Brynjólfur tryggði Haukum stig á síðustu stundu

Brynjólfur Snær Brynjólfsson var hetja Haukanna því hann jafnaði metin úr hraðaupphlaupu í lok leiksins. Skarphéðinn Ívar Einarsson hafði minnkað muninn í eitt mark og Haukarnir unnu svo boltann aftur.

Aron Rafn Eðvarðsson varði svo lokaskot HK í leiknum.

HK var í dauðafæri að landa öðrum sigrinum í röð en urðu að láta sér eitt stig nægja.

Leó Snær Pétursson og Tómas Sigurðarson voru markahæstir hjá HK með sex mörk hvor en Sigurður Jefferson Guarino skoraði fimm mörk. Jovan Kukobat varði þrettán skot.

Össur Haraldsson skoraði sjö mörk úr sjö skotum fyrir Haukaan og Hergeir Grímsson var með fimm mörk og fjórar stoðsendingar.

Þetta var jafn og spennandi leikur þar sem liðin voru að skiptast á að ná forystunni. Staðan var 15-15 í hálfleik.

Eftir þessi úrslit þá eru Haukarnir í fimmta sæti með 19 stig en HK er áttunda og síðasta sætinu sem hefur þátttökurétt í úrslitakeppninni.