Líkfundur við Sólfarið

Þetta kemur fram í tilkynningu frá lögreglunni á höfuðborgarsvæðinu og er rannsókn málsins sögð vera á frumstigi. Lögreglan hyggst ekki veita frekari upplýsingar að svo stöddu. Landhelgisgæslan greindi frá því fyrr í dag að stjórnstöð hafi borist ábending um að bátur væri hugsanlega strandaður við Engey. Í fyrstu var talið hugsanlegt að einn væri um borð en þegar björgunarskip á vegum Slysavarnafélagsins Landsbjargar kom á staðinn var báturinn mannlaus. 

Landhelgisgæslan boðaði í kjölfarið til leitaraðgerða með þyrlu Gæslunnar og öllum tiltækum sjóbjörgunarsveitum á höfuðborgarsvæðinu. Klukkan 13:50 tilkynnti Landhelgisgæslan að skipverjinn sem leitað var að væri fundinn og leit lokið.

Fréttin hefur verið uppfærð.