Keflavík mætir Mainz í kvöld

Lið Keflavíkur er nú í Frankfurt í Þýskalandi að búa sig undir leik gegn FSV Mainz í UEFA-keppninni sem verður í kvöld kl.18:30 að íslenskum tíma. Ferðin út gekk vel samkvæmt heimasíðu liðsins og vel fer um hópinn þar ytra. Í gær var æft á Commerzbank Arena-leikvanginum sem er stórglæsilegt mannvirki. Í morgun var létt æfing og fundur og síðan er hvíld fram eftir degi. Guðjón Árni Antoníusson er í leikbanni og Stefán Örn Arnarsson á við meiðsli að stríða en annars eru allir heilir og til í slaginn samkvæmt keflavik.is. Hópurinn: Ómar Jóhannsson Magnús Þormar Michael Johansson Gestur Gylfason Baldur Sigurðsson Guðmundur Mete Issa Abdulkadir Ólafur Þór Berry Bjarni Sæmundsson Jónas Guðni Sævarsson Kennet Gustavsson Atli Rúnar Hólmbergsson Hólmar Örn Rúnarsson Símun Samuelsen Gunnar Hilmar Kristinsson Ólafur Jón Jónsson Hörður Sveinsson Guðmundur Steinarsson