Hitastigið verður 7 til 16 stig en mildast verður sunnan heiða.
Í textaspá veðurstofunnar segir að á morgun sé útlit fyrir suðaustan gjólu með skúrum allvíða, einkum seinni partinn. Þá muni hlýna fyrir norðan.
Á mánudag er talið að nokkuð myndarlegri lægð komi sunnan úr hafi að suðurströndinni. Henni muni fylgja stíf norðaustanátt og rigning. Þá megi búast við talsverðri úrkomu á Suðausturlandi og Austfjörðum.
Veðurhorfur á landinu næstu daga
Á sunnudag:
Suðaustlæg eða breytileg átt 3-8 m/s. Skýjað með köflum og allvíða líkur á skúrum, einkum síðdegis. Hiti 8 til 16 stig.
Á mánudag:
Gengur í norðaustan 8-15 með rigningu, einkum um landið austanvert, en norðantil um kvöldið. Hiti 8 til 14 stig, mildast syðst.
Á þriðjudag:
Suðvestlæg átt og dálítil væta, en að mestu þurrt á Norðaustur- og Austurlandi. Hiti 10 til 16 stig, hlýjast norðaustanlands.
Á miðvikudag:
Norðaustan- og austanátt. Rigning með köflum, en yfirleitt þurrt norðvestantil. Hiti 8 til 15 stig.
Á fimmtudag:
Norðanátt og súld eða rigning, en úrkomulítið sunnan heiða. Kólnar heldur fyrir norðan.
Á föstudag:
Norðlæg átt og dálítil væta norðantil, en stöku skúrir sunnanlands.
