Landsbankanum bar að upplýsa Bankasýsluna um fyrirætlanir sínar um kaup á TM tryggingum að mati fjármálaráðherra. Það samræmist ekki stefnu stjórnvalda að bankinn haslaði sér völl í tryggingarstarfsemi. Við förum yfir málið í kvöldfréttum og ræðum við Hörð Ægisson ritstjóra Innherja um málið.
Fleiri en áður munu geta leitað greiðsluaðlögunar þegar skilyrði fyrir úrræðinu verða rýmkuð með nýjum lögum. Við kynnum okkur breytingarnar og ræðum við formann bæjarráðs Reykjanesbæjar sem segir að Rokksafninu í Hljómahöllinni verði ekki lokað þrátt fyrir að bókasafn verði flutt í húsnæðið.
Þetta og margt fleira á samtengdum rásum Bylgjunnar og Stöðvar 2 klukkan 18:30.
