Veður

Dregur úr vindi þegar líður á daginn

Atli Ísleifsson skrifar
Hiti á landinu verður á bilinu tvö til sjö stig yfir hádaginn.
Hiti á landinu verður á bilinu tvö til sjö stig yfir hádaginn. Vísir/Vilhelm

Dagurinn byrjar með suðvestanátt þar sem víðast hvar má reikna með 15 til 23 metrum á sekúndu. Spáð er skúrum eða éljum, en léttskýjuðu á Austurlandi.

Á vef Veðurstofunnar segir að það verði hiti á bilinu tvö til sjö stig yfir hádaginn.

„Dregur hægt úr vindi og skúrum síðdegis, en snýst í suðlæga átt með rigningu eða slyddu undir kvöld, fyrst sunnanlands.

Morgundagurinn verður mjög svipaður og dagurinn í dag. Suðvestan 8-15 m/s og skúrir eða él, en bjart að mestu austantil. Hiti breytist lítið. Dregur úr vindi og skúrum síðdegis, en fer að rigna aftur sunnan- og austanlands um kvöldið.

Á miðvikudag verður breytileg átt 5-13 m/s, en snýst í vestlæga átt 8-15 síðdegis og norðvestan 13-20 austantil. Skúrir eða él vestanlands, en rigning eða snjókoma eystra fram undir kvöld. Hiti 2 til 7 stig.

Útlit fyrir rólegt og úrkomulítið veður á fimmtudag og dagana þar á eftir,“ segir í hugleiðingum veðurfræðings.

Spákort fyrir klukkan 14.Veðurstofan

Veðurhorfur á landinu næstu daga

Á þriðjudag: Sunnan og suðvestan 8-15 m/s og skúrir eða él. Hægari og bjart með köflum eystra, en dálítil slydda eða snjókoma þar um kvöldið. Hiti 2 til 10 stig, svalast á Vestfjörðum.

Á miðvikudag: Vestan og suðvestan 8-15 og stöku skúrir eða él. Slydda eða snjókoma austantil, en léttir til seinnipartinn. Hiti 0 til 5 stig, en dregur úr vindi og úrkomu um kvöldið og kólnar.

Á fimmtudag: Breytileg átt 3-8 og yfirleitt bjartviðri, en skýjað og sums staðar lítilsháttar væta á norðvestanverðu landinu. Hiti 1 til 6 stig.

Á föstudag: Suðlæg eða breytileg átt og léttskýjað í flestum landshlutum, hiti 2 til 7 stig.

Á laugardag og sunnudag: Suðlæg átt og bjart með köflum, en skýjað og sums staðar lítilsháttar væta á sunnan- og vestanverðu landinu. Hiti 4 til 10 stig.




Fleiri fréttir

Sjá meira


×