Eistnesk að kenna íslensku: „Þúst, ehaggibara og kúka” Rakel Sveinsdóttir skrifar 3. apríl 2025 07:02 Þegar Íslendingar segja „þú veist,“ hljómar það oft eins og „þúst” og þegar við segjum „er það ekki bara hljómar það oft eins og „ehaggibara.” Hin eistenska Gamithra Marga hefur þróað stafræna tungumálaskólann TVÍK sem fangar skemmtilega kennslu íslenskunnar eins og Íslendingar tala hana. Vísir/Anton Brink Það er vægast sagt frábært að tala við Gamithra Marga, stofnanda TVÍK. Ekki aðeins vegna þess að hún talar frábæra íslensku, vann Gulleggið árið 2022 og hefur þróað mjög skemmtilega útfærslu á stafrænum tungumálaskóla sem heitir TVÍK. Heldur er það líka svo skemmtileg saga að heyra hvernig þessi unga og kraftmikla kona frá Eistlandi er nú að kenna öðrum útlendingum að tala íslensku. Þó aðeins búin að búa á Íslandi sjálf síðan lok árs 2016, þá sautján ára. „En það eru flestir viðskiptavinir TVÍK búsettir í útlöndum eða tæp helmingur,“ segir Gamithra. Ha, nú? „Já, bæði frá Bandaríkjunum og Evrópu en bandaríski markaðurinn er þó sá markaður sem hefur verið að stækka hraðast. Þetta kom mér líka á óvart, en oft er þetta þá fólk sem er með einhverja tengingu við Ísland. Langar að koma hingað, á íslenskan maka eða einhverjar aðrar rætur, hefur áhuga á Íslandi og svo framvegis.“ Fyrirhugað er þó að sækja meira á íslenskan fyrirtækjamarkað. Þar sem TVÍK, skammstöfun fyrir TækniVæddaÍslenskuKennarann, gæti mögulega nýst starfsfólki af erlendu bergi brotnu og vinnustöðum sem vilja styðja við íslenskukennslu. Gamithra er meðal fyrirlesara á Hvatningardegi Vertonet sem er í dag. Dagskrá Hvatningardagsins hefst klukkan 13 í Tjarnabíó, en nánari upplýsingar um daginn má sjá hér. Í tilefni Hvatningardagsins, fjallar Atvinnulífið um málið í gær og í dag. Fékk Ísland á heilann Gamithra segist hafa verið fyrir framan tölvuskjá nánast alla sína tíð. Að forrita er henni því augljóslega í blóði borið. Þegar Gamithra var unglingur, fékk hún einhverra hluta vegna brjálæðislega mikinn áhuga á að koma til Íslands. Vissi þó lítið sem ekkert um landið fyrr en hún var þrettán ára. „Þetta var bara svo sterk tilfinning um eitthvað sem ég þyrfti að gera; að ég þyrfti að komast hingað,“ útskýrir Gamithra. Eflaust að vísa til þess að innsæið hafi leitt veginn. Til Íslands kom hún með 200 evrur í vasanum, reddaði sér með því að fá að gista hjá fólki á Akureyri en fór loks að vinna á bóndabæ. Þar sem hún komst að því á leiðinni á bóndabæinn að hjónin á bóndabænum tala ekki ensku. „Þannig að upphaflega hugmyndin mín að tungumálakennslunni var að auðvelda fólki sem vildi koma til Íslands og vinna á sveitabæ að geta gert það. Ég yrði nokkurs konar milliliður í því að fólk gæti átt samskipti þannig að það gæti unnið á íslenskum sveitabæ, án þess að lenda í því sama og ég,“ segir Gamithra og hlær. Þróunin varð þó önnur. „TVÍK er í dag fyrst og fremst kennsluforrit og stafrænt samfélag fólks þar sem fólk er alla daga að tala saman um íslensku eða að læra íslensku og svo framvegis. Ég vill því frekar tala um TVÍK sem tungumálaskóla,“ segir Gamithra og brosir. Að vera frumkvöðull með sprotafyrirtæki á Íslandi þýðir í raun blóð, sviti og tár. Því vinnan er jú gífurlega mikil og ekki að undra þótt margir sprotar gefist upp á þeirri vegferð. „Þótt tekjur TVÍK nái að borga leiguna, er þetta svo sem ekki nein peningavél því markhópurinn fyrir íslenskukennsluna eina og sér mun alltaf verða svo lítill,“ segir Gamithra og lýsir því hvernig hún eins og svo margir aðrir sprotar, passar sig einfaldlega á því að lifa spart, leyfa sér lítið en vinna mikið. Þá er augljóst að Gamithra er að vinna að TVÍK sem ákveðinni hugsjón. Því flest stéttarfélög, að Eflingu undanskildri, greiða mótframlag með námskeiðum TVÍK. Til að mæta því fólki sem vill læra íslensku með TVÍK en hlýtur ekki stuðning frá stéttarfélaginu, hefur Gamithra boðið upp á afslátt. „Þetta þýðir að helmingur allra mögulega tekna hefur farið í afslætti því rúmlega helmingur notenda hefur keypt á þessu afsláttarverði. Þetta hef ég gert einfaldlega til að gera íslenskukennsluna aðgengilega fyrir fólk.” Gamithra hefur lagt áherslu á mannlega nálgun í þróun TVÍK. Þess vegna tók hún gervigreindina út því að gervigreindin byggir á skriflegum gögnum og getur því ekki kennt talmál Íslendinga. Sem er samt svo mikilvægt að útlendingar fái að læra til að ná að tala tungumálið eins og hver annar Íslendingur.Vísir/Anton Brink „Þúst, ehaggibara og kúka” Eitt af því sem er svo áhugavert við TVÍK er að nálgunin er eins mennsk og tæknin mögulega ræður við. Í TVÍK eru öll orðin sögð eins og fólk talar á Íslandi. Líka litlu orðin eins og Ha? Eða Æi…. Eða „þúst, ehaggibara og kúka.“ Oft vantar í tungumálakennslu talmál þannig að útlendingar læri að tala eins og fólkið sjálft. Með TVÍK lærir þú að tala eins og Íslendingar gera sjálfir.“ Þessu til staðfestingar má einmitt geta þess að íslenskan hennar Gamithra er ekki aðeins má segja hreim-laus, heldur talar hún nákvæmlega eins og við öll hin gerum. Slettir stundum með orðum eins og „það meikar ekki sens,“ en notar líka gömul og gild íslensk orð eins og „að öðlast“ eða „tilhneiging.“ Það merkilega er þó að Gamithra hefur leynt og ljóst unnið að því að fjarlægja sem mest af gervigreind úr TVÍK-kennslunni. Nú? Er ekki gervigreindin einmitt svo mikilvæg í öllu í dag? „Jú en hún byggir alfarið á skrifuðum gögnum. Þess vegna kennir hún ekki fólki að tala eins og Íslendingar gera, heldur frekar að tala eins og skrifað mál lítur út. Það er líka fullt af orðum sem gervigreindin myndi einfaldlega aldrei nota, þótt þau séu algeng í talmáli Íslendinga,“ segir Gamithra. Já, meikar sens þegar hún segir það…. „Annað sem hjálpaði mikið við að þróa TVÍK er að ég lærði ekki íslensku í háskóla og kunni því ekki allar reglurnar fyrir fram. Þetta held ég að sé oft vandi við tungumálakennslu því fólkið sem skrifar kennsluefnið veit einfaldlega svo mikið um reglur og málfræði að það er ekkert endilega að búa til besta kennsluefnið fyrir fólkið sem vill læra íslenskuna.“ Gamithra lagði þó í heilmikla vinnu síðar við að læra málfræðina og reglurnar. Þannig að kennsluefnið væri rétt og nákvæmt. „En oft hugsaði ég með mér: Vá hvað ég er heppin að hafa ekki vitað þessa reglu fyrr!“ Hér má sjá skjámyndir af því hvernig TVÍK lítur út og hvernig nemendur tala við skemmtilegan TVÍK-karakter. Sem meira að segja útskýrir fyrir þeim hið alíslenska fyrirkomulag verðtryggðra lána. Gamithra segir lykilatriði að nemendur fái að æfa sig að tala íslensku í næði, því enginn vilji vera að segja einhverja vitleysu fyrir framan aðra. Vinátta, ást og ryksugur Eitt af því sem Gamithra segir vera helsta kostinn við TVÍK kennsluna er að sá sem er að læra íslenskuna, getur átt í samtölum og samskiptum við véltækni. „Það vill enginn vera að segja einhverja vitleysu fyrir framan aðra eða hljóma eitthvað asnalega. Ég vill því meina að þetta næði sem TVÍK býður upp á, að þú getir verið að æfa þig að tala við þetta sérvitra vélmenni sem TVÍK-karakterinn, er sé ákveðið lykilatriði og stór partur af því hversu vinsælt TVÍKappið er hjá notendum. Sem sumir hverjir hafa haft samband og einfaldlega hrópað yfir sig: Vá, hvað ég er ánægð að finna loksins leið sem er að virka fyrir mig í kennslu!“ Að skoða kennsluefnið sem er í boði hjá TVÍK er afar áhugavert. Því nemendur eru greinilega að læra ótrúlegustu hluti sem allir Íslendingar þekkja; Um gular viðvaranir Að komast til Tenerife! Um vináttu, ást og ryksugur. „Þú færð samt aldrei stig í TVÍK, hvorki fyrir að gera rétt eða refsistig. Þér er alltaf hjálpað að svara rétt og auðvitað kennir TVÍK alla málfræði og reglur. En ég hef lagt mikla áherslu á að kennslan sé ekki hrós- eða refsing eins og oft er í tungumálaöppum.“ Sjálf fór Gamithra í Verkmenntaskólann á Akureyri en útskrifaðist sem stúdent frá menntaskólanum á Tröllaskaga. Gamithra hefur líka setið kúrsa í heimspeki í Háskóla Íslands. Vinnan á samt hug hennar allan og til viðbótar við TVÍK stofnaði Gamithra líka samtökin Samtök um mannvæna tækni. Þau hafa það að markmiði að hönnun, þróun og notkun á tækni fylgi siðferðilegum viðmiðum sem setja velferð notenda, náttúru og samfélags í heild í forgang fram yfir einkahagsmuni. Samtökin segir Gamithra að hafi gefist vel fyrir tengslamyndun. „Því ég hef farið öðruvísi leiðir í tengslamyndun. Ekkert endilega fundið mig mikið í nýsköpunarumhverfinu sem gengur mikið út á viðburði og kokkteilboð. Það sem mér hefur fundist gefa mér mest er pólitíska starfið sem ég hef tekið þátt í með Pírötum, að vera í samfélaginu sem er hjá nemendum TVÍK og í gegnum samtökin Samtök um mannvæna tækni.“ Það er dýrt að búa á Íslandi en vaxtartækifæri TVÍK eru margir og því finnst Gamithra svo sem ekki ólíklegt að síðar muni hún færa út kvíarnar og flytja með TVÍK út; bæta við tungumálum en þó þannig að hún haldi áfram að sérhæfa sig í tungumálakennslu tungumála í útrýmingarhættu.Vísir/Anton Brink Gamithra segir ekkert ólíklegt að seinna meir flytji hún með TVÍK til annarra landa. Bæði til að færa út kvíarnar en eins til að öðlast fjárhagslegt öryggi. „Það er margt mjög gott á Íslandi. En þetta er dýrt land. Húsaleigan sem ég borga hér, er sambærileg upphæð og ég myndi borga fyrir einbýlishús með fjórum herbergjum og sauna í Eistlandi,“ segir Gamithra og hlær. En öllu gríni fylgir alvara. „Ef ég flyt annað er það líklega líka til að losna við þessar fjárhagsáhyggjur sem fylgja því að búa á Íslandi. Því ég sé ekki fyrir mér að geta keypt mér hús. Þótt margt sé frábært hér, er líka margt sem er erfitt og það hversu dýrt landið er, er eitt af því erfiða.“ En vaxtartækifæri gætu líka fylgt TVÍK seinna meir ef Gamithra flytur. Því ekki er ólíklegt að hún muni úTVÍKka kennslu TVÍK síðar þannig að TVÍK verði tungumálaskóli fyrir fleiri tungumál. En þó alltaf tungumál eins og íslensku sem eru lítil og í hættu á að útrýmast. Ég bjó til dæmis einu sinni í Wales í Bretlandi og velska er tungumál sem ég hefði alveg áhuga á að kenna í gegnum TVÍK.“ Íslensk tunga Skóla- og menntamál Tækni Nýsköpun Innflytjendamál Tengdar fréttir Einsleitni er ekki málið: „Ætlum við að gera þetta aftur?“ Það er heldur betur hressileg stemning fyrir Hvatningardegi Vertonet sem haldinn verður á morgun. Því nú er nánast uppselt á viðburðinn. 2. apríl 2025 07:01 Fjórðungur Z-kynslóðarinnar hyggst flytja til útlanda „Það sem er athyglisvert er að fjórðungur Z-kynslóðarinnar hyggst flytja til útlanda í fimm ár eða lengur. Og spurningin er þá: Ef svo verður, mun þetta fólk snúa til baka?“ spyr Trausti Haraldsson framkvæmdastjóri rannsóknarfyrirtækisins Prósent. 27. mars 2025 07:00 Driffjöður Vertonet: „Við erum að setja kjöt á beinin núna“ „Já ég var ráðin driffjöður átaksverkefnisins sem mér finnst frábær titill og ég vona að fleiri muni taka upp,“ segir Ásdís Eir Símonardóttir og hlær, en Ásdís sjálfstætt starfandi stjórnenda- og mannauðsráðgjafi. 27. nóvember 2024 07:02 Inngildingin: „Íslenska töluð með hreim er samt íslenska“ „Íslenska töluð með hreim er samt íslenska,“ segir Athena Neve Leex, stjórnarkona í UAK, félagi Ungra athafnakvenna, í samtali um mikilvægi fjölmenningar og inngildingar en í byrjun þessa mánaðar stóð félagið fyrir viðburði þessu máli tengt. 20. nóvember 2024 07:01 Ekki vera feimin við að spyrja: Viltu að ég tali við þig á íslensku? Fleira hæft starfsfólk vantar erlendis frá til að vinna á Íslandi. 8. mars 2023 07:01 Mest lesið Talaði gegn eigin ráðgjöfum um tollana Viðskipti erlent Lækkanir í Asíu halda áfram Viðskipti erlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent „Svartari sviðsmynd en flestir bjuggust við“ Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Trump-tollarnir muni ekki kollsteypa útflutningsgreinum Íslands Viðskipti innlent Að sporna við neikvæðum áhrifum neikvæðra frétta Atvinnulíf Vaktin: Tollar Trump valda usla Viðskipti erlent Kaupmáttur jókst á milli ára Viðskipti innlent Fleiri fréttir Að sporna við neikvæðum áhrifum neikvæðra frétta Eistnesk að kenna íslensku: „Þúst, ehaggibara og kúka” Einsleitni er ekki málið: „Ætlum við að gera þetta aftur?“ Í fullkomnu frelsi: „Þar sem er heyskapur er ég“ „Væri samt mjög til í að vera betri söngvari“ „Við bara tókum íslensku brjáluðu bjartsýnina á þetta“ Fjórðungur Z-kynslóðarinnar hyggst flytja til útlanda Stúdentar taka til: Z-kynslóðin er að velja sér fyrirtæki framtíðarinnar „Ég vonaðist til að lampinn myndi breyta mér í A-týpu“ Fyrirsæta, frumkvöðull, fjárfestir: „Ég held ég sé ekki enn farin á gelgjuna!“ Innsæið: Við stressum oft fólk upp með spurningum og pressu „Ég nota innsæið mitt mjög mikið enda er innsæið ekkert tabú“ Hermann í Kemi: „Kom mér mjög á óvart að verða svona ástfanginn“ Kærastan grjóthörð með svefntímann kvölds og morgna Unga fólkið greinilega að hugsa um sjálfbærnimálin „Hvernig hefðu amma og afi gert þetta?“ Vinnufélagarnir: Kjaftakerlingin, dramadrottningin, sá svartsýni og fleiri Síðasta hláturskast tók verulega á grindarbotninn Góð ráð: Draumastarfið á draumavinnustaðnum Að taka því ekki persónulega hvernig týpa þinn yfirmaður er Fjórar týpur af yfirmönnum: Hver er þín týpa? Í tjaldútilegu í 53 mánuði samfleytt og tekur fjöllin með í fundarherbergið Fyrsti kaffibollinn minnir hann á að þrjú börn eru á heimilinu Sjá meira
Heldur er það líka svo skemmtileg saga að heyra hvernig þessi unga og kraftmikla kona frá Eistlandi er nú að kenna öðrum útlendingum að tala íslensku. Þó aðeins búin að búa á Íslandi sjálf síðan lok árs 2016, þá sautján ára. „En það eru flestir viðskiptavinir TVÍK búsettir í útlöndum eða tæp helmingur,“ segir Gamithra. Ha, nú? „Já, bæði frá Bandaríkjunum og Evrópu en bandaríski markaðurinn er þó sá markaður sem hefur verið að stækka hraðast. Þetta kom mér líka á óvart, en oft er þetta þá fólk sem er með einhverja tengingu við Ísland. Langar að koma hingað, á íslenskan maka eða einhverjar aðrar rætur, hefur áhuga á Íslandi og svo framvegis.“ Fyrirhugað er þó að sækja meira á íslenskan fyrirtækjamarkað. Þar sem TVÍK, skammstöfun fyrir TækniVæddaÍslenskuKennarann, gæti mögulega nýst starfsfólki af erlendu bergi brotnu og vinnustöðum sem vilja styðja við íslenskukennslu. Gamithra er meðal fyrirlesara á Hvatningardegi Vertonet sem er í dag. Dagskrá Hvatningardagsins hefst klukkan 13 í Tjarnabíó, en nánari upplýsingar um daginn má sjá hér. Í tilefni Hvatningardagsins, fjallar Atvinnulífið um málið í gær og í dag. Fékk Ísland á heilann Gamithra segist hafa verið fyrir framan tölvuskjá nánast alla sína tíð. Að forrita er henni því augljóslega í blóði borið. Þegar Gamithra var unglingur, fékk hún einhverra hluta vegna brjálæðislega mikinn áhuga á að koma til Íslands. Vissi þó lítið sem ekkert um landið fyrr en hún var þrettán ára. „Þetta var bara svo sterk tilfinning um eitthvað sem ég þyrfti að gera; að ég þyrfti að komast hingað,“ útskýrir Gamithra. Eflaust að vísa til þess að innsæið hafi leitt veginn. Til Íslands kom hún með 200 evrur í vasanum, reddaði sér með því að fá að gista hjá fólki á Akureyri en fór loks að vinna á bóndabæ. Þar sem hún komst að því á leiðinni á bóndabæinn að hjónin á bóndabænum tala ekki ensku. „Þannig að upphaflega hugmyndin mín að tungumálakennslunni var að auðvelda fólki sem vildi koma til Íslands og vinna á sveitabæ að geta gert það. Ég yrði nokkurs konar milliliður í því að fólk gæti átt samskipti þannig að það gæti unnið á íslenskum sveitabæ, án þess að lenda í því sama og ég,“ segir Gamithra og hlær. Þróunin varð þó önnur. „TVÍK er í dag fyrst og fremst kennsluforrit og stafrænt samfélag fólks þar sem fólk er alla daga að tala saman um íslensku eða að læra íslensku og svo framvegis. Ég vill því frekar tala um TVÍK sem tungumálaskóla,“ segir Gamithra og brosir. Að vera frumkvöðull með sprotafyrirtæki á Íslandi þýðir í raun blóð, sviti og tár. Því vinnan er jú gífurlega mikil og ekki að undra þótt margir sprotar gefist upp á þeirri vegferð. „Þótt tekjur TVÍK nái að borga leiguna, er þetta svo sem ekki nein peningavél því markhópurinn fyrir íslenskukennsluna eina og sér mun alltaf verða svo lítill,“ segir Gamithra og lýsir því hvernig hún eins og svo margir aðrir sprotar, passar sig einfaldlega á því að lifa spart, leyfa sér lítið en vinna mikið. Þá er augljóst að Gamithra er að vinna að TVÍK sem ákveðinni hugsjón. Því flest stéttarfélög, að Eflingu undanskildri, greiða mótframlag með námskeiðum TVÍK. Til að mæta því fólki sem vill læra íslensku með TVÍK en hlýtur ekki stuðning frá stéttarfélaginu, hefur Gamithra boðið upp á afslátt. „Þetta þýðir að helmingur allra mögulega tekna hefur farið í afslætti því rúmlega helmingur notenda hefur keypt á þessu afsláttarverði. Þetta hef ég gert einfaldlega til að gera íslenskukennsluna aðgengilega fyrir fólk.” Gamithra hefur lagt áherslu á mannlega nálgun í þróun TVÍK. Þess vegna tók hún gervigreindina út því að gervigreindin byggir á skriflegum gögnum og getur því ekki kennt talmál Íslendinga. Sem er samt svo mikilvægt að útlendingar fái að læra til að ná að tala tungumálið eins og hver annar Íslendingur.Vísir/Anton Brink „Þúst, ehaggibara og kúka” Eitt af því sem er svo áhugavert við TVÍK er að nálgunin er eins mennsk og tæknin mögulega ræður við. Í TVÍK eru öll orðin sögð eins og fólk talar á Íslandi. Líka litlu orðin eins og Ha? Eða Æi…. Eða „þúst, ehaggibara og kúka.“ Oft vantar í tungumálakennslu talmál þannig að útlendingar læri að tala eins og fólkið sjálft. Með TVÍK lærir þú að tala eins og Íslendingar gera sjálfir.“ Þessu til staðfestingar má einmitt geta þess að íslenskan hennar Gamithra er ekki aðeins má segja hreim-laus, heldur talar hún nákvæmlega eins og við öll hin gerum. Slettir stundum með orðum eins og „það meikar ekki sens,“ en notar líka gömul og gild íslensk orð eins og „að öðlast“ eða „tilhneiging.“ Það merkilega er þó að Gamithra hefur leynt og ljóst unnið að því að fjarlægja sem mest af gervigreind úr TVÍK-kennslunni. Nú? Er ekki gervigreindin einmitt svo mikilvæg í öllu í dag? „Jú en hún byggir alfarið á skrifuðum gögnum. Þess vegna kennir hún ekki fólki að tala eins og Íslendingar gera, heldur frekar að tala eins og skrifað mál lítur út. Það er líka fullt af orðum sem gervigreindin myndi einfaldlega aldrei nota, þótt þau séu algeng í talmáli Íslendinga,“ segir Gamithra. Já, meikar sens þegar hún segir það…. „Annað sem hjálpaði mikið við að þróa TVÍK er að ég lærði ekki íslensku í háskóla og kunni því ekki allar reglurnar fyrir fram. Þetta held ég að sé oft vandi við tungumálakennslu því fólkið sem skrifar kennsluefnið veit einfaldlega svo mikið um reglur og málfræði að það er ekkert endilega að búa til besta kennsluefnið fyrir fólkið sem vill læra íslenskuna.“ Gamithra lagði þó í heilmikla vinnu síðar við að læra málfræðina og reglurnar. Þannig að kennsluefnið væri rétt og nákvæmt. „En oft hugsaði ég með mér: Vá hvað ég er heppin að hafa ekki vitað þessa reglu fyrr!“ Hér má sjá skjámyndir af því hvernig TVÍK lítur út og hvernig nemendur tala við skemmtilegan TVÍK-karakter. Sem meira að segja útskýrir fyrir þeim hið alíslenska fyrirkomulag verðtryggðra lána. Gamithra segir lykilatriði að nemendur fái að æfa sig að tala íslensku í næði, því enginn vilji vera að segja einhverja vitleysu fyrir framan aðra. Vinátta, ást og ryksugur Eitt af því sem Gamithra segir vera helsta kostinn við TVÍK kennsluna er að sá sem er að læra íslenskuna, getur átt í samtölum og samskiptum við véltækni. „Það vill enginn vera að segja einhverja vitleysu fyrir framan aðra eða hljóma eitthvað asnalega. Ég vill því meina að þetta næði sem TVÍK býður upp á, að þú getir verið að æfa þig að tala við þetta sérvitra vélmenni sem TVÍK-karakterinn, er sé ákveðið lykilatriði og stór partur af því hversu vinsælt TVÍKappið er hjá notendum. Sem sumir hverjir hafa haft samband og einfaldlega hrópað yfir sig: Vá, hvað ég er ánægð að finna loksins leið sem er að virka fyrir mig í kennslu!“ Að skoða kennsluefnið sem er í boði hjá TVÍK er afar áhugavert. Því nemendur eru greinilega að læra ótrúlegustu hluti sem allir Íslendingar þekkja; Um gular viðvaranir Að komast til Tenerife! Um vináttu, ást og ryksugur. „Þú færð samt aldrei stig í TVÍK, hvorki fyrir að gera rétt eða refsistig. Þér er alltaf hjálpað að svara rétt og auðvitað kennir TVÍK alla málfræði og reglur. En ég hef lagt mikla áherslu á að kennslan sé ekki hrós- eða refsing eins og oft er í tungumálaöppum.“ Sjálf fór Gamithra í Verkmenntaskólann á Akureyri en útskrifaðist sem stúdent frá menntaskólanum á Tröllaskaga. Gamithra hefur líka setið kúrsa í heimspeki í Háskóla Íslands. Vinnan á samt hug hennar allan og til viðbótar við TVÍK stofnaði Gamithra líka samtökin Samtök um mannvæna tækni. Þau hafa það að markmiði að hönnun, þróun og notkun á tækni fylgi siðferðilegum viðmiðum sem setja velferð notenda, náttúru og samfélags í heild í forgang fram yfir einkahagsmuni. Samtökin segir Gamithra að hafi gefist vel fyrir tengslamyndun. „Því ég hef farið öðruvísi leiðir í tengslamyndun. Ekkert endilega fundið mig mikið í nýsköpunarumhverfinu sem gengur mikið út á viðburði og kokkteilboð. Það sem mér hefur fundist gefa mér mest er pólitíska starfið sem ég hef tekið þátt í með Pírötum, að vera í samfélaginu sem er hjá nemendum TVÍK og í gegnum samtökin Samtök um mannvæna tækni.“ Það er dýrt að búa á Íslandi en vaxtartækifæri TVÍK eru margir og því finnst Gamithra svo sem ekki ólíklegt að síðar muni hún færa út kvíarnar og flytja með TVÍK út; bæta við tungumálum en þó þannig að hún haldi áfram að sérhæfa sig í tungumálakennslu tungumála í útrýmingarhættu.Vísir/Anton Brink Gamithra segir ekkert ólíklegt að seinna meir flytji hún með TVÍK til annarra landa. Bæði til að færa út kvíarnar en eins til að öðlast fjárhagslegt öryggi. „Það er margt mjög gott á Íslandi. En þetta er dýrt land. Húsaleigan sem ég borga hér, er sambærileg upphæð og ég myndi borga fyrir einbýlishús með fjórum herbergjum og sauna í Eistlandi,“ segir Gamithra og hlær. En öllu gríni fylgir alvara. „Ef ég flyt annað er það líklega líka til að losna við þessar fjárhagsáhyggjur sem fylgja því að búa á Íslandi. Því ég sé ekki fyrir mér að geta keypt mér hús. Þótt margt sé frábært hér, er líka margt sem er erfitt og það hversu dýrt landið er, er eitt af því erfiða.“ En vaxtartækifæri gætu líka fylgt TVÍK seinna meir ef Gamithra flytur. Því ekki er ólíklegt að hún muni úTVÍKka kennslu TVÍK síðar þannig að TVÍK verði tungumálaskóli fyrir fleiri tungumál. En þó alltaf tungumál eins og íslensku sem eru lítil og í hættu á að útrýmast. Ég bjó til dæmis einu sinni í Wales í Bretlandi og velska er tungumál sem ég hefði alveg áhuga á að kenna í gegnum TVÍK.“
Íslensk tunga Skóla- og menntamál Tækni Nýsköpun Innflytjendamál Tengdar fréttir Einsleitni er ekki málið: „Ætlum við að gera þetta aftur?“ Það er heldur betur hressileg stemning fyrir Hvatningardegi Vertonet sem haldinn verður á morgun. Því nú er nánast uppselt á viðburðinn. 2. apríl 2025 07:01 Fjórðungur Z-kynslóðarinnar hyggst flytja til útlanda „Það sem er athyglisvert er að fjórðungur Z-kynslóðarinnar hyggst flytja til útlanda í fimm ár eða lengur. Og spurningin er þá: Ef svo verður, mun þetta fólk snúa til baka?“ spyr Trausti Haraldsson framkvæmdastjóri rannsóknarfyrirtækisins Prósent. 27. mars 2025 07:00 Driffjöður Vertonet: „Við erum að setja kjöt á beinin núna“ „Já ég var ráðin driffjöður átaksverkefnisins sem mér finnst frábær titill og ég vona að fleiri muni taka upp,“ segir Ásdís Eir Símonardóttir og hlær, en Ásdís sjálfstætt starfandi stjórnenda- og mannauðsráðgjafi. 27. nóvember 2024 07:02 Inngildingin: „Íslenska töluð með hreim er samt íslenska“ „Íslenska töluð með hreim er samt íslenska,“ segir Athena Neve Leex, stjórnarkona í UAK, félagi Ungra athafnakvenna, í samtali um mikilvægi fjölmenningar og inngildingar en í byrjun þessa mánaðar stóð félagið fyrir viðburði þessu máli tengt. 20. nóvember 2024 07:01 Ekki vera feimin við að spyrja: Viltu að ég tali við þig á íslensku? Fleira hæft starfsfólk vantar erlendis frá til að vinna á Íslandi. 8. mars 2023 07:01 Mest lesið Talaði gegn eigin ráðgjöfum um tollana Viðskipti erlent Lækkanir í Asíu halda áfram Viðskipti erlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent „Svartari sviðsmynd en flestir bjuggust við“ Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Trump-tollarnir muni ekki kollsteypa útflutningsgreinum Íslands Viðskipti innlent Að sporna við neikvæðum áhrifum neikvæðra frétta Atvinnulíf Vaktin: Tollar Trump valda usla Viðskipti erlent Kaupmáttur jókst á milli ára Viðskipti innlent Fleiri fréttir Að sporna við neikvæðum áhrifum neikvæðra frétta Eistnesk að kenna íslensku: „Þúst, ehaggibara og kúka” Einsleitni er ekki málið: „Ætlum við að gera þetta aftur?“ Í fullkomnu frelsi: „Þar sem er heyskapur er ég“ „Væri samt mjög til í að vera betri söngvari“ „Við bara tókum íslensku brjáluðu bjartsýnina á þetta“ Fjórðungur Z-kynslóðarinnar hyggst flytja til útlanda Stúdentar taka til: Z-kynslóðin er að velja sér fyrirtæki framtíðarinnar „Ég vonaðist til að lampinn myndi breyta mér í A-týpu“ Fyrirsæta, frumkvöðull, fjárfestir: „Ég held ég sé ekki enn farin á gelgjuna!“ Innsæið: Við stressum oft fólk upp með spurningum og pressu „Ég nota innsæið mitt mjög mikið enda er innsæið ekkert tabú“ Hermann í Kemi: „Kom mér mjög á óvart að verða svona ástfanginn“ Kærastan grjóthörð með svefntímann kvölds og morgna Unga fólkið greinilega að hugsa um sjálfbærnimálin „Hvernig hefðu amma og afi gert þetta?“ Vinnufélagarnir: Kjaftakerlingin, dramadrottningin, sá svartsýni og fleiri Síðasta hláturskast tók verulega á grindarbotninn Góð ráð: Draumastarfið á draumavinnustaðnum Að taka því ekki persónulega hvernig týpa þinn yfirmaður er Fjórar týpur af yfirmönnum: Hver er þín týpa? Í tjaldútilegu í 53 mánuði samfleytt og tekur fjöllin með í fundarherbergið Fyrsti kaffibollinn minnir hann á að þrjú börn eru á heimilinu Sjá meira
Einsleitni er ekki málið: „Ætlum við að gera þetta aftur?“ Það er heldur betur hressileg stemning fyrir Hvatningardegi Vertonet sem haldinn verður á morgun. Því nú er nánast uppselt á viðburðinn. 2. apríl 2025 07:01
Fjórðungur Z-kynslóðarinnar hyggst flytja til útlanda „Það sem er athyglisvert er að fjórðungur Z-kynslóðarinnar hyggst flytja til útlanda í fimm ár eða lengur. Og spurningin er þá: Ef svo verður, mun þetta fólk snúa til baka?“ spyr Trausti Haraldsson framkvæmdastjóri rannsóknarfyrirtækisins Prósent. 27. mars 2025 07:00
Driffjöður Vertonet: „Við erum að setja kjöt á beinin núna“ „Já ég var ráðin driffjöður átaksverkefnisins sem mér finnst frábær titill og ég vona að fleiri muni taka upp,“ segir Ásdís Eir Símonardóttir og hlær, en Ásdís sjálfstætt starfandi stjórnenda- og mannauðsráðgjafi. 27. nóvember 2024 07:02
Inngildingin: „Íslenska töluð með hreim er samt íslenska“ „Íslenska töluð með hreim er samt íslenska,“ segir Athena Neve Leex, stjórnarkona í UAK, félagi Ungra athafnakvenna, í samtali um mikilvægi fjölmenningar og inngildingar en í byrjun þessa mánaðar stóð félagið fyrir viðburði þessu máli tengt. 20. nóvember 2024 07:01
Ekki vera feimin við að spyrja: Viltu að ég tali við þig á íslensku? Fleira hæft starfsfólk vantar erlendis frá til að vinna á Íslandi. 8. mars 2023 07:01