Joe Biden með krabba­mein

Talsmaður forsetans fyrrverandi greindi frá fréttunum í tilkynningu fyrr í kvöld. 

Þar kom fram að Biden hefði verið greindur með krabbameinið eftir að læknar fundu „smávægilegan hnúð“ á blöðruhálskirtli Biden sem krafðist „frekari skoðunar“.

Þar kom fram að Gleason-stig krabbameinsins væri 9 og það væri búið að dreifa sér í bein forseta. Stig 9 á Gleason-kvarðanum er heldur hátt og þýðir það krabbameinsfrumurnar eru óvenjulegar og krabbameinið líklegt til að dreifa hratt úr sér. 

„Þó þetta sé ágengari tegund sjúkdómsins, virðist krabbameinið vera hormóna-næmt sem gerir að verkum að auðveldara verður að meðhöndla,“ sagði talsmaður Biden. 

Fjölskylda Biden sé nú að skoða mögulegar meðferðir með læknum.