Það er nú bara þannig með hann Jón... Hjördís Sjafnar Ingimundardóttir skrifar 29. maí 2024 11:45 Það stefnir í spennandi forsetakosningar á Íslandi og ég er búin að ákveða að nota dýrmætt atkvæði mitt til þess að kjósa Jón Gnarr. Ekki eru þó öll búin að gera upp hug sinn og talað er um að "fylgið sé á fleygiferð" og verði jafnvel fram á síðustu stundu, eðlilega, að velja sér forseta er stór ákvörðun sem hefur áhrif á framtíð okkar á margan hátt. Hugmyndir hafa komið fram um að einhver ættu að draga framboð sitt til baka í von um að styrkja annan frambjóðanda og hafa þannig áhrif á að raddir og málsflutningur þeirra sem hafa fengið tilskilinn fjölda meðmælenda heyrist. Einhver tala fyrir því að kjósa „taktískt“, það er að segja, að kjósa tiltekinn frambjóðanda til þess eins að reyna að hindra annan í því að ná kosningu, hugsun sem er mjög í anda gamallar klækjapólitíkur. Sjálf hafna ég því að taka þátt í slíkum leik og leyfi mér jafnframt að hvetja aðra til að kjósa eins og hugur þeirra og hjarta býður, fyrir sig.Ég hef valið frambjóðanda sem ég finn sterkan samhljóm með, sem veitir innblástur og talar fyrir sameiningu, jafnræði og réttlæti, heima og heiman, minni leiðindum, miklu minni leiðindum, og sem mun þjóna okkur, þjóð sinni, af auðmýkt og af einlægum áhuga. Ég kýs forseta sem leggur áherslu á jákvæða orðræðu og sem ég get treyst til að hlusta og heyra og að takast á við málefni líðandi stundar með yfirvegun, skilningi og næmni. Ég kýs forseta sem ég treysti til að gæta sameiginlegra hagsmuna okkar þar sem þörf er á og til að auka enn veg okkar og virðingu í samfélagi þjóðanna.Jón Gnarr hefur í gegnum tíðina stigið fram á mismunandi sviðum og oft sýnt óvenjulega og ferska nálgun á ýmis málefni. Sem fyrrum borgarstjóri Reykjavíkur hefur hann dýrmæta reynslu af því að leiða og bæta samfélag okkar. Hann tekur ábyrgð sína alvarlega og skilur hlutverk forsetaembættisins innan stjórnskipunarinnar, tilgang þess og takmörk. Hann hefur sýnt að hann hefur dómgreind, innsæi og kjark til að taka erfiðar ákvarðanir og að hann hefur getu til að stíga inn og koma á breytingum þar sem breytinga er þörf. Jón Gnarr hefur einstaka hæfileika til að tengjast fólki á persónulegan og einlægan hátt, hann er næmur á menn og málefni og hefur mikla hæfni til að eiga innihaldsrík samskipti við einstaklinga og hópa á skýran og áhrifaríkan hátt og hefur þannig sameinað og hrifið fólk með sér. Hann mun leggja áherslu á samstöðu og samhug meðal Íslendinga og tala fyrir réttlæti, einingu og samheldni í samfélaginu. Jón Gnarr mun vinna að því að brúa bilið milli ólíkra hópa, hvetja til samtals og samvinnu og skapa vettvang þar sem raddir allra heyrast og eru virtar.Jón Gnarr mun standa vörð um náttúru og auðlindir og leggja áherslu á mikilvægt samtal um loftlagsmál. Hann tekur skýra afstöðu með friði, mannúð og með mannréttindum og hefur óhikað stutt og vakið athygli á baráttu minnihlutahópa bæði hérlendis og erlendis svo eftir hefur verið tekið, veitt ungmennum sem og eldra fólki verðskuldaða athygli og látið þeirra raddir berast lengra. Jón Gnarr mun halda áfram að fagna fjölbreytileikanum og bjóða fleirum að borðinu og leggja sitt af mörkum til að stuðla að samfélagi þar sem öll fá að njóta sín.Forseti okkar þarf að geta veitt von og sameinað þegar á móti blæs og glaðst með okkur þegar vel gengur. Það er einnig skýrt hlutverk forseta Íslands að vera verðugur fulltrúi okkar á erlendri grundu og kynna þar menningu okkar, sögu og gildi. Með því að styrkja tengsl við önnur lönd getur forsetinn stuðlað að auknu samstarfi, styrkt bæði menningarleg og viðskiptaleg tengsl og stutt efnahagslega framþróun og samvinnu. Jafnframt getur hann vakið athygli á hugviti okkar, menningu og listum. Jón Gnarr hefur sýnt einstaka hæfileika til að vekja athygli á Íslandi og á Íslendingum og vekja aðdáun og áhuga og laða fólk að. Hann veitir innblástur og er, líkt og þjóðin, framsækinn, hugmyndaríkur og óhræddur við að fara ótroðnar slóðir. Jón Gnarr er táknmynd fyrir íslenska nýsköpun og djörfung, með einstaka hæfileika til að sameina fólk og dýpka samtal og sýn á samfélags- og heimsmál. Hann mun halda áfram að kynna eiginleika okkar og sérstöðu, að við erum einstök þjóð fyrir margar sakir, með okkar sérstaka tungumál, rík af menningu, hugrökk og með skapandi hugsun sem hefur komið okkur langt á fjölmörgum sviðum. Ég kýs Jón Gnarr meðal annars vegna þess að hann er svolítið Vigdísarlegur, maður fólksins alls, alltumfaðmandi, hugvekjandi. Það er nú bara þannig með hann Jón... hann gefur mér von. Höfundur er frumkvöðull, framkvæmdastjóri og Jónskona. Viltu birta grein á Vísi? Sendu okkur póst. Senda grein Forsetakosningar 2024 Skoðun: Forsetakosningar 2024 Mest lesið Vanhæfur Sjálfstæðisflokkur Dóra Björt Guðjónsdóttir Skoðun Goðsögnin um UFS-sjóði sem róttækar „woke"- fjárfestingar Már Wolfgang Mixa Skoðun Framtíð Öskjuhlíðar Magnea Gná Jóhannsdóttir Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson Skoðun Getur Sturlunga snúið aftur? Leifur B. Dagfinnsson Skoðun Mælt fyrir miklum kjarabótum öryrkja og aldraðra Inga Sæland Skoðun „Þessu er alltaf lofað fyrir kosningar en alltaf svikið“ Jóhann Páll Jóhannsson Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson Skoðun Aðför að landsbyggðinni – og tilraun til að slá ryki í augu almennings Ingibjörg Isaksen Skoðun Skoðun Skoðun Icelandic Learning is a Gendered Health Issue Logan Lee Sigurðsson skrifar Skoðun Goðsögnin um UFS-sjóði sem róttækar „woke"- fjárfestingar Már Wolfgang Mixa skrifar Skoðun Framtíð Öskjuhlíðar Magnea Gná Jóhannsdóttir skrifar Skoðun Vanhæfur Sjálfstæðisflokkur Dóra Björt Guðjónsdóttir skrifar Skoðun Mælt fyrir miklum kjarabótum öryrkja og aldraðra Inga Sæland skrifar Skoðun Mannréttindabrot og stríðsglæpir Rússa í Úkraínu Erlingur Erlingsson skrifar Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson skrifar Skoðun Ákvarðanir teknar í Reykjavík – afleiðingarnar skella á okkur Hópur Framsóknarmanna í sveitarstjórnum skrifar Skoðun Snjallborgin eða Skuggaborgin Reykjavík: Gervigreindarknúið höfuðborgarsvæði Björgmundur Örn Guðmundsson skrifar Skoðun Getur Sturlunga snúið aftur? Leifur B. Dagfinnsson skrifar Skoðun Vaka stendur með Menntavísindasviði í verki Gunnar Ásgrímsson skrifar Skoðun Vorbókaleysingar Henry Alexander Henrysson skrifar Skoðun Er þetta í alvöru umdeild skoðun fámenns hóps? Snorri Másson skrifar Skoðun Liðveisla fyrir öll Atli Már Haraldsson skrifar Skoðun Réttur til endurtektarprófa: Jafnræði í námi fyrir alla stúdenta Vera Mist Magnúsdóttir,Guðlaug Eva Albertsdóttir skrifar Skoðun Að standa við stóru orðin Guðmundur Ari Sigurjónsson skrifar Skoðun Aðför að landsbyggðinni – og tilraun til að slá ryki í augu almennings Ingibjörg Isaksen skrifar Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson skrifar Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir skrifar Skoðun Ég virði þig og þín mörk, virðir þú mig og mín mörk ? Rakel Linda Kristjánsdóttir skrifar Skoðun „Þessu er alltaf lofað fyrir kosningar en alltaf svikið“ Jóhann Páll Jóhannsson skrifar Skoðun Þjóðaröryggi að vera aðildarríki að Evrópusambandinu Jón Frímann Jónsson skrifar Skoðun Fullvalda utan sambandsríkja Hjörtur J. Guðmundsson skrifar Skoðun Sagnaarfur Biblíunnar - Salómonsdómur, lög og ólög Sigurvin Lárus Jónsson skrifar Skoðun Sjálfstæðir grunnskólar í hættu Benedikt S. Benediktsson skrifar Skoðun Borgaralegur vígbúnaður Dr. Bjarni Már Magnússon skrifar Skoðun Áskoranir og tækni í heilbrigðisþjónustu Teitur Guðmundsson skrifar Skoðun Ósunginn óður til doktorsnema Styrmir Hallsson skrifar Skoðun Frjáls umræða ekki lengur leyfð í USA – Skoðanafrelsi í hættu – Amerískt Gestapo í uppsiglingu? Ole Anton Bieltvedt skrifar Skoðun Tannhjól í mulningsvél? Arnar Þór Jónsson skrifar Sjá meira
Það stefnir í spennandi forsetakosningar á Íslandi og ég er búin að ákveða að nota dýrmætt atkvæði mitt til þess að kjósa Jón Gnarr. Ekki eru þó öll búin að gera upp hug sinn og talað er um að "fylgið sé á fleygiferð" og verði jafnvel fram á síðustu stundu, eðlilega, að velja sér forseta er stór ákvörðun sem hefur áhrif á framtíð okkar á margan hátt. Hugmyndir hafa komið fram um að einhver ættu að draga framboð sitt til baka í von um að styrkja annan frambjóðanda og hafa þannig áhrif á að raddir og málsflutningur þeirra sem hafa fengið tilskilinn fjölda meðmælenda heyrist. Einhver tala fyrir því að kjósa „taktískt“, það er að segja, að kjósa tiltekinn frambjóðanda til þess eins að reyna að hindra annan í því að ná kosningu, hugsun sem er mjög í anda gamallar klækjapólitíkur. Sjálf hafna ég því að taka þátt í slíkum leik og leyfi mér jafnframt að hvetja aðra til að kjósa eins og hugur þeirra og hjarta býður, fyrir sig.Ég hef valið frambjóðanda sem ég finn sterkan samhljóm með, sem veitir innblástur og talar fyrir sameiningu, jafnræði og réttlæti, heima og heiman, minni leiðindum, miklu minni leiðindum, og sem mun þjóna okkur, þjóð sinni, af auðmýkt og af einlægum áhuga. Ég kýs forseta sem leggur áherslu á jákvæða orðræðu og sem ég get treyst til að hlusta og heyra og að takast á við málefni líðandi stundar með yfirvegun, skilningi og næmni. Ég kýs forseta sem ég treysti til að gæta sameiginlegra hagsmuna okkar þar sem þörf er á og til að auka enn veg okkar og virðingu í samfélagi þjóðanna.Jón Gnarr hefur í gegnum tíðina stigið fram á mismunandi sviðum og oft sýnt óvenjulega og ferska nálgun á ýmis málefni. Sem fyrrum borgarstjóri Reykjavíkur hefur hann dýrmæta reynslu af því að leiða og bæta samfélag okkar. Hann tekur ábyrgð sína alvarlega og skilur hlutverk forsetaembættisins innan stjórnskipunarinnar, tilgang þess og takmörk. Hann hefur sýnt að hann hefur dómgreind, innsæi og kjark til að taka erfiðar ákvarðanir og að hann hefur getu til að stíga inn og koma á breytingum þar sem breytinga er þörf. Jón Gnarr hefur einstaka hæfileika til að tengjast fólki á persónulegan og einlægan hátt, hann er næmur á menn og málefni og hefur mikla hæfni til að eiga innihaldsrík samskipti við einstaklinga og hópa á skýran og áhrifaríkan hátt og hefur þannig sameinað og hrifið fólk með sér. Hann mun leggja áherslu á samstöðu og samhug meðal Íslendinga og tala fyrir réttlæti, einingu og samheldni í samfélaginu. Jón Gnarr mun vinna að því að brúa bilið milli ólíkra hópa, hvetja til samtals og samvinnu og skapa vettvang þar sem raddir allra heyrast og eru virtar.Jón Gnarr mun standa vörð um náttúru og auðlindir og leggja áherslu á mikilvægt samtal um loftlagsmál. Hann tekur skýra afstöðu með friði, mannúð og með mannréttindum og hefur óhikað stutt og vakið athygli á baráttu minnihlutahópa bæði hérlendis og erlendis svo eftir hefur verið tekið, veitt ungmennum sem og eldra fólki verðskuldaða athygli og látið þeirra raddir berast lengra. Jón Gnarr mun halda áfram að fagna fjölbreytileikanum og bjóða fleirum að borðinu og leggja sitt af mörkum til að stuðla að samfélagi þar sem öll fá að njóta sín.Forseti okkar þarf að geta veitt von og sameinað þegar á móti blæs og glaðst með okkur þegar vel gengur. Það er einnig skýrt hlutverk forseta Íslands að vera verðugur fulltrúi okkar á erlendri grundu og kynna þar menningu okkar, sögu og gildi. Með því að styrkja tengsl við önnur lönd getur forsetinn stuðlað að auknu samstarfi, styrkt bæði menningarleg og viðskiptaleg tengsl og stutt efnahagslega framþróun og samvinnu. Jafnframt getur hann vakið athygli á hugviti okkar, menningu og listum. Jón Gnarr hefur sýnt einstaka hæfileika til að vekja athygli á Íslandi og á Íslendingum og vekja aðdáun og áhuga og laða fólk að. Hann veitir innblástur og er, líkt og þjóðin, framsækinn, hugmyndaríkur og óhræddur við að fara ótroðnar slóðir. Jón Gnarr er táknmynd fyrir íslenska nýsköpun og djörfung, með einstaka hæfileika til að sameina fólk og dýpka samtal og sýn á samfélags- og heimsmál. Hann mun halda áfram að kynna eiginleika okkar og sérstöðu, að við erum einstök þjóð fyrir margar sakir, með okkar sérstaka tungumál, rík af menningu, hugrökk og með skapandi hugsun sem hefur komið okkur langt á fjölmörgum sviðum. Ég kýs Jón Gnarr meðal annars vegna þess að hann er svolítið Vigdísarlegur, maður fólksins alls, alltumfaðmandi, hugvekjandi. Það er nú bara þannig með hann Jón... hann gefur mér von. Höfundur er frumkvöðull, framkvæmdastjóri og Jónskona.
Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir Skoðun
Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson Skoðun
Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson skrifar
Skoðun Ákvarðanir teknar í Reykjavík – afleiðingarnar skella á okkur Hópur Framsóknarmanna í sveitarstjórnum skrifar
Skoðun Snjallborgin eða Skuggaborgin Reykjavík: Gervigreindarknúið höfuðborgarsvæði Björgmundur Örn Guðmundsson skrifar
Skoðun Réttur til endurtektarprófa: Jafnræði í námi fyrir alla stúdenta Vera Mist Magnúsdóttir,Guðlaug Eva Albertsdóttir skrifar
Skoðun Aðför að landsbyggðinni – og tilraun til að slá ryki í augu almennings Ingibjörg Isaksen skrifar
Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson skrifar
Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir skrifar
Skoðun Frjáls umræða ekki lengur leyfð í USA – Skoðanafrelsi í hættu – Amerískt Gestapo í uppsiglingu? Ole Anton Bieltvedt skrifar
Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir Skoðun
Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson Skoðun