Annar 1-0 sigur hjá Atlético Madrid

Atlético Madrid er með fullt hús stiga eftir fyrstu tvær umferðirnar í spænsku úrvalsdeildinni.

Í kvöld vann Atlético 0-1 sigur á Leganés á útivelli. Atlético vann Getafe með sömu markatölu í 1. umferðinni.

Varamaðurinn Vitolo skoraði eina mark leiksins á 71. mínútu. Hann fékk boltann þá frá portúgalska ungstirninu Joao Felix og skoraði með skoti í fjærhornið.

72' [ 0-1 ]YEEESSS! @VitoloMachin bags it in to put us in the lead. @joaofelix70 with the assist. Come on!

#LeganésAtleti

#AúpaAtletipic.twitter.com/l1R49mhbW2

— Atlético de Madrid (@atletienglish) August 25, 2019

Að venju var vörn Atlético sterk og liðið hélt hreinu annan leikinn í röð. Lokatölur 0-1, Atlético í vil.

Næsti leikur Atlético er gegn Eibar eftir viku.