Auturríki vann óvæntan 3-2 sigur er liðið mætti Hollandi í lokaumferð D-riðils á EM í fótbolta í dag. Með sigrinum rændu Austurríkismenn toppsæti riðilsins af Hollendingum og Frökkum.
Austurríska liðið tók forystuna strax á sjöttu mínútu leiksins þegar Donyell Malen varð fyrir því óláni að setja boltann í eigið net. Reyndist það eina mark fyrri hálfleiksins og staðan því 1-0 þegar liðin gengu til búningsherbergja.
Austria lead in Berlin 🇦🇹#EURO2024 | #NEDAUT pic.twitter.com/77nWLwj5pS
— UEFA EURO 2024 (@EURO2024) June 25, 2024
Cody Gakpo jafnaði þó metin fyrir Hollenska liðið strax á annarri mínútu síðari hálfleiks en Romano Schmid kom Austurríki yfir á nýjan leik eftir rétt tæplega klukkutíma leik.
Þegar um stundarfjórðungur var til leiksloka jöfnuðu Hollendingar metin á ný. Þar var Memphis Depay á ferðinni eftir stoðsendingu frá Wout Weghorts, en aðeins fimm mínútum síðar kom Marcel Sabitzer Austurríkismönnum yfir í þriðja og síðasta sinn og tryggði Austurríska liðinu 3-2 sigur.
A massive win for Austria! 🇦🇹
— UEFA EURO 2024 (@EURO2024) June 25, 2024
They finish top of Group D 👏#EURO2024 | #NEDAUT pic.twitter.com/WQgeogPbEc
Sigurinn þýðir að Austurríki endar með sex stig í D-riðlinum, en Hollendingar enda með fjögur. Þar sem Frakkar gerðu óvænt 1-1 jafntefli gegn Pólverjum enda Austurríkismenn á toppi riðilsins, Frakkar í öðru sæti og Hollendingar því þriðja.