðun sína um að stöðva hvalveiðar sem áttu að hefjast á morgun ekki hafa nein áhrif á stjórnarsamstarfið. 20. júní 2023 17:09 Teitur Björn vill kalla atvinnuveganefnd saman Verulegur urgur er nú í herbúðum Sjálfstæðismanna vegna ákvörðunar Svandísar Svavarsdóttur matvælaráðherra um að banna hvalveiðar. 20. júní 2023 16:36 Mest lesið „Sjaldan hefur stjórnmálamaður verið hamflettur jafn rækilega“ Innlent „Það er rosalega ljótt að segja þetta en mér líður bara þannig“ Innlent Líkir aðferðum forstjóra Landsvirkjunnar við heimilisofbeldi Innlent „Hef ekki hitt neinn arkitekt sem finnst þetta góð hugmynd“ Innlent Lét högg og spörk dynja á foreldrunum í tíu klukkustundir Innlent Dregur í land og segir Starmer og félaga verðlauna Hamas Erlent Létu sprengjum rigna á Kænugarð Erlent Segir viðbrögð Bjarnheiðar vekja „óþægilegar minningar“ Innlent Meiddist á handlegg og fótum þegar glerhurð brotnaði Innlent Breiðan „tjakkast upp“ og varað við framhlaupi við hraunjaðrana Innlent Fleiri fréttir Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum „Sjaldan hefur stjórnmálamaður verið hamflettur jafn rækilega“ Lét högg og spörk dynja á foreldrunum í tíu klukkustundir Barst tilkynning um olíustuld í Hafnarfirði „Léleg blaðamennska“ sem byggi á upphrópunum og hatri á atvinnulífi Ítrekað ofbeldi, skelfdur Íslendingur eftir skjálfta og padel-æði „Það þarf sennilega að moka þennan bíl upp“ Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Veðurspáin fyrir helgina að skána Sjá meira
Orð Bjarna hafa vakið mikla athygli og jafnvel reiði. Þannig sendi Jódís Skúladóttir þingmaður Vinstri grænna, samstarfsfólki sínu í meirihlutanum kaldar kveðjur í kjölfarið. Sagði innanmein Sjálfstæðisflokksins átakanleg á að horfa. „Til að víkja athygli þjóðarinnar frá þessum darraðadansi og til að bregðst við fylgistapi, sameinast þau nú öll í að velta sér upp úr rasíska drullupollinum í von um að geta kroppað inn einhver prósent frá systurflokkum sínum í útlendingamálum, Miðflokki og Flokki fólksins,“ skrifaði Jódís í pistli á Facebook sem vakið hefur mikla athygli og verið hafður meðal annars til marks um að það hrikti í stjórnarsamstarfinu. En þó margir Sjálfstæðismenn hafi móðgast þegar Jódís birti þessi skrif er ekki víst að það sé nema í nösunum á þeim. Þorsteinn telur samstarfið í ríkisstjórninni vissulega þrotnað en eigi ekki að koma á óvart. Það hafi beinlínis verið uppleggið. „Samstarf um ríkisstjórn með raunverulega stefnu hefði vissulega kostað erfiðar málamiðlanir. En þingmenn sjálfstæðismanna völdu sjálfir gagnkvæmt neitunarvald og útideyfu með VG. Þeir bera ábyrgð á því vali gagnvart kjósendum í komandi kosningum,“ skrifar Þorsteinn í pistli sem hann birtir á Eyjunni. Veruleikaflótti Bjarna Þorsteinn vísar til orða Guðmundar Inga Guðbrandssonar, varaformanns VG, sem sagði á fundi á Ísafirði í fyrra að hlutverk VG í ríkisstjórn væri ekki síst fólgið í því að stöðva hugmyndafræði Sjálfstæðisflokksins. Þetta sé því raunveruleg pólitísk tilveruklípa sem þingflokkurinn sé búinn að koma sér í. Hvað varðar orð Bjarna um að ástandið í útlendingamálum sé orðið stjórnlaust segir Þorsteinn að í full tíu ár hafa sex dómsmálaráðherrar úr röðum sjálfstæðismanna borið ábyrgð á málefnum innflytjenda. Og að í byrjun vikunnar hafi sjöundi ráðherrann tekið við þessari ábyrgð. Þorsteinn Pálsson bendir meðal annars á það að í full tíu ár hafa sex dómsmálaráðherrar úr röðum sjálfstæðismanna borið ábyrgð á málefnum innflytjenda.vísir/vilhelm „Af því tilefni sagði fjármálaráðherra að við hefðum algjörlega misst tökin á þessum málum. Bæjarstjórinn Hafnarfirði svaraði því til í Kastljósi að þessi þungi áfellisdómur væri sjálfsgagnrýni. Það eru orð að sönnu. Fá dæmi eru um að forystumenn í stjórnmálum hafi gengist með svo afgerandi hætti við mistökum eftir að hafa borið ábyrgð á málaflokki samfellt í áratug,“ skrifar Þorsteinn. Hann spyr hver sé sökudólgurinn og svarar þeirri spurningu sjálfur: „Fjármálaráðherra staðhæfði í viðtali á RÚV að þingið hefði brugðist. Stærsti flokkurinn í þremur ríkisstjórnum með ábyrgð á innflytjendamálum allan tímann má vissulega nota stór orð um lausatök. Hitt lýsir veruleikaflótta að skrifa þau á minnihlutann á Alþingi.“ Pólitískur skollaleikur formanns Sjálfstæðisflokksins Þorsteinn segir að Bjarna skulda svar við því hvaða samstarfsflokkur í þremur ríkisstjórnum hafi komið í veg fyrir að sex dómsmálaráðherrar Sjálfstæðisflokksins næðu árangri í þessum málaflokki. Jón Gunnarsson fráfarandi dómsmálaráðherra hafi hins vegar verið skýr um þetta. Hann segi sem er að vandi Sjálfstæðisflokksins sé samstarfið við VG. „Öllum má vera ljóst að pólarnir í stjórnmálum geta ekki til lengdar náð saman um markvissa stefnu. Jón Gunnarsson segir bara satt um þá staðreynd. Þorsteinn rifjar upp ummæli Guðmundar Inga varaformanns VG sem sagði að hlutverk flokksins í ríkisstjórn væri ekki síst í því fólgin að stöðva hugmyndafræði Sjálfstæðisflokksins. Þingmenn Sjálfstæðisflokksins þurfa nú að svara þeirri spurningu á komandi þingflokksfundi hvort þeirra staða sé sú að stöðva hugmyndafræði VG í ríkisstjórn.vísir/vilhelm Aðrir reyna að loka augunum eða draga athyglina að öðru. Forsætisráðherra reynir að loka augunum með því að mæla útideyfu bót á öllum helstu málasviðum. Fjármálaráðherra reynir á hinn bóginn að draga athyglina frá útideyfu samstarfsins með því að koma umræðu um málefni útlendinga á Pírataplan með öfugum formerkjum.“ Þorsteinn segir að slíkur skollaleikur með pólitísku ábyrgðina breyti ekki hinu að við höfum ekki fulla stjórn á þróun útlendingamála. Og að á þeim vanda þurfi að taka málefnalega en ekki með sleggjudómum. Mat Þorsteins er þannig að ríkisstjórnarsamstarfið sé vængbrotið og ekki um neitt sem ætti að vera uppi á borðum ríkisstjórnar til úrlausnar. Sýndarágreiningur stjórnarflokkanna Við þetta sem sagt er um ástir ósamlyndra hjóna varðandi útlendingamálin bætist svo afar umdeild ákvörðun Svandísar Svavarsdóttur matvælaráðherra að stöðva með nánast engum fyrirvara hvalveiðar. Sú ákvörðun stendur í Sjálfstæðismönnum og þeir þingmenn sem Vísir hefur rætt við eru reiðir. Boðað hefur verið til þingflokksfundar Sjálfstæðisflokksins þar sem það mál verður tekið fyrir. Óli Björn Kárason þingflokksformaður flaug til landsins í gærkvöldi frá London. Þingflokkur Sjálfstæðisflokkurinn þarf á fundi sínum að svara spurningunni: Eru þau í ríkisstjórn til að stöðva hugmyndafræði VG? Það má heita öfugsnúin staða. Þannig ætti að liggja fyrir að nú reynir sem aldrei fyrr á ríkisstjórnarsamstarfið. En svo er spurningin hvort þetta sé allt í plati? Varaþingmaður Samfylkingarinnar, Guðmundur Andri Thorsson, telur að límið sem heldur því saman sé ekki að gefa sig. Þvert á móti séu ágreiningurinn allur á yfirborðinu og þjóni öðrum tilgangi en þeim sem liggur í augum uppi. Hann býður vinum sínum á Facebook upp á athyglisverða greiningu: Guðmundur Andri gefur ekki mikið fyrir væringar meðal stjórnarflokkanna, þær séu til heimabrúks og ætlað að lappa upp á slappt fylgi sem sýnir sig í skoðanakönnunum.vísir/vilhelm „Þessa dagana hefur verið ýtt af stað markvissu átaki ríkisstjórnarflokkanna að ná til sín fylgi sem þeir hafa misst. Það gera þeir með því að ydda ágreiningsmál, sem vænleg eru til að vekja tilfinningar kjósenda. Útlendingamál og hvalveiðar,“ skrifar Guðmundur Andri á sína Facebook-síðu. Þær væringar séu því meira sem leikþáttur en nokkuð annað; „sem ýtir undir þá falshugmynd að þessi ríkisstjórn spanni átakalínur íslenskra stjórnmála. Það gerir hún ekki. Það ríkir þvert á móti eindrægni og sátt við ríkisstjórnarborðið um fyrirkomulag efnahagsmála, biðlista í fjársveltu heilbrigðiskerfi, skerðingar lífeyris, varðstöðu um landbúnaðarkerfi, krónuhagkerfi, okurvexti og verðbólgu, gjafakvóta og misskiptingu.“
Ríkisstjórn Katrínar Jakobsdóttur Alþingi Innflytjendamál Hvalveiðar Tengdar fréttir Stjórnarslit líklegri í dag en í gær Prófessor í stjórnmálafræði segir ekki hægt að líta fram hjá möguleikanum á því að ákvörðun matvælaráðherra sé svar við framgöngu ráðherra Sjálfstæðisflokksins í gær. Alvarlegur ágreiningur sé greinilega kominn upp á stjórnarheimilinu. 20. júní 2023 15:22 Svandís segir stjórnarsamstarfið ekki í hættu Svandís Svavarsdóttir matvælaráðherra telur umdeilda ákvörðun sína um að stöðva hvalveiðar sem áttu að hefjast á morgun ekki hafa nein áhrif á stjórnarsamstarfið. 20. júní 2023 17:09 Teitur Björn vill kalla atvinnuveganefnd saman Verulegur urgur er nú í herbúðum Sjálfstæðismanna vegna ákvörðunar Svandísar Svavarsdóttur matvælaráðherra um að banna hvalveiðar. 20. júní 2023 16:36 Mest lesið „Sjaldan hefur stjórnmálamaður verið hamflettur jafn rækilega“ Innlent „Það er rosalega ljótt að segja þetta en mér líður bara þannig“ Innlent Líkir aðferðum forstjóra Landsvirkjunnar við heimilisofbeldi Innlent „Hef ekki hitt neinn arkitekt sem finnst þetta góð hugmynd“ Innlent Lét högg og spörk dynja á foreldrunum í tíu klukkustundir Innlent Dregur í land og segir Starmer og félaga verðlauna Hamas Erlent Létu sprengjum rigna á Kænugarð Erlent Segir viðbrögð Bjarnheiðar vekja „óþægilegar minningar“ Innlent Meiddist á handlegg og fótum þegar glerhurð brotnaði Innlent Breiðan „tjakkast upp“ og varað við framhlaupi við hraunjaðrana Innlent Fleiri fréttir Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum „Sjaldan hefur stjórnmálamaður verið hamflettur jafn rækilega“ Lét högg og spörk dynja á foreldrunum í tíu klukkustundir Barst tilkynning um olíustuld í Hafnarfirði „Léleg blaðamennska“ sem byggi á upphrópunum og hatri á atvinnulífi Ítrekað ofbeldi, skelfdur Íslendingur eftir skjálfta og padel-æði „Það þarf sennilega að moka þennan bíl upp“ Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Veðurspáin fyrir helgina að skána Sjá meira
Stjórnarslit líklegri í dag en í gær Prófessor í stjórnmálafræði segir ekki hægt að líta fram hjá möguleikanum á því að ákvörðun matvælaráðherra sé svar við framgöngu ráðherra Sjálfstæðisflokksins í gær. Alvarlegur ágreiningur sé greinilega kominn upp á stjórnarheimilinu. 20. júní 2023 15:22
Svandís segir stjórnarsamstarfið ekki í hættu Svandís Svavarsdóttir matvælaráðherra telur umdeilda ákvörðun sína um að stöðva hvalveiðar sem áttu að hefjast á morgun ekki hafa nein áhrif á stjórnarsamstarfið. 20. júní 2023 17:09
Teitur Björn vill kalla atvinnuveganefnd saman Verulegur urgur er nú í herbúðum Sjálfstæðismanna vegna ákvörðunar Svandísar Svavarsdóttur matvælaráðherra um að banna hvalveiðar. 20. júní 2023 16:36