Volodomyr Zelensky hóf daginn á stuttri heimókn til forseta Íslands á Bessastöðum klukkan hálf níu í morgun. Forsætisráðherrar Norðurlandanna ítrekuðu áframhaldandi stuðning þjóðanna við Úkraínu á fréttamannafundi í alþingishúsinu áður en Zelensky ávarpaði þing Norðurlandaráðs skömmu fyrir hádegi.
Það var sérstök tilfinning að setjast niður ásamt nokkrum norrænum fréttamönnum með þessum manni sem leitt hefur þjóð sína gegn blóðugri innrás einræðisherrans Putins og herja hans í hátt á þriðja ár.
Þrátt fyrir efasemdir margra stuðningsríkja Úkraínu sagði Zelensky þúsundir hermanna norður Kóreu komna til Rússland að undirbúa sig til hernaðar í Úkraínu. Þúsundir til viðbótar væru á leiðinni.
„Ég tel það mjög hættulegt. Það markar nýjan kafla í stríðinu. Þetta verður svipað og í blábyrjun innrásar Rússa og hernáms þeirra á Krímskaga. Hernáminu var mætt með þögn Vesturlanda og enginn vildi breðast við,“ sagði forsetinn á fundinum með fréttamönnum.
Leiðtogar Vesturlanda töluðu gjarnan um rauðar línur, að ekki mætti magna átökin á sama tíma og Putin gengi stöðugt á lagið. Fyrst kæmu eldflaugar og milljónir stórskota frá norður Kóreu og nú nokkur þúsund hermenn. Hvað ætluðu Vesturlönd að gera ef hermennirnir yrðu hundrað þúsund? Hann hafi þrýst á leiðtoga Vesturlanda að bregðast hart við.
„Þannig að, fyrirgefið, en ég held að norður kóreskir hermenn feli í sér stigmögnun stríðsins. Ekki af okkar hálfu heldur að hálfu Rússa og okkur er ekki gert mögulegt að gera nokkuð varðandi norður kóresku hermennina á meðan þeir eru á rússnesku landi,“ segir Zelenski. En Bandaríkin hafa ekki gefið Úkraínumönnum heimild til að nota langdræg vopn Vesturlanda til árása á skotmörk innan Rússlands.
„Það er mikið skrafð en það fer minnafyrir aðgerðum frá leiðtogum,“ segir Zelensky.
Boð um aðild Úkraínu að NATO, ekki tafarlaus aðild, yrði skref í rétta átt. Því Rússar fari yfir allar rauðar línur. Þeir hafi til að mynda fyrst hertekið hluta Georgíu og síðan snúið stjórnvöldum þar á sitt band. Þeir hafi svo unnið fullnaðarsigur með kosningasvindli í nýafstöðnum kosningum.
„Í dag hafa Rússar unnið Georgíu. Þeir hafa tekið burt frelsi Georgíumanna. Þetta snýst um Georgíu og Moldóvu, þeir eru á leiðinni,“ segir forsetinn. Úkraína væri hins vegar margfallt stærra land og fjölmennra og því erfiðari biti fyrir Rússa að kyngja.
„það er að segja ef Vesturlönd láta ekki af þessu tali um rauðar línur. Ef leiðtogar Vesturlanda halda þessari orðræðu áfram, munu þeir missa Modóvu innan eins til tveggja ára.
