Opið bréf til heilbrigðisráðherra Anna Greta Ólafsdóttir skrifar 8. janúar 2024 13:31 Áttu nokkuð heilsugæslu, láttu vita innan þriggja vikna? Það er einmitt svona sem auglýsing Fjársýslunar f.h. Ríkiseigna hljómar í mín eyru. Það er auðvitað á vitorði allra sem búa í Uppsveitum Árnessýslu að forsvarsmönnum Heilbrigðisstofnunar Suðurlands langi ógurlega að færa heilsugæsluna frá Laugarási yfir á Flúðir. Hvers vegna, það veit aftur á móti enginn. Er það húsnæðið sjálft, staðsetningin eða eitthvað allt annað? Að gefa þriggja vikna frest til að koma með hugmyndir að nýrri staðsetningu staðfestir því miður orðróm um að það sé þegar búið að ákveða að heilsugæslan fara á Flúðir. Aðeins á einum stað í Uppsveitum Árnessýslu er til sérstakt húsnæði fyrir heilsugæslu. Húsnæði sem var vandlega byggt sem slíkt fyrir 25 árum síðan. Kannski hentar tómt bakarí betur fyrir heilsugæslustöð nútímans það má vel vera. Ég ætla láta það ógert að ræða um húsnæðið sjálft eða að Laugarás sem besti staðurinn fyrir heilsugæslu. Bréf þetta fjallar ekki um Laugarás né núverandi húsnæði heilsugæslunnar. Bréfinu er ætlað að vekja háttvirtan heilbrigðisráðherra til umhugsunar um vinnubrögð HSU í þessu máli. Það heyrðist því miður til þín kæri ráðherra á íbúafundi sem haldinn var um málið þar sem þú sagðist vita lítið um málið og værir kominn til að bakka forstjóra HSU upp í sínu máli. Kæri Willum Þór. Þetta er ekki fótboltaleikur, þú ert ekki þjálfarinn sem stendur með þínu liði. Þú værir í besta falli dómarinn. Þú ert ráðherra yfir býsna mikilvægum og viðkvæmum málaflokki. Það er þitt hlutverk í þessu máli að horfa blákalt á staðreyndir og bregðast við ef ítrekað sé bent á að vinnubrögð séu ekki rétt. Ég geri ráð fyrir því að þú vitir það og þess vegna hafir þú lofað á fundinum að það yrði bakkað með málið. Ég trúi því líka að þú áttir þig á fylgi framsóknarflokksins í Uppsveitum Árnessýslu og bregðist við, þó það væri ekki nema þess vegna. Nú liggur fyrir óljós auglýsing með þriggja vikna fresti til þess að koma með hugmyndir að nýrri heilsugæslustöð. Það styður því miður allan orðróm um að ferlið hafi allan tímann byrjað og endað á síðasta þrepi. Ég skildi orð þín og forstjóra HSU á íbúafundinum á þann veg að það yrði bakkað með málið á byrjunarreit. Sá ekki fyrir mér að þið hafið átt við að bíða í nokkrar vikur með að setja auglýsingu í loftið. Ferlið sem er verið að óska eftir að verði unnið er ekki ýkja flókið í raun. Það vill svo til að heilsugæslur má finna um allan heim. Það eru nefnilega til ýmis fræði um hvernig skal standa að rekstri slíkra stofnanna og það eru meira að segja til sérstök fræði um hvernig skal staðsetja slíkar stofnanir þannig þær þjóni sínu hlutverki sem best. Fari heilsugæslan á Flúðir án þess að hafa farið í gegnum eðlilegt ferli, fáum við aldrei vitað hvort framkvæmdin hafi verið sú rétta eða ekki. Það væri bagalegt fyrir alla. Með von um að orð þín frá íbúafundinum rifjist upp fyrir þér og þú biður forstjóra HSU um að setja málið raunverulega aftur á byrjunarreit. Eigi heilsugæslan best heima á Flúðum skal ég fagna því. Svo það verði ekki áfram misskilningur um hvað er átt við um að byrja á byrjuninni þá fylgir hér gróf hugmynd um hvernig eðlilegt ferli gæti litið út. Fyrsta þrep. Byrja á því að greina vandlega hvert raunverulegt vandamálið er og gera áætlun um hvernig á að leysa það í góðu samráði við hagaðila. ATH! Hér hefði verið gott að vera alveg með það á hreinu hvort vandamálið væri staðsetningin eða húsnæðið eða bæði eða eitthvað allt annað og upplýsa með skýrum hætti um það. Annað þrep. Þegar vandamálið liggur fyrir þá væri skynsamlegt að fá til að mynda sérfróðra aðila sem og heimamenn til þess að spegla það út frá ýmsum sjónarhornum. Þannig að til verði víðtækar og góðar upplýsingar til að vinna með. Þriðja þrep. Hér er mikilvægt að búa til vettvang og gefa ráðrúm fyrir góðar hugmyndir og lausnir. Hér þarf að gefa greinagóðar upplýsingar um eftir hvers konar hugmyndum sé verið að leita eftir. ATH! Mikilvægt er að veita skynsamlega fresti til þess að skila inn slíkum hugmyndum. Þrjár vikur í frest er ekki skynsamlegur tímarammi ef það er verið að leita að raunverulegum lausnum! Fjórða þrep. Hér er mjög mikilvægt að vinna áfram í víðtæku samráði við alla hagaðila að því að velja bestu lausnina fyrir alla. ATH! Hér þarf að gæta þess að vandamálið sem átti að leysa í upphafi hafi ekki týnst á leiðinni. Það getur verið vandasamara en það hljómar, sérstaklega ef það var aldrei skýrt í upphafi. Höfundur er sveitarstjórnarmaður í Bláskógabyggð. Viltu birta grein á Vísi? Sendu okkur póst. Senda grein Bláskógabyggð Heilsugæsla Ríkisstjórn Katrínar Jakobsdóttur Mest lesið Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun Myllan sem mala átti gull Andrés Kristjánsson Skoðun Vanhæfur Sjálfstæðisflokkur Dóra Björt Guðjónsdóttir Skoðun Pírati pissar í skóinn sinn Helgi Áss Grétarsson Skoðun Fáum presta aftur inn í skólana Rósa Guðbjartsdóttir Skoðun Fé án hirðis Þorvaldur Lúðvík Sigurjónsson Skoðun Sjö mýtur um loftslagsbreytingar Kristinn Már Hilmarsson,Elva Rakel Jónsdóttir Skoðun Mannúð og hugrekki - gegn stríðsglæpum og þjóðarmorði Ólafur Ingólfsson Skoðun Rösk og reiðubúin fyrir landsbyggðina Hópur Röskvuliða Skoðun Goðsögnin um UFS-sjóði sem róttækar „woke"- fjárfestingar Már Wolfgang Mixa Skoðun Skoðun Skoðun Mannúð og hugrekki - gegn stríðsglæpum og þjóðarmorði Ólafur Ingólfsson skrifar Skoðun Framtíð menntunar – byggjum á trausti, ekki tortryggni Helga Kristín Kolbeins skrifar Skoðun Fé án hirðis Þorvaldur Lúðvík Sigurjónsson skrifar Skoðun Gæludýr geta dimmu í dagsljós breytt Kolbrún Áslaugar Baldursdóttir skrifar Skoðun Myllan sem mala átti gull Andrés Kristjánsson skrifar Skoðun Sjö mýtur um loftslagsbreytingar Kristinn Már Hilmarsson,Elva Rakel Jónsdóttir skrifar Skoðun Pírati pissar í skóinn sinn Helgi Áss Grétarsson skrifar Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir skrifar Skoðun Fáum presta aftur inn í skólana Rósa Guðbjartsdóttir skrifar Skoðun Rösk og reiðubúin fyrir landsbyggðina Hópur Röskvuliða skrifar Skoðun Icelandic Learning is a Gendered Health Issue Logan Lee Sigurðsson skrifar Skoðun Goðsögnin um UFS-sjóði sem róttækar „woke"- fjárfestingar Már Wolfgang Mixa skrifar Skoðun Framtíð Öskjuhlíðar Magnea Gná Jóhannsdóttir skrifar Skoðun Vanhæfur Sjálfstæðisflokkur Dóra Björt Guðjónsdóttir skrifar Skoðun Mælt fyrir miklum kjarabótum öryrkja og aldraðra Inga Sæland skrifar Skoðun Mannréttindabrot og stríðsglæpir Rússa í Úkraínu Erlingur Erlingsson skrifar Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson skrifar Skoðun Ákvarðanir teknar í Reykjavík – afleiðingarnar skella á okkur Hópur Framsóknarmanna í sveitarstjórnum skrifar Skoðun Snjallborgin eða Skuggaborgin Reykjavík: Gervigreindarknúið höfuðborgarsvæði Björgmundur Örn Guðmundsson skrifar Skoðun Getur Sturlunga snúið aftur? Leifur B. Dagfinnsson skrifar Skoðun Vaka stendur með Menntavísindasviði í verki Gunnar Ásgrímsson skrifar Skoðun Vorbókaleysingar Henry Alexander Henrysson skrifar Skoðun Er þetta í alvöru umdeild skoðun fámenns hóps? Snorri Másson skrifar Skoðun Liðveisla fyrir öll Atli Már Haraldsson skrifar Skoðun Réttur til endurtektarprófa: Jafnræði í námi fyrir alla stúdenta Vera Mist Magnúsdóttir,Guðlaug Eva Albertsdóttir skrifar Skoðun Að standa við stóru orðin Guðmundur Ari Sigurjónsson skrifar Skoðun Aðför að landsbyggðinni – og tilraun til að slá ryki í augu almennings Ingibjörg Isaksen skrifar Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson skrifar Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir skrifar Skoðun Ég virði þig og þín mörk, virðir þú mig og mín mörk ? Rakel Linda Kristjánsdóttir skrifar Sjá meira
Áttu nokkuð heilsugæslu, láttu vita innan þriggja vikna? Það er einmitt svona sem auglýsing Fjársýslunar f.h. Ríkiseigna hljómar í mín eyru. Það er auðvitað á vitorði allra sem búa í Uppsveitum Árnessýslu að forsvarsmönnum Heilbrigðisstofnunar Suðurlands langi ógurlega að færa heilsugæsluna frá Laugarási yfir á Flúðir. Hvers vegna, það veit aftur á móti enginn. Er það húsnæðið sjálft, staðsetningin eða eitthvað allt annað? Að gefa þriggja vikna frest til að koma með hugmyndir að nýrri staðsetningu staðfestir því miður orðróm um að það sé þegar búið að ákveða að heilsugæslan fara á Flúðir. Aðeins á einum stað í Uppsveitum Árnessýslu er til sérstakt húsnæði fyrir heilsugæslu. Húsnæði sem var vandlega byggt sem slíkt fyrir 25 árum síðan. Kannski hentar tómt bakarí betur fyrir heilsugæslustöð nútímans það má vel vera. Ég ætla láta það ógert að ræða um húsnæðið sjálft eða að Laugarás sem besti staðurinn fyrir heilsugæslu. Bréf þetta fjallar ekki um Laugarás né núverandi húsnæði heilsugæslunnar. Bréfinu er ætlað að vekja háttvirtan heilbrigðisráðherra til umhugsunar um vinnubrögð HSU í þessu máli. Það heyrðist því miður til þín kæri ráðherra á íbúafundi sem haldinn var um málið þar sem þú sagðist vita lítið um málið og værir kominn til að bakka forstjóra HSU upp í sínu máli. Kæri Willum Þór. Þetta er ekki fótboltaleikur, þú ert ekki þjálfarinn sem stendur með þínu liði. Þú værir í besta falli dómarinn. Þú ert ráðherra yfir býsna mikilvægum og viðkvæmum málaflokki. Það er þitt hlutverk í þessu máli að horfa blákalt á staðreyndir og bregðast við ef ítrekað sé bent á að vinnubrögð séu ekki rétt. Ég geri ráð fyrir því að þú vitir það og þess vegna hafir þú lofað á fundinum að það yrði bakkað með málið. Ég trúi því líka að þú áttir þig á fylgi framsóknarflokksins í Uppsveitum Árnessýslu og bregðist við, þó það væri ekki nema þess vegna. Nú liggur fyrir óljós auglýsing með þriggja vikna fresti til þess að koma með hugmyndir að nýrri heilsugæslustöð. Það styður því miður allan orðróm um að ferlið hafi allan tímann byrjað og endað á síðasta þrepi. Ég skildi orð þín og forstjóra HSU á íbúafundinum á þann veg að það yrði bakkað með málið á byrjunarreit. Sá ekki fyrir mér að þið hafið átt við að bíða í nokkrar vikur með að setja auglýsingu í loftið. Ferlið sem er verið að óska eftir að verði unnið er ekki ýkja flókið í raun. Það vill svo til að heilsugæslur má finna um allan heim. Það eru nefnilega til ýmis fræði um hvernig skal standa að rekstri slíkra stofnanna og það eru meira að segja til sérstök fræði um hvernig skal staðsetja slíkar stofnanir þannig þær þjóni sínu hlutverki sem best. Fari heilsugæslan á Flúðir án þess að hafa farið í gegnum eðlilegt ferli, fáum við aldrei vitað hvort framkvæmdin hafi verið sú rétta eða ekki. Það væri bagalegt fyrir alla. Með von um að orð þín frá íbúafundinum rifjist upp fyrir þér og þú biður forstjóra HSU um að setja málið raunverulega aftur á byrjunarreit. Eigi heilsugæslan best heima á Flúðum skal ég fagna því. Svo það verði ekki áfram misskilningur um hvað er átt við um að byrja á byrjuninni þá fylgir hér gróf hugmynd um hvernig eðlilegt ferli gæti litið út. Fyrsta þrep. Byrja á því að greina vandlega hvert raunverulegt vandamálið er og gera áætlun um hvernig á að leysa það í góðu samráði við hagaðila. ATH! Hér hefði verið gott að vera alveg með það á hreinu hvort vandamálið væri staðsetningin eða húsnæðið eða bæði eða eitthvað allt annað og upplýsa með skýrum hætti um það. Annað þrep. Þegar vandamálið liggur fyrir þá væri skynsamlegt að fá til að mynda sérfróðra aðila sem og heimamenn til þess að spegla það út frá ýmsum sjónarhornum. Þannig að til verði víðtækar og góðar upplýsingar til að vinna með. Þriðja þrep. Hér er mikilvægt að búa til vettvang og gefa ráðrúm fyrir góðar hugmyndir og lausnir. Hér þarf að gefa greinagóðar upplýsingar um eftir hvers konar hugmyndum sé verið að leita eftir. ATH! Mikilvægt er að veita skynsamlega fresti til þess að skila inn slíkum hugmyndum. Þrjár vikur í frest er ekki skynsamlegur tímarammi ef það er verið að leita að raunverulegum lausnum! Fjórða þrep. Hér er mjög mikilvægt að vinna áfram í víðtæku samráði við alla hagaðila að því að velja bestu lausnina fyrir alla. ATH! Hér þarf að gæta þess að vandamálið sem átti að leysa í upphafi hafi ekki týnst á leiðinni. Það getur verið vandasamara en það hljómar, sérstaklega ef það var aldrei skýrt í upphafi. Höfundur er sveitarstjórnarmaður í Bláskógabyggð.
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir skrifar
Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson skrifar
Skoðun Ákvarðanir teknar í Reykjavík – afleiðingarnar skella á okkur Hópur Framsóknarmanna í sveitarstjórnum skrifar
Skoðun Snjallborgin eða Skuggaborgin Reykjavík: Gervigreindarknúið höfuðborgarsvæði Björgmundur Örn Guðmundsson skrifar
Skoðun Réttur til endurtektarprófa: Jafnræði í námi fyrir alla stúdenta Vera Mist Magnúsdóttir,Guðlaug Eva Albertsdóttir skrifar
Skoðun Aðför að landsbyggðinni – og tilraun til að slá ryki í augu almennings Ingibjörg Isaksen skrifar
Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson skrifar
Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir skrifar
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun