Veðurstofan gerir ráð fyrir norðlægri eða breytilegri átt og vindraða innan við átta metra á sekúndu yfirleitt í dag. Spáð er skýjuðu að mestu norðan- og austanlands og hita á bilinu sjö til þrettán stig. Allra austast er spáð dálítilli rigningu. Þó að bjartara og hlýrra verði á Suður- og Suðvesturlandi eru líkur á stöku síðdegisskúrum þar.
Á höfuðborgarsvæðinu er gert ráð fyrir að þokubakki sem liggur yfir leysist upp með morgninum. Hiti verði á bilinu níu til sautján gráður.
Á morgun, fimmtudag, er spáð hægum vindi áfram, skýjuðu að mestu og dálítilli vætu á stöku stað. Þá eru líkur á síðdegisskúrum á Suðurlandi. Hiti verður á bilinu sjö til fjórtán stig.
Á föstudag er hins vegar spáð norðvestan golu með dálítilli rigningu og svölu veðri um landið norðanverð. Gert er ráð fyrir mildara veðri sunnanlands og stöku skúrum.
