Þetta segir Þorsteinn V. Jónsson veðurfræðingur á Veðurstofu Íslands í samtali við fréttastofu. Um klassískt „desemberveður“ sé að ræða.
„Það er þurrt að mestu á Austurlandi og áfram verður suðvestanátt. En það mun heldur kólna í veðri um helgina og snúast í norðanátt. Hitinn er á niðurleið,“ segir Þorsteinn.
Vegir voru víða lokaðir í dag. Björgunarsveitir stóðuvaktina á lokunarpóstum, til að mynda beggja vegna Hellisheiði. Þá eru Öxnadals- og Holtavörðuheiði sömuleiðis lokaðar.
Appelsínugul veðurviðvörun er í gildi fram að miðnætti, og síðan verður gul viðvörun í gildi á morgun lengst af á suður- og suðvestanverðu landinu. Samkvæmt tilkynningu Vegagerðarinnar er áfram vetrarfærð á morgun þó að það dragi úr vindi.
