Franska stórveldið PSG sækir Newcastle heim í riðlakeppni Meistaradeildarinnar í kvöld, en samkvæmt Trippier hefur sonur hans, Jacob, meiri áhuga á því að fá að fylgjast með stórstjörnunni Mbappé en pabba sínum.
„Hann er með Mbappé á heilanum og gerir fátt annað en að horfa á myndbönd af honum á Youyube,“ sagði enski landsliðsmaðurinn og grínaðist svo með að sonur hans hefði meiri áhuga á því að leiða frönsku stórstjörnuna út á völl en pabba sinn.
„Það fór ekki mjög vel í mig,“ bætti Trippier við. „Ég sagði honum að ef hann fengi að ganga út með Mbappé þá ætti hann ekki einu sinni að líta á mig í göngunum á leiðinni út á völl.“
Kieran Trippier's son wants to walk out with Kylian Mbappe instead of his dad 😂 pic.twitter.com/AaVgJcQiMK
— Match of the Day (@BBCMOTD) October 3, 2023
Newcastle og PSG eigast við í Meistaradeild Evrópu klukkan 19:00 í kvöld og verður leikurinn í beinni útsendingu á Stöð 2 Sport 3.
