Innlent

Dóra Björt til liðs við Sam­fylkinguna

Árni Sæberg skrifar
Dóra Björt tilkynnti vistaskipti sín á blaðamannafundi í Ráðhúsinu ásamt Heiðu Björgu Hilmisdóttur borgarstjóra.
Dóra Björt tilkynnti vistaskipti sín á blaðamannafundi í Ráðhúsinu ásamt Heiðu Björgu Hilmisdóttur borgarstjóra. Vísir/Vilhelm

Dóra Björt Guðjónsdóttir borgarfulltrúi hefur sagt skilið við borgarstjórnarflokk Pírata og gengið til liðs við Samfylkinguna. Meirihlutinn í borgarstjórn mun áfram vinna saman. Alexandra Briem verður oddviti Pírata og formaður borgarráðs. Dóra Björt tekur á móti við formennsku í stafrænu ráði borgarinnar og tekur sæti Hjálmars Sveinssonar í borgarráði.

Þetta kom fram á blaðamannafundi í Ráðhúsinu í Reykjavík, sem boðað var til í morgun.

Dóra Björt var oddviti Pírata í borgarstjórnarkosningum árið 2022 og hefur setið í borgarstjórn fyrir flokkinn frá árinu 2018. 

Hún tilkynnti í lok október síðastliðins að hún gæfi kost á sér í embætti fyrsta formanns Pírata. Þann 12. nóvember tilkynnti hún hins vegar að hún hefði fallið frá framboðinu. Hún sagði hugmyndir sínar um breytingar á stefnu flokksins stuðla að óeiningu innan flokksins og því drægi hún framboðið til baka til að stuðla að samstöðu.

Í framboði voru þau Alexandra Briem borgarfulltrúi og Oktavía Hrund Guðrúnar Jóns varaborgarfulltrúi og Oktavía Hrund var kjörið fyrsti formaður Pírata þann 29. október.

Fréttin verður uppfærð.

Píratar Samfylkingin Borgarstjórn Sveitarstjórnarmál Reykjavík

Mest lesið


Fleiri fréttir

Sjá meira


×

Mest lesið