The Athletic greinir frá því hvernig Mitchell lagði egóið til hliðar til að liðið gæti náð árangri. Leikmanna- og tölfræðidýrkun NBA-deildarinnar er gríðarleg. Þannig hafa leikmenn á borð við Russell Westbrook og James Harden skilað lygilegri tölfræði en hins vegar aldrei unnið titil.
Mitchell hefur undanfarin ár verið með magnaða tölfræði en á sama tíma hefur Cleveland ekki verið líklegt til að fara með sigur af hólmi í deildinni.
Donovan Mitchell's MVP case is simple: He's averaged the fewest minutes of his career, and his least amount of points per game as a Cav.
— The Athletic (@TheAthletic) April 17, 2025
Wait, what?
It's by design — and that's what has set the tone for the East's No. 1 seed, writes @joevardon. pic.twitter.com/NsYkA8y151
Kenny Atkinson, þjálfari Cavaliers, hefur hrósað Mitchell fyrir að veita öðrum leikmönnum liðsins vald í vetur og gera þá betri.
„Tölfræðilega hefur þetta ár verið skref til baka fyrir mig en það hjálpar að við erum að vinna svo klárlega er ég að gera eitthvað rétt. Þetta hefur verið besta tímabilið okkar til þessa og það eina sem skiptir máli er að vinna,“ segir Mitchell sjálfur.
Cleveland endaði tímabilið í 1. sæti Austurdeildar með 64 sigra og aðeins 18 töp. Í aðfaranótt laugardags kemur í ljós hvort liðið mæti Miami Heat eða Atlanta Hawks í fyrstu umferð úrslitakeppninnar.
