Austurrískur ásláttarleikari heillaði Björk 22. október 2011 06:00 Ásláttarleikarinn Manu Delago með Hang-hljóðfærin þrjú sem hann hefur notast við á Biophilia-tónleikunum. fréttablaðið/gva Austurríski ásláttarleikarinn Manu Delago hefur spilað með Björk á Biophilia-tónleikum hennar í Hörpu að undanförnu. Hljóðfærið sem hann er þekktastur fyrir nefnist Hang og er aðeins tíu ára gamalt. Manu Delago er 27 ára Austurríkismaður sem hefur vakið athygli fyrir flotta spilamennsku sína með Björk, bæði á nýjustu plötu hennar Biophilia og á tónleikunum sem hún hefur haldið í Manchester og Hörpu, en þeir síðarnefndu verða alls níu talsins. Delago spilar á ýmis ásláttarhljóðfæri, þar á meðal nýtt hljóðfæri sem nefnist Hang og var fundið upp í Sviss fyrir tíu árum. Hann mun dvelja á Íslandi í fimm vikur vegna Biophilia-tónleikanna en þeir síðustu verða 7. nóvember. Fleiri Biophilia-tónleikar víða um heiminn eru einnig fyrirhugaðir á næsta ári. Spurður hvernig samstarfið við Björk kom til segir Delago: „Hún var að vinna í Biophilia-verkefninu og sá myndband á Youtube þar sem ég spilaði á Hang. Hún var að leita að einhverju sérstæðu hljóðfæri sem hljómaði svipað og gameland-hljóðfærin frá Indónesíu en væri samt ekki sterklega tengt neinni sérstakri menningu eða landi,“ segir Delago í spjalli við blaðamann í lítilli íbúð þar sem hann dvelur í miðborg Reykjavíkur. „Hang er nýtt hljóðfæri og ég held að hún hafi hrifist af myndbandinu og tónlistinni sem ég spila. Hún bauð mér að koma til Íslands og taka upp með sér. Eftir upptökurnar bauð hún mér svo að spila með sér á tónleikunum.“ Hann var að vonum upp með sér að fá tækifæri til að starfa með Björk. „Ég hef verið Bjarkaraðdáandi lengi og þess vegna var alveg frábært að fá loksins að spila með henni.“ Delago er meðlimur dúósins Living Room ásamt klarinettleikaranum Christoph Pepe Auer og halda þeir einmitt sína fyrstu tónleika á Íslandi á Faktorý 1. nóvember. Önnur plata þeirra, Colouring Book, kom út í fyrra þar sem Bítlalagið Eleanor Rigby er meðal annars spilað á nýstárlegan og fallegan hátt. Delago er einnig hluti af kvintettinum Living Room in London ásamt Auer og þremur strengjahljóðfæraleikurum úr Sinfóníuhljómsveit London og er fyrsta plata þeirra væntanleg í janúar næstkomandi. Sinfóníuhljómsveitin spilar einmitt verk eftir hann í London, þar sem hann býr, í mars næstkomandi. Delago spilaði einnig með tríóinu Manu Delago Homemade í Kaldalónssal Hörpu á Airwaves-hátíðinni við góðar undirtektir. Hang-hljóðfærin eru handgerð og aðeins um þrjú hundruð slík eru búin til á hverju ári. Delago segist hafa heillast af hljóðfærinu um leið og hann heyrði fyrst í því. „Mér finnst líka heillandi hversu fjölbreytt hljóð koma út úr því. Stundum hljómar það eins og harpa og stundum eins og tabla. Hang var búið til undir áhrifum frá stáltrommum en þær búa ekki yfir jafn mörgum hljómum og Hang.“ Þessi austurríski ásláttarmeistari hefur gaman af því að spila á litlum tónleikastöðum, enda voru fyrstu tónleikar Living Room haldnir í stofu. „Svo spiluðum við á stærri stöðum og ferðuðumst um heiminn en þegar við tókum upp seinni plötuna ákváðum við að halda stofutónleika á nýjan leik. Við sendum út tilkynningu á netinu sem fólk gat svarað og óskað eftir einkatónleikum í stofunni heima hjá sér. Við völdum stofurnar sem okkur leist best á og fólkið útvegaði áhorfendur og mat,“ segir hann. Mynddiskur með tónleikunum fylgir einmitt með plötunni Colouring Book. Delago hlakkar mikið til að spila á Faktorý með Living Room. Andrúmsloftið verður vafalítið mjög huggulegt og í anda hinna vel heppnuðu stofutónleika dúósins. freyr@frettabladid.is Tónlist Mest lesið Selur íbúð með náttúruparadís í bakgarðinum Lífið Tom Cruise hrasar á síðasta snúning Gagnrýni Hélt við konu besta vinar síns Lífið Heldur sér við efnið og burt frá efnunum Tónlist Mátti eiginlega ekki hósta því þá myndi hann kremja hann Lífið Garðar Gunnlaugs og Fanney Sandra flytja á Selfoss Lífið Vinsælasta ABBA sýning heims kemur til Íslands Lífið samstarf Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning Einn heppinn vinnur frítt flug í heilt ár með PLAY Lífið samstarf Ævintýralegur sumarfögnuður í Haukadal Lífið Fleiri fréttir Heldur sér við efnið og burt frá efnunum Þykja skuggalega lík Fleetwood Mac „Okkur var ekkert cancelað, nema hann bara gerði það sjálfur“ Heitustu rapparar landsins í eina sæng Sigur Rós í Handmaids Tale Einn heitasti plötusnúður í heimi á leið til landsins Nauðsynlegt að gera upp fortíðina Frumflutti „Hver er sá besti“ í Fíladelfíu árið 1985 Kærleiksbomba frá GusGus Nýtt lag frá VÆB-bræðrum: „Bíðið bara, það verður epic!“ „Maður er í elífu straffi sem tónlistarmaður, getur ekki gert neitt annað“ Óhræddir við raunverulegar tilfinningar Kaleo með tónleika á Íslandi í fyrsta sinn í áratug Davíð í Kaleo bjó til flöskutrommusett Sjá meira
Austurríski ásláttarleikarinn Manu Delago hefur spilað með Björk á Biophilia-tónleikum hennar í Hörpu að undanförnu. Hljóðfærið sem hann er þekktastur fyrir nefnist Hang og er aðeins tíu ára gamalt. Manu Delago er 27 ára Austurríkismaður sem hefur vakið athygli fyrir flotta spilamennsku sína með Björk, bæði á nýjustu plötu hennar Biophilia og á tónleikunum sem hún hefur haldið í Manchester og Hörpu, en þeir síðarnefndu verða alls níu talsins. Delago spilar á ýmis ásláttarhljóðfæri, þar á meðal nýtt hljóðfæri sem nefnist Hang og var fundið upp í Sviss fyrir tíu árum. Hann mun dvelja á Íslandi í fimm vikur vegna Biophilia-tónleikanna en þeir síðustu verða 7. nóvember. Fleiri Biophilia-tónleikar víða um heiminn eru einnig fyrirhugaðir á næsta ári. Spurður hvernig samstarfið við Björk kom til segir Delago: „Hún var að vinna í Biophilia-verkefninu og sá myndband á Youtube þar sem ég spilaði á Hang. Hún var að leita að einhverju sérstæðu hljóðfæri sem hljómaði svipað og gameland-hljóðfærin frá Indónesíu en væri samt ekki sterklega tengt neinni sérstakri menningu eða landi,“ segir Delago í spjalli við blaðamann í lítilli íbúð þar sem hann dvelur í miðborg Reykjavíkur. „Hang er nýtt hljóðfæri og ég held að hún hafi hrifist af myndbandinu og tónlistinni sem ég spila. Hún bauð mér að koma til Íslands og taka upp með sér. Eftir upptökurnar bauð hún mér svo að spila með sér á tónleikunum.“ Hann var að vonum upp með sér að fá tækifæri til að starfa með Björk. „Ég hef verið Bjarkaraðdáandi lengi og þess vegna var alveg frábært að fá loksins að spila með henni.“ Delago er meðlimur dúósins Living Room ásamt klarinettleikaranum Christoph Pepe Auer og halda þeir einmitt sína fyrstu tónleika á Íslandi á Faktorý 1. nóvember. Önnur plata þeirra, Colouring Book, kom út í fyrra þar sem Bítlalagið Eleanor Rigby er meðal annars spilað á nýstárlegan og fallegan hátt. Delago er einnig hluti af kvintettinum Living Room in London ásamt Auer og þremur strengjahljóðfæraleikurum úr Sinfóníuhljómsveit London og er fyrsta plata þeirra væntanleg í janúar næstkomandi. Sinfóníuhljómsveitin spilar einmitt verk eftir hann í London, þar sem hann býr, í mars næstkomandi. Delago spilaði einnig með tríóinu Manu Delago Homemade í Kaldalónssal Hörpu á Airwaves-hátíðinni við góðar undirtektir. Hang-hljóðfærin eru handgerð og aðeins um þrjú hundruð slík eru búin til á hverju ári. Delago segist hafa heillast af hljóðfærinu um leið og hann heyrði fyrst í því. „Mér finnst líka heillandi hversu fjölbreytt hljóð koma út úr því. Stundum hljómar það eins og harpa og stundum eins og tabla. Hang var búið til undir áhrifum frá stáltrommum en þær búa ekki yfir jafn mörgum hljómum og Hang.“ Þessi austurríski ásláttarmeistari hefur gaman af því að spila á litlum tónleikastöðum, enda voru fyrstu tónleikar Living Room haldnir í stofu. „Svo spiluðum við á stærri stöðum og ferðuðumst um heiminn en þegar við tókum upp seinni plötuna ákváðum við að halda stofutónleika á nýjan leik. Við sendum út tilkynningu á netinu sem fólk gat svarað og óskað eftir einkatónleikum í stofunni heima hjá sér. Við völdum stofurnar sem okkur leist best á og fólkið útvegaði áhorfendur og mat,“ segir hann. Mynddiskur með tónleikunum fylgir einmitt með plötunni Colouring Book. Delago hlakkar mikið til að spila á Faktorý með Living Room. Andrúmsloftið verður vafalítið mjög huggulegt og í anda hinna vel heppnuðu stofutónleika dúósins. freyr@frettabladid.is
Tónlist Mest lesið Selur íbúð með náttúruparadís í bakgarðinum Lífið Tom Cruise hrasar á síðasta snúning Gagnrýni Hélt við konu besta vinar síns Lífið Heldur sér við efnið og burt frá efnunum Tónlist Mátti eiginlega ekki hósta því þá myndi hann kremja hann Lífið Garðar Gunnlaugs og Fanney Sandra flytja á Selfoss Lífið Vinsælasta ABBA sýning heims kemur til Íslands Lífið samstarf Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning Einn heppinn vinnur frítt flug í heilt ár með PLAY Lífið samstarf Ævintýralegur sumarfögnuður í Haukadal Lífið Fleiri fréttir Heldur sér við efnið og burt frá efnunum Þykja skuggalega lík Fleetwood Mac „Okkur var ekkert cancelað, nema hann bara gerði það sjálfur“ Heitustu rapparar landsins í eina sæng Sigur Rós í Handmaids Tale Einn heitasti plötusnúður í heimi á leið til landsins Nauðsynlegt að gera upp fortíðina Frumflutti „Hver er sá besti“ í Fíladelfíu árið 1985 Kærleiksbomba frá GusGus Nýtt lag frá VÆB-bræðrum: „Bíðið bara, það verður epic!“ „Maður er í elífu straffi sem tónlistarmaður, getur ekki gert neitt annað“ Óhræddir við raunverulegar tilfinningar Kaleo með tónleika á Íslandi í fyrsta sinn í áratug Davíð í Kaleo bjó til flöskutrommusett Sjá meira
Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning
Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning