„Þetta er breyting sem er ekki í takt við lögin“ Elín Margrét Böðvarsdóttir skrifar 18. júní 2024 20:00 Meðal annars stendur til að hefja gjaldtöku á bílastæðunum við flugvöllinn á Egilsstöðum. Vísir/Vilhelm Hæstaréttarlögmaður efast um lögmæti gjaldtöku á bílastæðum við innanlandflugvelli. Slíkt feli í sér möguleg brot á jafnræðisreglu og meiriháttar stefnubreytingu sem kalli á aukna pólitíska umræðu. Fátt virðist koma í veg fyrir að gjaldtaka hefjist á bílastæðum við þrjá innanlandsflugvelli á næstu dögum, en nýtt útspil fjármálaráðherra tefur málið. Líkt og fram hefur komið í fréttum ríkir óvissa um hvenær hægt verður að hefja gjaldtöku á bílastæðum við flugvellina í Reykjavík, á Akureyri og á Egilsstöðum. Áformin hafa mætt töluverðri andstöðu meðal íbúa á Norður- og Austurlandi og var henni frestað í vetur, en til stóð síðan að hefja gjaldtöku í þessari viku. Jón Jónsson, hæstaréttarlögmaður hjá lögmannsstofunni Sókn, vann lögfræðiálit um fyrirhugaða gjaldtöku fyrir sveitarfélagið Múlaþing. Hann telur að þegar Isavia kynnti um áformin hafi nauðsynleg skilyrði ekki verið til staðar. Samþykki ráðherra hafi ekki verið fyrir hendi né leyfi samkvæmt umferðarlögum til að ráðast í gjaldtöku. „Þetta hefur vantað og verið þá nokkuð skírt í mínum huga að gjaldtakan samræmdist ekki lögum,“ segir Jón. „Lögin sem gilda um uppbyggingu og rekstur flugvalla þau aðgreina annars vegar uppbyggingu og hins vegar rekstur. Og lögin gera ráð fyrir því að Isavia vinni að rekstri, en maður er að sjá það að þetta eru bara hrein uppbyggingarverkefni. Hingað til hefur ríkið, og á samkvæmt lögum, að standa að uppbyggingu og rekstri flugvallanna. Ríkið fær almennt skattfé í það og hefur hingað til veitt fé af fjárlögum í uppbyggingu þannig að þetta er ákveðin grundvallarbreyting ef það á að fara að taka gjöld beint af notendum flugvallanna, farþegum, til þess að fara í uppbyggingu,“ útskýrir Jón. Jón Jónsson, hæstaréttarlögmaður hjá lögmannsstofunni Sókn, vann lögfræðiálit um málið fyrir Múlaþing.Mynd/aðsend Hann efist enn um lögmæti áformanna, þrátt fyrir að endurnýjaður þjónustusamningur milli Isavia og innviðaráðuneytisins hafi nú einnig verið undirritaður af fjármálaráðherra. Standist ekki jafnræðissjónarmið En Jón gerir fleiri athugasemdir. „Ef að það á að taka upp bílastæðagjöld á þremur innanlandsflugvöllum af tíu eða ellefu sem Isavia sér um þá orkar það tvímælis út frá jafnræðissjónarmiðum,“ segir Jón. Hann kallar eftir aukinni pólitískri umræðu um gjaldtöku. Fjármála- og samgönguáætlanir hafi til þessa gert ráð fyrir að ríkið standi straum af kostnaði við uppbyggingu flugvalla. „Það hefur átt við um flugstöðvarnar, það hefur líka átt við hingað til um lóðirnar. Þannig að þetta er breyting sem er ekki í takt við lögin og er klárlega mjög stór stefnubreyting miðað við samgönguáætlun ef það á að fara að hefja bílastæðagjaldtöku á sumum innanlandsflugvöllum en öðrum ekki,“ segir Jón. Hann telur líklegt að látið verði reyna á lögmæti gjaldtökunnar komi hún til framkvæmda. „Þetta verður mikil röskun á notkun flugvallanna þannig að fólk mun örugglega láta reyna á þetta.“ Þangað til í dag kom vöntun á undirskrift Sigurðar Inga Jóhannssonar fjármálaráðherra í veg fyrir að gjaldtaka gæti hafist. Nú hefur ráðuneyti Sigurðar Inga einnig skrifað undir en ráðherrann hefur beint þeim tilmælum til Isavia ohf. að það beiti sér fyrir því við dótturfyrirtækið Isavia innanlands ehf. að gjaldtakan nái ekki til flugfarþega sem þurfi að sækja heilbrigðisþjónustu og fljúga aftur til baka sama dag. Samkvæmt upplýsingum frá Isavia innanlands tefur þetta útspil ráðherrans enn frekar fyrir gjaldtökunni, enda sé það flókið í framkvæmd að haga gjaldtöku eftir því í hvaða erindagjörðum fólk nýti flugsamgöngur. Málið verði til umfjöllunar hjá stjórn félagsins á morgun og í framhaldinu komi í ljós hvort hægt verði að hefja gjaldtöku í vikunni. Það verði í fyrsta lagi á fimmtudaginn. Akureyrarflugvöllur Reykjavíkurflugvöllur Egilsstaðaflugvöllur Bílastæði Samgöngur Mest lesið Óttast um örlög farþega eftir árekstur flugvélar og þyrlu í Washington Erlent Starfsemin sé ekki tryggð miðað við núverandi framlög Innlent Segja formann fræðslunefndar hafa brotið siðareglur Innlent Gruna að DeepSeek byggi á gögnum ChatGPT Erlent Öllum heilsast vel eftir fæðingu í háloftunum Innlent Eldgosin í stærri kantinum verði þau við flekamótin Innlent UNRWA hættir líklega allri starfsemi á Gasa og Vesturbakkanum í dag Erlent Vill senda þrjátíu þúsund innflytjendur til Guantánamo Erlent Gengur í storm með slyddu eða snjókomu Veður „Hvert kemst vatnið? Allt þetta vatn sem er á leiðinni?“ Veður Fleiri fréttir Ráðgjafar loftslagsráðuneytis telja losunarskuldbindingar ekki nást Starfsemin sé ekki tryggð miðað við núverandi framlög Segja formann fræðslunefndar hafa brotið siðareglur Eldgosin í stærri kantinum verði þau við flekamótin Vegfarendur horfi upp og húseigendur fjarlægi grýlukertin „Við ætlumst til að fólk finni lausnir og leysi deiluna“ Öllum heilsast vel eftir fæðingu í háloftunum Björn Ingi aðstoðarmaður Sigmundar Davíðs Undrandi foreldrar og barnið sem fæddist í flugvél Býst við því að boða til fundar í kjaradeilu kennara Samþykktu nýjar siðareglur kjörinna fulltrúa Skýringar konunnar haldi ekki vatni og pósturinn af kynferðislegum toga „Þá gerist það bara mjög skyndilega að hundurinn ræðst að mér“ Hæstiréttur klofnaði í nauðgunarmáli Inga Vals Ísland ver mest Evrópuþjóða í leikskóla Leita vitna að árás hunds á konu Aðalmeðferð í máli foreldra gegn KÍ hefst klukkan 15 í dag „Seinni hluta febrúar eða snemma í mars er líklegt“ Mikið í húfi kæmi stórt gos úr Bárðarbungukerfinu Vill ræða við Trump í síma Spáir því að það gjósi eftir rúman mánuð Gult í kortunum Styrkjamálið hefur engin áhrif á ríkisstjórnarsamstarfið Gekk út blóðugur með hendur á lofti og féll til jarðar Sjálfstæðisflokkur bætir mest við sig í nýrri könnun Býður sig fram til formanns VR Misstu stýrið og rak nálægt landi Á ekki að teljast til mannréttinda að fá að ofsækja fólk Skýtur fast á Kristrúnu: „Þetta heitir að skrópa í vinnunni“ Lenti á Íslandi eftir fæðingu í háloftunum Sjá meira
Líkt og fram hefur komið í fréttum ríkir óvissa um hvenær hægt verður að hefja gjaldtöku á bílastæðum við flugvellina í Reykjavík, á Akureyri og á Egilsstöðum. Áformin hafa mætt töluverðri andstöðu meðal íbúa á Norður- og Austurlandi og var henni frestað í vetur, en til stóð síðan að hefja gjaldtöku í þessari viku. Jón Jónsson, hæstaréttarlögmaður hjá lögmannsstofunni Sókn, vann lögfræðiálit um fyrirhugaða gjaldtöku fyrir sveitarfélagið Múlaþing. Hann telur að þegar Isavia kynnti um áformin hafi nauðsynleg skilyrði ekki verið til staðar. Samþykki ráðherra hafi ekki verið fyrir hendi né leyfi samkvæmt umferðarlögum til að ráðast í gjaldtöku. „Þetta hefur vantað og verið þá nokkuð skírt í mínum huga að gjaldtakan samræmdist ekki lögum,“ segir Jón. „Lögin sem gilda um uppbyggingu og rekstur flugvalla þau aðgreina annars vegar uppbyggingu og hins vegar rekstur. Og lögin gera ráð fyrir því að Isavia vinni að rekstri, en maður er að sjá það að þetta eru bara hrein uppbyggingarverkefni. Hingað til hefur ríkið, og á samkvæmt lögum, að standa að uppbyggingu og rekstri flugvallanna. Ríkið fær almennt skattfé í það og hefur hingað til veitt fé af fjárlögum í uppbyggingu þannig að þetta er ákveðin grundvallarbreyting ef það á að fara að taka gjöld beint af notendum flugvallanna, farþegum, til þess að fara í uppbyggingu,“ útskýrir Jón. Jón Jónsson, hæstaréttarlögmaður hjá lögmannsstofunni Sókn, vann lögfræðiálit um málið fyrir Múlaþing.Mynd/aðsend Hann efist enn um lögmæti áformanna, þrátt fyrir að endurnýjaður þjónustusamningur milli Isavia og innviðaráðuneytisins hafi nú einnig verið undirritaður af fjármálaráðherra. Standist ekki jafnræðissjónarmið En Jón gerir fleiri athugasemdir. „Ef að það á að taka upp bílastæðagjöld á þremur innanlandsflugvöllum af tíu eða ellefu sem Isavia sér um þá orkar það tvímælis út frá jafnræðissjónarmiðum,“ segir Jón. Hann kallar eftir aukinni pólitískri umræðu um gjaldtöku. Fjármála- og samgönguáætlanir hafi til þessa gert ráð fyrir að ríkið standi straum af kostnaði við uppbyggingu flugvalla. „Það hefur átt við um flugstöðvarnar, það hefur líka átt við hingað til um lóðirnar. Þannig að þetta er breyting sem er ekki í takt við lögin og er klárlega mjög stór stefnubreyting miðað við samgönguáætlun ef það á að fara að hefja bílastæðagjaldtöku á sumum innanlandsflugvöllum en öðrum ekki,“ segir Jón. Hann telur líklegt að látið verði reyna á lögmæti gjaldtökunnar komi hún til framkvæmda. „Þetta verður mikil röskun á notkun flugvallanna þannig að fólk mun örugglega láta reyna á þetta.“ Þangað til í dag kom vöntun á undirskrift Sigurðar Inga Jóhannssonar fjármálaráðherra í veg fyrir að gjaldtaka gæti hafist. Nú hefur ráðuneyti Sigurðar Inga einnig skrifað undir en ráðherrann hefur beint þeim tilmælum til Isavia ohf. að það beiti sér fyrir því við dótturfyrirtækið Isavia innanlands ehf. að gjaldtakan nái ekki til flugfarþega sem þurfi að sækja heilbrigðisþjónustu og fljúga aftur til baka sama dag. Samkvæmt upplýsingum frá Isavia innanlands tefur þetta útspil ráðherrans enn frekar fyrir gjaldtökunni, enda sé það flókið í framkvæmd að haga gjaldtöku eftir því í hvaða erindagjörðum fólk nýti flugsamgöngur. Málið verði til umfjöllunar hjá stjórn félagsins á morgun og í framhaldinu komi í ljós hvort hægt verði að hefja gjaldtöku í vikunni. Það verði í fyrsta lagi á fimmtudaginn.
Akureyrarflugvöllur Reykjavíkurflugvöllur Egilsstaðaflugvöllur Bílastæði Samgöngur Mest lesið Óttast um örlög farþega eftir árekstur flugvélar og þyrlu í Washington Erlent Starfsemin sé ekki tryggð miðað við núverandi framlög Innlent Segja formann fræðslunefndar hafa brotið siðareglur Innlent Gruna að DeepSeek byggi á gögnum ChatGPT Erlent Öllum heilsast vel eftir fæðingu í háloftunum Innlent Eldgosin í stærri kantinum verði þau við flekamótin Innlent UNRWA hættir líklega allri starfsemi á Gasa og Vesturbakkanum í dag Erlent Vill senda þrjátíu þúsund innflytjendur til Guantánamo Erlent Gengur í storm með slyddu eða snjókomu Veður „Hvert kemst vatnið? Allt þetta vatn sem er á leiðinni?“ Veður Fleiri fréttir Ráðgjafar loftslagsráðuneytis telja losunarskuldbindingar ekki nást Starfsemin sé ekki tryggð miðað við núverandi framlög Segja formann fræðslunefndar hafa brotið siðareglur Eldgosin í stærri kantinum verði þau við flekamótin Vegfarendur horfi upp og húseigendur fjarlægi grýlukertin „Við ætlumst til að fólk finni lausnir og leysi deiluna“ Öllum heilsast vel eftir fæðingu í háloftunum Björn Ingi aðstoðarmaður Sigmundar Davíðs Undrandi foreldrar og barnið sem fæddist í flugvél Býst við því að boða til fundar í kjaradeilu kennara Samþykktu nýjar siðareglur kjörinna fulltrúa Skýringar konunnar haldi ekki vatni og pósturinn af kynferðislegum toga „Þá gerist það bara mjög skyndilega að hundurinn ræðst að mér“ Hæstiréttur klofnaði í nauðgunarmáli Inga Vals Ísland ver mest Evrópuþjóða í leikskóla Leita vitna að árás hunds á konu Aðalmeðferð í máli foreldra gegn KÍ hefst klukkan 15 í dag „Seinni hluta febrúar eða snemma í mars er líklegt“ Mikið í húfi kæmi stórt gos úr Bárðarbungukerfinu Vill ræða við Trump í síma Spáir því að það gjósi eftir rúman mánuð Gult í kortunum Styrkjamálið hefur engin áhrif á ríkisstjórnarsamstarfið Gekk út blóðugur með hendur á lofti og féll til jarðar Sjálfstæðisflokkur bætir mest við sig í nýrri könnun Býður sig fram til formanns VR Misstu stýrið og rak nálægt landi Á ekki að teljast til mannréttinda að fá að ofsækja fólk Skýtur fast á Kristrúnu: „Þetta heitir að skrópa í vinnunni“ Lenti á Íslandi eftir fæðingu í háloftunum Sjá meira