Þörf á nýrri hugsun til að taka á húsnæðisvandanum Höskuldur Kári Schram skrifar 19. apríl 2014 12:00 vísir/pjetur „Okkar loforð miða að því að efnahagur foreldra og fjölskyldna eigi ekki að koma í veg fyrir að börn geti verið virkir þátttakendur í íþróttum og tónlistarnámi. Við verðum að horfast í augu við það að það eru margar fjölskyldur í borginni sem eiga erfitt með að láta enda ná saman. Það fylgja mikil útgjöld þessum frístundahluta og með því að hækka frístundakortið þá erum við að reyna að koma til móts við þessar fjölskyldur. Við viljum líka auka systkinaafslætti, þannig að þeir gildi þvert á skólastig,“ segir Dagur. Hann segir að hækkunin verði innleidd í áföngum. „Allt sem við segjum í okkar kosningastefnuskrá byggjum við á fimm ára áætlun í fjármálum Reykjavíkurborgar. Ég held að fólk sé alveg komið með nóg af loforðafylleríi í aðdraganda kosninga. Þannig að við setjum bara það fram sem við treystum okkur til að standa við. Það þarf að taka svona hækkun í áföngum. Þannig treystum við okkur til að gera þetta.“Húsnæðisvandinn stærsta málið Dagur gerir ráð fyrir því að húsnæðisvandinn verði stærsta málið í komandi kosningum. Hann segir þörf á nýrri hugsun til að taka á vandanum. „Við höfum sett fram áætlun og gerðum það í fyrra um uppbyggingu á 2.500 til 3.000 leigu- og búseturéttaríbúðum á næstu árum. Við viljum hins vegar stilla upp lausnum fyrir alla en ekki bara suma. Við erum að horfa á félagslega hlutann og þar viljum við vinna mjög þétt með verkalýðshreyfingunni að nýrri hugsun og nýjum lausnum sem koma til móts við þá sem hafa minnst á milli handanna. Við viljum ekki að sum svæði í Reykjavík verði bara fyrir fáa og ríka sem búa í lúxusíbúðum. Við viljum þess í stað að borgin verði öll blönduð. Svo erum við að vinna með lífeyrissjóðunum sem vilja koma með fjármagn inn á almennan leigumarkað sem er kannski fyrir fjölbreyttari hóp, þ.m.t. þá sem eru efnameiri en þá vídd hefur vantað inn á leigumarkað á Íslandi. Þar sjáum við fyrir okkur að borgin leggi fram lóðir en sjóðirnir komi með fjármagnið. Svo viljum við vinna með stúdentum sem eru að sinna mikilvægum hóp. Við verðum að átta okkur á því að þegar við byggjum 500 stúdentaíbúðir þá erum við kannski í leiðinni að opna 500 íbúðir fyrir aðra á leigumarkaði. Svo eru það búseturéttaríbúðir bæði fyrir eldra fólk og fyrir venjulegar barnafjölskyldur. Við hugsum þetta út frá því að borgarbúar eru ekki allir steyptir í sama mót. Þeir eru fjölbreyttir og húsnæðismarkaðurinn þarf að vera fyrir alla. Öryggið þarf líka að vera fyrir alla en ekki bara suma,“ segir Dagur.Ekki fleiri hótel í miðbænum Mikil hóteluppbygging hefur átt sér stað í Reykjavík samfara auknum straumi ferðamanna hingað til lands. Dagur segist ekki vilja sjá fleiri hótel í miðborginni. „Nú eru á áætlun 1.100 ný herbergi fyrst og fremst miðsvæðis og við höfum stutt mörg þeirra, meðal annars í gegnum skipulag. Það er vegna þess að ef það eru ekki byggð hótelherbergi þá skapast þrýstingur á leigumarkað. Ferðaþjónustan borar sig þá inn í íbúðahverfin sem eru miðsvæðis. Þess vegna þurfum við að byggja hótel. En ég gaf líka mjög skýra yfirlýsingu um daginn um að mér finnst nóg komið af hóteluppbyggingu í miðborginni. Við stöndum með þeim verkefnum sem eru komin á dagskrá en nú viljum við beina næstu bylgju inn á önnur svæði. Við erum í því samhengi að horfa á svæði í kringum Hlemm, Borgartún, Kirkjusand og svæði í kringum Grand Hótel. Við viljum líka styðja við hóteluppbyggingu í nágrannasveitarfélögum. Það þýðir að við þurfum að hugsa, bæði sem borgar- og bæjaryfirvöld, um að búa til skemmtilegt umhverfi í kringum þessi svæði. Við eigum að nýta fjárfestinguna sem fylgir ferðaþjónustunni til hagsbóta fyrir íbúa. Þannig sjáum við fyrir okkur að í hverfunum verði líka til kaffihús, skemmtilegir almenningsgarðar og fleira,“ segir Dagur.Allt viðtalið við Dag má sjá í Pólitíkinni á Vísi. Kosningar 2014 fréttir Kosningar 2014 Höfuðborgarsvæðið Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Ákærður fyrir að stinga lækni í kvöldgöngu Innlent Fjórir í bílnum en enginn við stýrið Innlent Áhyggjuefni að innri landamærin séu ekki betur tryggð Innlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Nafn mannsins sem lést í vinnuslysi í Árborg Innlent Fleiri fréttir Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Boða til kyrrðarstundar því íslenskt samfélag standi á krossgötum Engar ábendingar borist þrátt fyrir ákall Ríki og sveitarfélög benda á hvort annað varðandi NPA Útlendingum á Íslandi fjölgar hratt Brynjar snýr sér að mannréttindamálum Almenn ánægja með nýtt útlit Alþingis Brynjar segir af sér Forsætisráðherra mætir fyrstur manna í Samtalið Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Sjá meira
„Okkar loforð miða að því að efnahagur foreldra og fjölskyldna eigi ekki að koma í veg fyrir að börn geti verið virkir þátttakendur í íþróttum og tónlistarnámi. Við verðum að horfast í augu við það að það eru margar fjölskyldur í borginni sem eiga erfitt með að láta enda ná saman. Það fylgja mikil útgjöld þessum frístundahluta og með því að hækka frístundakortið þá erum við að reyna að koma til móts við þessar fjölskyldur. Við viljum líka auka systkinaafslætti, þannig að þeir gildi þvert á skólastig,“ segir Dagur. Hann segir að hækkunin verði innleidd í áföngum. „Allt sem við segjum í okkar kosningastefnuskrá byggjum við á fimm ára áætlun í fjármálum Reykjavíkurborgar. Ég held að fólk sé alveg komið með nóg af loforðafylleríi í aðdraganda kosninga. Þannig að við setjum bara það fram sem við treystum okkur til að standa við. Það þarf að taka svona hækkun í áföngum. Þannig treystum við okkur til að gera þetta.“Húsnæðisvandinn stærsta málið Dagur gerir ráð fyrir því að húsnæðisvandinn verði stærsta málið í komandi kosningum. Hann segir þörf á nýrri hugsun til að taka á vandanum. „Við höfum sett fram áætlun og gerðum það í fyrra um uppbyggingu á 2.500 til 3.000 leigu- og búseturéttaríbúðum á næstu árum. Við viljum hins vegar stilla upp lausnum fyrir alla en ekki bara suma. Við erum að horfa á félagslega hlutann og þar viljum við vinna mjög þétt með verkalýðshreyfingunni að nýrri hugsun og nýjum lausnum sem koma til móts við þá sem hafa minnst á milli handanna. Við viljum ekki að sum svæði í Reykjavík verði bara fyrir fáa og ríka sem búa í lúxusíbúðum. Við viljum þess í stað að borgin verði öll blönduð. Svo erum við að vinna með lífeyrissjóðunum sem vilja koma með fjármagn inn á almennan leigumarkað sem er kannski fyrir fjölbreyttari hóp, þ.m.t. þá sem eru efnameiri en þá vídd hefur vantað inn á leigumarkað á Íslandi. Þar sjáum við fyrir okkur að borgin leggi fram lóðir en sjóðirnir komi með fjármagnið. Svo viljum við vinna með stúdentum sem eru að sinna mikilvægum hóp. Við verðum að átta okkur á því að þegar við byggjum 500 stúdentaíbúðir þá erum við kannski í leiðinni að opna 500 íbúðir fyrir aðra á leigumarkaði. Svo eru það búseturéttaríbúðir bæði fyrir eldra fólk og fyrir venjulegar barnafjölskyldur. Við hugsum þetta út frá því að borgarbúar eru ekki allir steyptir í sama mót. Þeir eru fjölbreyttir og húsnæðismarkaðurinn þarf að vera fyrir alla. Öryggið þarf líka að vera fyrir alla en ekki bara suma,“ segir Dagur.Ekki fleiri hótel í miðbænum Mikil hóteluppbygging hefur átt sér stað í Reykjavík samfara auknum straumi ferðamanna hingað til lands. Dagur segist ekki vilja sjá fleiri hótel í miðborginni. „Nú eru á áætlun 1.100 ný herbergi fyrst og fremst miðsvæðis og við höfum stutt mörg þeirra, meðal annars í gegnum skipulag. Það er vegna þess að ef það eru ekki byggð hótelherbergi þá skapast þrýstingur á leigumarkað. Ferðaþjónustan borar sig þá inn í íbúðahverfin sem eru miðsvæðis. Þess vegna þurfum við að byggja hótel. En ég gaf líka mjög skýra yfirlýsingu um daginn um að mér finnst nóg komið af hóteluppbyggingu í miðborginni. Við stöndum með þeim verkefnum sem eru komin á dagskrá en nú viljum við beina næstu bylgju inn á önnur svæði. Við erum í því samhengi að horfa á svæði í kringum Hlemm, Borgartún, Kirkjusand og svæði í kringum Grand Hótel. Við viljum líka styðja við hóteluppbyggingu í nágrannasveitarfélögum. Það þýðir að við þurfum að hugsa, bæði sem borgar- og bæjaryfirvöld, um að búa til skemmtilegt umhverfi í kringum þessi svæði. Við eigum að nýta fjárfestinguna sem fylgir ferðaþjónustunni til hagsbóta fyrir íbúa. Þannig sjáum við fyrir okkur að í hverfunum verði líka til kaffihús, skemmtilegir almenningsgarðar og fleira,“ segir Dagur.Allt viðtalið við Dag má sjá í Pólitíkinni á Vísi.
Kosningar 2014 fréttir Kosningar 2014 Höfuðborgarsvæðið Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Ákærður fyrir að stinga lækni í kvöldgöngu Innlent Fjórir í bílnum en enginn við stýrið Innlent Áhyggjuefni að innri landamærin séu ekki betur tryggð Innlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Nafn mannsins sem lést í vinnuslysi í Árborg Innlent Fleiri fréttir Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Boða til kyrrðarstundar því íslenskt samfélag standi á krossgötum Engar ábendingar borist þrátt fyrir ákall Ríki og sveitarfélög benda á hvort annað varðandi NPA Útlendingum á Íslandi fjölgar hratt Brynjar snýr sér að mannréttindamálum Almenn ánægja með nýtt útlit Alþingis Brynjar segir af sér Forsætisráðherra mætir fyrstur manna í Samtalið Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Sjá meira