Frjálsar íþróttir

Rugby lið á höttunum eftir næsta Usain Bolt
Myndband af ótrúlegum endaspretti hins tólf ára James Gallaugher á frjálsíþróttamóti í Ástralíu hefur farið eins og eldur í sinu um netheima.

Aníta bætti elsta Íslandsmetið innanhúss
Aníta Hinriksdóttir, hlaupakonan stórefnilega úr ÍR, setti í dag glæsilegt Íslandsmet í þúsund metra hlaupi á Aðventumóti Ármanns í Laugardalshöll.

Pishchalnikova grunuð um lyfjamisnotkun
Darya Pishchalnikova frá Rússlandi, sem vann silfurverðlaun í kringlukasti kvenna á Ólympíuleikunum í London í sumar, sætir rannsókn vegna mögulegra misnotkun á lyfjum.

Vefurinn hans Kára Steins heitir silfrið þar til að gullið kemur
Kári Steinn Karlsson, maraþonhlaupari og Ólympíufari, hefur stofnað nýja vefsíðu þar sem fjallað verður ítarlega um frjálsar íþróttir. Vefurinn hefur fengið nafnið Silfrið.is.

Ásdís: Er ekki búin að segja upp leigusamningnum
Spjótkastarinn Ásdís Hjálmsdóttir hefur fundið sér nýjan þjálfara en hún hefur verið þjálfaralaus síðan í haust. Þá var ákveðið að slíta samstarfi hennar við Stefán Jóhannsson.

Aníta fékk brons í Danmörku
Aníta Hinriksdóttir, hlaupakona úr ÍR, varð þriðja á Norðurlandamótinu í víðavangshlaupum sem fór fram í Tårnby í Danmörku í gær.

Helga Margrét lærir nýjan lífsstíl
Fjölþrautarkonan Helga Margrét Þorsteinsdóttir hefur þurft að setja bæði frjálsíþróttaskóna og körfuboltaskóna inn í skáp á meðan hún reynir að koma skrokknum í lag. Helga Margrét hefur verið að glíma við huldumeiðsli undanfarin þrjú ár og hélt að hún væri búin að finna vandamálið á dögunum.

Ásdís er frjálsíþróttamaður ársins 2012
Spjótkastarinn Ásdís Hjálmsdóttir hefur verið valin frjálsíþróttamaður ársins 2012 en þetta var tilkynnt á lokahófi Frjálsíþróttasambands Íslands á dögunum og kemur fram á heimasíðu Ármenninga í dag.

Sigurjón og Christine ofurhlauparar ársins
Frjálsíþróttasamband Íslands hefur valið þau Christine Bucholtz og Sigurjón Sigurbjörnsson ofurhlaupara ársins 2012 en bæði fengu þau verðlaunin afhent á uppskeruhátíð FRÍ um síðustu helgi. Þetta er í fyrsta sinn sem FRÍ útnefnir ofurhlaupara ársins með þessum hætti. Þau Christine og Sigurjón hafa verið í fararbroddi í þessari grein frjálsíþrótta á árinu en þetta kemur fram á heimasíðu FRÍ.

30 heiðruð fyrir framlag til íslenskra frjálsíþrótta
Í tilefni 100 ára afmælis IAAF var Frjálsíþróttasambandi Íslands falið að úthluta viðurkenningum til 30 einstaklinga hér á landi fyrir framlag þeirra til íþróttarinnar.

Kipketer segir frá ferlinum
Dansk-keníski hlauparinn Wilson Kipketer kemur hingað til lands í næsta mánuði og heldur fyrirlestur á Grand Hótel í Reykjavík þann 10. nóvember næstkomandi.

Einar Daði besti tugþrautarmaður Norðurlanda árið 2012
Tugþrautarmaðurinn Einar Daði Lárusson úr ÍR átti frábært ár og nú er orðið ljóst að enginn tugþrautarmaður á Norðurlöndum gerði betur en þessi 22 ára strákur á þessu ári. Þetta kemur fram í fréttatilkynningu frá ÍR.

Aníta efst á heimslistanum - frábært ár 2012
Hlaupakonan efnilega Aníta Hinriksdóttir úr ÍR trónir á toppi heimslistans árið 2012 í 2000 metra hindrunarhlaupi í flokki unglinga 17 ára og yngri með tímann 6:34,80 mínútur. Sá tími er auðvitað glæsilegt íslenskt aldursflokkamet í greininni. Þetta kemur fram í fréttatilkynningu frá ÍR.

Stefnumót með gulldrengnum Jóni Margeiri
Landsmönnum gefst um helgina kostur á að snæða með fulltrúum Íslands á nýafstöðuna Ólympíumóti fatlaðra í London. Um er að ræða styrktarsamkomu í þágu Íþróttasambands fatlaðra en öll innkoma rennur til sambandsins.

Fjóla Signý og Ingi Rúnar með forystu eftir fyrri dag
Fjölþrautarkonan Fjóla Signý Hannesdóttir úr HSK hefur forystu að loknum fyrri degi í sjöþraut á sænska meistaramótinu í fjölþrautargreinum.

Merritt stórbætti heimsmetið í 110 m grindahlaupi
Ólympíumeistarinn Aries Merritt frá Bandaríkjunum var stjarna síðasta móts demantamótaraðarinnar sem sem fór fram í Brussel í Belgíu á föstudagskvöldið.

Ásdís þarf ekki í aðgerð
Ásdís Hjálmsdóttir hefur verið til skoðunar hjá læknum vegna ökklameiðsla sem hún varð fyrir í mars á síðasta ári.

Samstarfi Ásdísar og Stefáns lokið
Stefán Jóhannsson er ekki lengur þjálfari spjótkastarans Ásdísar Hjálmsdóttur en þetta kom fram í fréttatilkynningu frá frjálsíþróttadeild Ármanns í morgun.

Kári Steinn Íslandsmeistari í hálfu maraþoni
Kári Steinn Karlsson varð um helgina Íslandsmeistari í hálfu maraþoni. Mótið fór fram samhliða Brúarhlaupinu á Selfossi.

Pistorius missti af gullinu | Ósáttur við gervifætur keppinautanna
Suður-Afríkumaðurinn Oscar Pistorius var afar ósáttur eftir úrslitin í 200 metra hlaupi á Ólympíumóti fatlaðra í London í gær. Pistorius segir gervifætur sigurvegarans Alan Oliveira vera ólöglega.

Jöfnun á Íslandsmeti en Matthildur Ylfa komst ekki í úrslit
Frjálsíþróttakonan Matthildur Ylfa Þorsteinsdóttir jafnaði Íslandsmet sitt í 100 metra hlaupi í flokki T37 í undanrásum í 100 metra hlaupi á Ólympíumóti fatlaðra í London í morgun.

Frá gjaldþroti til gullverðlauna
ÍR-ingar urðu um síðustu helgi þrefaldir bikarmeistarar í frjálsíþróttum í fyrsta skipti síðan 1985. Margt hefur breyst hjá frjálsíþróttadeildinni sem varð gjaldþrota árið 2000 en er nú langfjölmennust á landinu.

Matthildur Ylfa komst í úrslit og hafnaði í áttunda sæti
Langstökkskonan Matthildur Ylfa Þorsteinsdóttir hafnaði í áttunda sæti í langstökkskeppni Ólympíumóts fatlaðra í morgun. Matthildur stökk lengst 4,08 metra sem er nálægt hennar besta árangri.

Matthildur Ylfa: Stefni á að bæta mig í London
Frjálsíþróttakonan Matthildur Ylfa Þorsteinsdóttir stígur fyrst íslensku keppendanna á stokk á Ólympíumóti fatlaðra í fyrramálið þegar hún keppir í langstökki.

Helgi fánaberi: Ég trúi þessu varla ennþá
Frjálsíþróttakappinn Helgi Sveinsson verður fánaberi Íslands á setningarathöfn fjórtánda Ólympíumóts fatlaðra í London í kvöld.

Ólafur Magnússon: Við höfum átt ótrúlega afreksmenn í gegnum tíðina
Ólafur Magnússon, framkvæmdastjóri afrekssviðs Íþróttasambands fatlaðra, hefur fulla trú á því að keppendur Íslands á Ólympíumóti fatlaðra í London skili sér á verðlaunapall.

Frjálsíþróttadómari fékk spjót í hálsinn og dó
75 ára þýskur frjálsíþróttadómari lést á sjúkrahúsi í nótt eftir að hafa fengið í sig spjót á frjálsíþróttamóti í gær. Þetta kemur fram á vefsíðu þýska blaðsins Bild. Dómarinn hét Dieter S. og var að vinna við mót í Düsseldorf.

ÍR með þrettán stiga forskot á FH eftir fyrri daginn í bikarkeppni FRÍ
ÍR leiðir bæði stigakeppni karla og kvenna eftir fyrri dag í Bikarkeppni FRÍ, sem fram fer á Akureyri nú um helgina. Í karlaflokki er ÍR með 52 stig eða níu stigum meira en FH sem er í öðru sæti. Í kvennakeppninni er minni munur á efstu liðum en þar er forskot ÍR-inga fjögur stig, 43 stig á móti39 stigum FH-inga.

Ásdís í áttunda sæti í Lausanne - kastaði 59,12 metra
Ásdís Hjálmsdóttir endaði í áttunda sæti af níu keppendum á Demantamóti IAAF í Lausanne í Sviss í kvöld en Ásdís kastaði lengst 59,12 metra í öðru kasti sínu. Þetta var annað Demantamót Ásdísar á þessu ári en hún endaði í 5. sæti í New York fyrr í sumar.

Hægt að sjá Ásdísi keppa á NRK2 á Fjölvarpinu í kvöld
Ásdís Hjálmsdóttir keppir á Demantamóti IAAF í frjálsum íþróttum í kvöld en mótið fer að þessu sinni fram í Lausanne í Sviss. Ásdís, sem setti nýtt og glæsilegt Íslandsmót á Ólympíuleikunum í London á dögunum, er ein af níu spjótkösturum sem keppa í spjótkasti kvenna.