Luka Jovic opnaði markareikinginn hjá Real gegn botnliðinu

Real Madrid skoraði fimm mörk í kvöld á heimavelli er liðið fór létt með botnlið Leganes, 5-0, í spænsku úrvalsdeildinni.

Staðan var orðinn 2-0 eftir átta mínútur. Rodrygo skoraði á sjöundu mínútu en mínútu síðar tvöfaldaði Toni Kroos forystuna.

Á 24. mínútu skoraði Sergio Ramos úr vítaspyrnu en Karim Benzema skoraði svo fjórða markið úr vítaspyrnu á 69. mínútu.

Luka Jovic fékk svo langþráð tækifæri og skoraði fimmta markið í uppbótartímanum en þar við sat. Lokatölur 5-0.

Real er eftir sigurinn í 2. sæti deildarinnar með 21 stig, stigi á eftir toppliði Barcelona, en Leganes er á botninum.

Luka Jovic scores his first Real Madrid goal! pic.twitter.com/1pqvdAuI8z

— B/R Football (@brfootball) October 30, 2019