Baldur bak við þig stendur Hrund Þrándardóttir skrifar 30. maí 2024 08:31 Í aðdraganda forsetakosninga hafa tvær spurningar verið hvað mest áberandi varðandi framboð Baldurs. Af hverju Baldur OG Felix? Af hverju er verið að tala um að Baldur sé samkynhneigður? Byrjum á fyrri spurningunni: Af hverju erum við að tala um Baldur OG Felix? Allt í lagi, svolítið furðulegt eða hvað? Við höfum þó áður séð maka forsetaframbjóðenda gert hátt undir höfði í baráttunni um forsetaembættið. Eins og Baldri er von og vísa hefur hann verið skýr og heiðarlegur frá upphafi framboðs, þeir Felix eru að gera þetta saman. Auðvitað er Baldur forsetaframbjóðandinn, við kjósum hann og auðvitað verður embættið hans. Hann verður okkar forseti. En þegar forsetaframbjóðandi á maka þá er afar mikilvægt að vita eitthvað um hann og hafa vissu fyrir því að sá einstaklingur muni vinna að hagsmunum þjóðar við hlið forsetans. Það sem við vitum um Felix er m.a. þetta: Felix brennur fyrir málefnum barna og ungmenna og þar munu áherslur hans á Bessastöðum liggja. Hann er óumdeildur brautryðjandi í gerð barnaefnis sem hann hefur unnið af virðingu við börn með húmor í bland við mannréttindi og fræðslu. Hann hefur lagt áherslu á mikilvægi barnamenningar og tók þátt í verkefninu „List fyrir alla“ þar sem hann ferðaðist um landið með Gunnari Helgasyni, heimsótti grunnskóla og átti spjall við börn og unglinga m.a. um mikilvægi lesturs og fjölbreytt samfélag. Það þarf vart að fjölyrða um hversu dýrmæt og kærkomin þessi mikla reynsla hans og brennandi ástríða Felixar yrði á Bessastöðum. Felix er ásamt Baldri brautryðjandi í baráttu hinsegin fólks. Hann ruddi svo sannarlega brautir í kringum síðustu aldarmót þegar hann samdi, setti upp og lék í einleiknum „Hinn fullkomnir jafningi“ sem hvatti til umræðu um málefni samkynhneigðra hérlendis og erlendis og vakti verðskuldaða athygli. Felix hefur þar að auki verið óþreytandi baráttumaður fyrir hverskyns mannréttindum og haft sig þar í frammi með sýnilegum árangri. Nægir þar að nefna setu hans í stjórnum samtakanna Blátt áfram og Mannréttindaráðs Reykjavíkur. Þá er það líka þannig Baldur og Felix hafa í gegnum árin þurft að berjast fyrir tilverurétti sínum saman. Þannig hafa þeir m.a. þurft að réttlæta sambúð sína og berjast fyrir því að litið sé á þá sem foreldra barna sinna. Felix var í Greifunum og söng Útihátið. Felix er traustur fjölskyldumaður, hlýr og greiðvikinn. Felix á auðvelt með að hlusta og spjalla við allskonar fólk, við formleg og óformleg tilefni. Felix mun vera forsetamaki sem Íslendingar geta verið afar stoltir af. Þá er það seinni spurningin: Hvað kemur það umræðunni við að Baldur sé samkynhneigður? Nákvæmlega! Það á að sjálfsögðu ekki að skipta nokkru einasta máli. Baldur er forsetaframbjóðandi, ekki hommi í framboði. Í fullkomnum heimi þar sem virðing fyrir fólki þætti sjálfsögð og mannréttindi alls fólks virt þyrftum við ekki að ræða þetta. En því miður er það svo að umræðan sem hefur sprottið upp eftir að Baldur gaf kost á sér gefur okkur tilefni til að staldra við. Einhver vill ekki homma á Bessastaði, heldur fallega fjölskyldu. Annar vill sjá skautbúning á svölum forsetans. Enn annar vill sjá „gömlu góðu gildin“ (taka kosningaréttinn aftur af konum?? Brenna nornir á báli?). Allt of mörg ummæli hafa fallið sem ekki er hægt að hafa eftir. Þetta minnir óneitanlega á framboð Vigdísar Finnbogadóttur á sínum tíma þegar m.a. var spurt hvort ekki væri nauðsynlegt að forseti hefði frú sér við hlið og jú heldur betur þótti það við hæfi að frúin tæki á móti gestum á Bessastöðum og hellti upp á könnuna. Að kona væri forseti þótti mörgum fjarstæða. En hvað gerði íslenska þjóðin fyrir 44 árum – kaus konu í embættið, fyrst allra þjóða í heiminum. Og það sem við höfum verið stolt af því alla tíð síðan. Baldur hefur óteljandi kosti og mikilvæga fyrir embætti forseta. Hann er í senn vandaður, víðsýnn og vís, vill öllum vel, hlédrægur en um leið afar frambærilegur. Baldur er einfaldlega góður maður sem stendur með sínum, fjölskyldu, vinum og þjóð. Það að hann sé samkynhneigður er bara bónus. En um leið er það sko hreint ekkert bara heldur afar mikilvægt tækifæri fyrir íslensku þjóðina að senda sterk skilaboð til allra landsmanna og út í heim. Tækifæri til að kjósa hinsegin manneskju í embættið, fyrst allra þjóða í heiminum. Baldur mun vera forseti sem Íslendingar geta verið afar stoltir af - með Felix við hlið sér. Höfundur er sálfræðingur. Viltu birta grein á Vísi? Sendu okkur póst. Senda grein Skoðun: Forsetakosningar 2024 Forsetakosningar 2024 Mest lesið Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun Munar þig um 5-7 milljónir árlega? Jón Pétur Zimzen Skoðun Skýr stefna um málfrelsi Róbert H. Haraldsson Skoðun Kosningar í september Guðveig Lind Eyglóardóttir Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun Keldnaland – fjölmenn hverfi í mótun Þorsteinn R. Hermannsson Skoðun Olíuleit á Drekasvæði - tilvistarleit Halldór Reynisson Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun Eflum traustið Helgi Áss Grétarsson,Marta Guðjónsdóttir Skoðun Framtíð nemenda í Kópavogi í fyrsta sæti Halla Björg Evans Skoðun Skoðun Skoðun Rýnt í stöðu kvenna með örorkulífeyri Huld Magnúsdóttir skrifar Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir skrifar Skoðun Olíuleit á Drekasvæði - tilvistarleit Halldór Reynisson skrifar Skoðun Kosningar í september Guðveig Lind Eyglóardóttir skrifar Skoðun Þegar orkuöflun er sett á ís - dæmið frá Suður-Afríku Hallgrímur Óskarsson skrifar Skoðun Framtíð nemenda í Kópavogi í fyrsta sæti Halla Björg Evans skrifar Skoðun Skýr stefna um málfrelsi Róbert H. Haraldsson skrifar Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir skrifar Skoðun Munar þig um 5-7 milljónir árlega? Jón Pétur Zimzen skrifar Skoðun Keldnaland – fjölmenn hverfi í mótun Þorsteinn R. Hermannsson skrifar Skoðun Eflum traustið Helgi Áss Grétarsson,Marta Guðjónsdóttir skrifar Skoðun Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson skrifar Skoðun Hver er kjarninn í samfélagi sem selur hjarta sitt? Trausti Breiðfjörð Magnússon skrifar Skoðun Seljum börnum nikótín! Hugi Halldórsson skrifar Skoðun Sundrung á vinstri væng Jökull Sólberg Auðunsson skrifar Skoðun Þegar samfélagið missir vinnuna Hrafn Splidt Þorvaldsson skrifar Skoðun Akademískt frelsi og ókurteisi Kolbeinn H. Stefánsson skrifar Skoðun Hvar liggur ábyrgð hins fullorðna á hegðun ungmenna í samfélaginu? Rakel Guðbjörnsdóttir skrifar Skoðun Yfir hverju er verið að brosa? Árni Kristjánsson skrifar Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson skrifar Skoðun Stjórnvöld sem fjárfestatenglar Baldur Thorlacius skrifar Skoðun Ákall til ESB-sinna: Hvar eru undanþágurnar? Einar Jóhannes Guðnason skrifar Skoðun Er ég ömurlegt foreldri ef ég segi nei við barnið mitt? Stefán Þorri Helgason skrifar Skoðun Vindorkuvæðing í skjóli nætur Kristín Helga Gunnarsdóttir skrifar Skoðun Þátttökuverðlaun Þórdísar Ragnar Þór Pétursson skrifar Skoðun Fjármálaráðherra búinn að segja A Ögmundur Jónasson skrifar Skoðun Hagfræði-tilgáta ómeðtekin Karl Guðlaugsson skrifar Skoðun Ótryggt aðgengi á Veðurstofureit Friðjón R. Friðjónsson skrifar Skoðun Stattu vörð um launin þín Davíð Aron Routley skrifar Skoðun Byggjum fyrir eldra fólk, ekki ungt Ólafur Margeirsson skrifar Sjá meira
Í aðdraganda forsetakosninga hafa tvær spurningar verið hvað mest áberandi varðandi framboð Baldurs. Af hverju Baldur OG Felix? Af hverju er verið að tala um að Baldur sé samkynhneigður? Byrjum á fyrri spurningunni: Af hverju erum við að tala um Baldur OG Felix? Allt í lagi, svolítið furðulegt eða hvað? Við höfum þó áður séð maka forsetaframbjóðenda gert hátt undir höfði í baráttunni um forsetaembættið. Eins og Baldri er von og vísa hefur hann verið skýr og heiðarlegur frá upphafi framboðs, þeir Felix eru að gera þetta saman. Auðvitað er Baldur forsetaframbjóðandinn, við kjósum hann og auðvitað verður embættið hans. Hann verður okkar forseti. En þegar forsetaframbjóðandi á maka þá er afar mikilvægt að vita eitthvað um hann og hafa vissu fyrir því að sá einstaklingur muni vinna að hagsmunum þjóðar við hlið forsetans. Það sem við vitum um Felix er m.a. þetta: Felix brennur fyrir málefnum barna og ungmenna og þar munu áherslur hans á Bessastöðum liggja. Hann er óumdeildur brautryðjandi í gerð barnaefnis sem hann hefur unnið af virðingu við börn með húmor í bland við mannréttindi og fræðslu. Hann hefur lagt áherslu á mikilvægi barnamenningar og tók þátt í verkefninu „List fyrir alla“ þar sem hann ferðaðist um landið með Gunnari Helgasyni, heimsótti grunnskóla og átti spjall við börn og unglinga m.a. um mikilvægi lesturs og fjölbreytt samfélag. Það þarf vart að fjölyrða um hversu dýrmæt og kærkomin þessi mikla reynsla hans og brennandi ástríða Felixar yrði á Bessastöðum. Felix er ásamt Baldri brautryðjandi í baráttu hinsegin fólks. Hann ruddi svo sannarlega brautir í kringum síðustu aldarmót þegar hann samdi, setti upp og lék í einleiknum „Hinn fullkomnir jafningi“ sem hvatti til umræðu um málefni samkynhneigðra hérlendis og erlendis og vakti verðskuldaða athygli. Felix hefur þar að auki verið óþreytandi baráttumaður fyrir hverskyns mannréttindum og haft sig þar í frammi með sýnilegum árangri. Nægir þar að nefna setu hans í stjórnum samtakanna Blátt áfram og Mannréttindaráðs Reykjavíkur. Þá er það líka þannig Baldur og Felix hafa í gegnum árin þurft að berjast fyrir tilverurétti sínum saman. Þannig hafa þeir m.a. þurft að réttlæta sambúð sína og berjast fyrir því að litið sé á þá sem foreldra barna sinna. Felix var í Greifunum og söng Útihátið. Felix er traustur fjölskyldumaður, hlýr og greiðvikinn. Felix á auðvelt með að hlusta og spjalla við allskonar fólk, við formleg og óformleg tilefni. Felix mun vera forsetamaki sem Íslendingar geta verið afar stoltir af. Þá er það seinni spurningin: Hvað kemur það umræðunni við að Baldur sé samkynhneigður? Nákvæmlega! Það á að sjálfsögðu ekki að skipta nokkru einasta máli. Baldur er forsetaframbjóðandi, ekki hommi í framboði. Í fullkomnum heimi þar sem virðing fyrir fólki þætti sjálfsögð og mannréttindi alls fólks virt þyrftum við ekki að ræða þetta. En því miður er það svo að umræðan sem hefur sprottið upp eftir að Baldur gaf kost á sér gefur okkur tilefni til að staldra við. Einhver vill ekki homma á Bessastaði, heldur fallega fjölskyldu. Annar vill sjá skautbúning á svölum forsetans. Enn annar vill sjá „gömlu góðu gildin“ (taka kosningaréttinn aftur af konum?? Brenna nornir á báli?). Allt of mörg ummæli hafa fallið sem ekki er hægt að hafa eftir. Þetta minnir óneitanlega á framboð Vigdísar Finnbogadóttur á sínum tíma þegar m.a. var spurt hvort ekki væri nauðsynlegt að forseti hefði frú sér við hlið og jú heldur betur þótti það við hæfi að frúin tæki á móti gestum á Bessastöðum og hellti upp á könnuna. Að kona væri forseti þótti mörgum fjarstæða. En hvað gerði íslenska þjóðin fyrir 44 árum – kaus konu í embættið, fyrst allra þjóða í heiminum. Og það sem við höfum verið stolt af því alla tíð síðan. Baldur hefur óteljandi kosti og mikilvæga fyrir embætti forseta. Hann er í senn vandaður, víðsýnn og vís, vill öllum vel, hlédrægur en um leið afar frambærilegur. Baldur er einfaldlega góður maður sem stendur með sínum, fjölskyldu, vinum og þjóð. Það að hann sé samkynhneigður er bara bónus. En um leið er það sko hreint ekkert bara heldur afar mikilvægt tækifæri fyrir íslensku þjóðina að senda sterk skilaboð til allra landsmanna og út í heim. Tækifæri til að kjósa hinsegin manneskju í embættið, fyrst allra þjóða í heiminum. Baldur mun vera forseti sem Íslendingar geta verið afar stoltir af - með Felix við hlið sér. Höfundur er sálfræðingur.
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun
Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir skrifar
Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir skrifar
Skoðun Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson skrifar
Skoðun Hvar liggur ábyrgð hins fullorðna á hegðun ungmenna í samfélaginu? Rakel Guðbjörnsdóttir skrifar
Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson skrifar
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun