Þjóðmálaþátturinn Sprengisandur er í beinni útsendingu á Bylgjunni og á Vísi frá klukkan tíu til tólf alla sunnudaga. Í þættinum fær Kristján Kristjánsson til sín góða gesti og fer yfir þau málefni sem eru efst á baugi í samfélaginu hverju sinni.
Í þættinum í dag ræðir Haraldur Sigurðsson, skipulagsfræðingurnýja bók sína, Samfélag eftir máli, skipulagssögu Reykjavíkur. Á eftir honum kemur Hilmar Freyr Gunnarsson, húsasmiður og tæknifræðingur, sem ræðir slæleg vinnubrögð við tjónamat Náttúruhamfarasjóðs á húsum Grindvíkinga.
Að lokum kemur svo Halla Hrund Logadóttir orkumálastjóri og ræðir risavaxin verkefni í orkumálum næstu áratuga.
Grindvíkingurinn Hilmar Freyr Gunnarsson vill að Alþingi fari yfir framkvæmd ástandsskoðana Náttúruhamfaratryggingu Íslands (NTÍ) á húsum í Grindavík. Hann segir framkvæmdina forkastanlega og fúsk. Forstjóri NTÍ segir aðeins um fyrstu matsgerð að ræða og hvetur fólk til að skila inn athugasemdum sé það ósátt.
„Ég hef fengið fullt af hvatningu í þetta embætti og almennt í ólík störf í gegnum tíðina en þetta er kveðja sem hittir beint í hjartastað,“ segir Halla Hrund Logadóttir orkumálastjóri, sem íhugar forsetaframboð.
