Carter lék sinn 1477. leik í NBA þegar Atlanta Hawks vann dramatískan sigur á Milwaukee Bucks, 136-135, eftir framlengingu í gær. Trae Young skoraði sigurkörfu Atlanta á lokaandartökum framlengingarinnar. Carter lék í 19 mínútur í leiknum í gær og skoraði níu stig.
Carter varð 42 ára í janúar. Hann er á sínu 21. tímabili í NBA en hann var valinn númer fimm í nýliðavalinu 1998.
Robert Parish er leikjahæstur í sögu NBA með 1611 leiki. Kareem Abdul-Jabbar kemur næstur með 1560 leiki. Dirk Nowitzki, sem er enn að, er í 3. sæti leikjalistans með 1515 leiki og John Stockton er fjórði með 1504 leiki.
Auk þess að vera fimmti leikjahæstur í sögu NBA er Carter númer 20 á listanum yfir stigahæstu leikmenn deildarinnar frá upphafi.
Congrats to @mrvincecarter15 of the @ATLHawks for moving up to 5th on the all-time GAMES PLAYED list! #TrueToAtlantapic.twitter.com/ApxlPNDNVz
— NBA (@NBA) March 31, 2019
