Hefja formlega rannsókn á SVEIT og Virðingu Kolbeinn Tumi Daðason skrifar 11. apríl 2025 12:33 Aðalgeir Ásvaldsson, framkvæmdastjóri Samtaka fyrirtækja í veitingarekstri (SVEIT) og Sólveig Anna Jónsdóttir, formaður Eflingar. Samkeppniseftirlitið hefur hafið formlega rannsókn á meintum samkeppnisbrotum veitingafyrirtækja og innan Samtaka fyrirtækja á veitingamarkaði tengt kjarasamningsgerð við stéttarfélagið Virðingu. Formaður Eflingar fagnar rannsókninni. Framkvæmdastjóri Virðingar segir gott að hreinsa málið og fá jákvæða niðurstöðu eftirlitsins. Efling og SVEIT, samtök fyrirtækja á veitingamarkaði, hafa eldað grátt silfur saman undanfarin misseri í tengslum við Virðingu sem Efling heldur fram að sé ekki raunverulegt stéttarfélag heldur framlenging á hagsmunum veitingahúsaeigenda. Samkvæmt heimildum fréttastofu hefur Samkeppniseftirlitið sent út erindi á fjóra aðila þar sem farið er fram á að þeir skili ítarlegum gögnum til eftirlitsins um undirbúning, aðdraganda og samskipti vegna annars vegar stofnunar félagsins Virðingar, og hins vegar samninga Virðingar við SVEIT. Erindin voru send út þann 31. mars og hafa aðilar til 16. apríl til að svara. Erindin fjögur voru send á Valdimar Leó Friðrikssonar, framkvæmdastjóra Virðingar, Aðalgeir Ásvaldsson, framkvæmdastjóra SVEIT, til Magnúsar Scheving og Hrefnu Bjarkar Sverrisdóttur vegna Taste ehf. sem rekur ROK restaurant og á Hrefnu Sætran og Björn Árnason vegna Sóley Minerals ehf. sem rekur Skúla Craft Bar. Í erindinu segir að ólögmætt samráð keppinauta um verð og önnur mikilvæg viðskiptamálefni sé eitt alvarlegasta brotið á samkeppnislögum. Brot sem slík varði sektir sem geti numið allt að 10% af heildarveltu fyrirtækja og fyrirtækjasamstæða. Auk þess geti stjórnendur átt á hættu allt að sex ára fangelsisvist. Vísað er til ákvæða samkeppnislaga í þessum efnum. Farið fram á tölvupósta, fundargerðir og minnisblöð Hrefna Björk Sverrisdóttir var formaður stjórnar SVEIT frá upphafi, í júní 2021, og til júní 2024. Hún er nú varamaður í stjórn. Hún og Magnús Scheving eru eigendur Rok Restaurants í gegnum Taste ehf., sem starfar á veitingamarkaði og á aðild að SVEIT. Björn Árnason var stjórnarmaður í SVEIT frá stofnun og tók við sem formaður í júní 2024. Björn og Hrefna Sætran eiga Skúla Craft bar í gegnum Sóley Minerals ehf, sem starfar á veitingamarkaði og á aðild að SVEIT. Björn Árnason sem rekur Skúla craft bar og eiginmaður Hrefnu Sætran er meðal þeirra fjögurra aðila sem fengu erindi frá eftirlitinu.Stöð 2 Í erindunum til Virðingar og SVEIT er farið fram á öll gögn er varða stofnun Virðingar og stofnun SVEIT. Þar er átt við tölvupósta, önnur samskiptagögn, fundargerðir, minnisblöð og fleira. Þar er átt við öll gögn er varða gerð samnings milli Virðingar og SVEIT. Sömuleiðis öll samskipti sem hafa farið milli SVEIT og Virðingar frá stofnun til dagsins í dag. Sömuleiðis afrit af öllum tölvupóstum milli starfsmanna og/eða stjórnarmanna samtakanna. Hrefna Björk Sverrisdóttir var fyrsti formaður stjórnar SVEIT en hætti í fyrrasumar.Vísir/anton brink Í tilfelli Hrefnu Bjarkar og Björns er óskað eftir viðlíka gögnum er varða öll samskipti við þá sem setið hafa í stjórn SVEIT og/eða við þau aðildarfyrirtæki SVEIT sem viðkomandi stjórnarmenn störfuðu hjá eða voru í forsvari fyrir. Sömuleiðis þá sem starfað hafi fyrir SVEIT frá upphafi til dagsins í dag. Sama eigi við um öll samskipti við Virðingu, stjórnarmenn þar og starfsmenn. Einnig allar upplýsingar og samskipti um samning milli Virðingar og SVEIT. Vakin er athygli á því í erindinu að röng, villandi eða ófullnægjandi upplýsingagjöf varði viðurlögum, sem geti verið sektir eða fangelsi í versta falli. Fagnar rannsókninni „Við hjá Eflingu fögnum þessu og vonum að niðurstaða skoðunarinnar verði með þeim hætti að öllum verði ljóst að þarna sé sannarlega samkeppnislagabrot sem verið er að fremja,“ segir Sólveig Anna Jónsdóttir, formaður Eflingar. Sólveig Anna Jónsdóttir er formaður Eflingar.Vísir/Lýður „Við sendum í síðasta mánuði erindi til Samkeppniseftirlitsins, Efling, SGS og ASÍ saman, og vöktum athygli eftirlitsins á því að Virðing væri ekki raunverulegt stéttarfélag - sem það augljóslega er ekki - heldur skúffufélag stofnað af hópi atvinnurekenda í veitngabransanum í þeim tilgangi að lækka laun starfsfólks.“ Þau hafi hvatt Samkeppniseftirlitið til að skoða málið. „Og erum auðvitað mjög ánægð með að þau hafi ákveðið að hefja þessa rannsókn.“ „Eitthvað klór út í loftið“ Valdimar Leó Friðriksson, framkvæmdastjóri Virðingar, segir unnið að svari. „Við eigum ekki von á neinu öðru en að þessu verði vísað frá.“ Það sé ekki mikið verk að finna til þau gögn sem óskað sé eftir. Valdimar Leó Friðriksson er framkvæmdastjóri Virðingar. Efling hefur staðið fyrir mótmælum vegna málsins. „Þetta er tiltölulega fljótunnið. Ég hóf störf í janúar en þetta var stofnað í september. Þeir sem stóðu að stofnuninni hafa verið að tína þetta til.“ Hann er hugsi yfir rannsókn Samkeppniseftirlitsins. „Þetta er mjög einkennilegt að fara með svona mál í Samkeppniseftirlitið. Eitthvað klór út í loftið.“ Eftirlitið hefur þó ákveðið að taka málið til formlegrar rannsóknar sem bendi til þess að einhverjar grunsemdir séu um samráð, eða hvað? „Ég kann ekkert á það og veit ekki ástæðu þess. En öll gögn og allt er á hreinu. Þetta gengur sinn gagn og veðrur gott að fá jákvætt svar út úr þessu fyrir Virðingu.“ Einar Þór Sverrisson lögmaður sem gætir hagsmuna SVEIT segir málið stórfurðulegt. Unnið sé að andmælum. „Það vekur stórfurðu að á meðan málið er á andmælafresti sé verið að afhenda bréfin til stéttarfélaganna sem þau notuðu í óróðursherferð bæði gegn SVEIT og aðildarfélögunum sem alfarið hafna þeim ásökunum sem á þau eru borin,“ segir Einar Þór. Ekki náðist í Aðalgeir Ásvaldsson hjá SVEIT við vinnslu fréttarinnar. Stéttarfélög Veitingastaðir Samkeppnismál Deilur Eflingar og SVEIT vegna Virðingar Mest lesið „Það eru alltaf einhverjar árásir í þessari blokk“ Innlent Þingmaður úðaði eyrnameðali fyrir hunda í kokið á sér Innlent Sósíalistar tortími mögulega sjálfum sér Innlent Þorbjörg segir Úlfar hengja bakara fyrir smið Innlent Sérsveit handtók vopnaðan mann Innlent Kviknaði í bíl á miðjum vegi Innlent Kveður Glerártorg eftir sautján ár Innlent Umfangsmestu loftárásir frá upphafi stríðs Erlent Framtíð vararíkissaksóknara ræðst á allra næstu dögum Innlent Úr Kvennaskólanum í píparann Innlent Fleiri fréttir Tveir fluttir á slysadeild eftir bílveltu á Reykjanesbraut Fluttur á slysadeild eftir flogakast við akstur Sorgarsaga móður, forljótir varðturnar og Reynir Pétur í essinu sínu „Það eru alltaf einhverjar árásir í þessari blokk“ Stefnt að nýjum og glæsilegum miðbæ í Grundarfirði Kviknaði í bíl á miðjum vegi Framtíð vararíkissaksóknara ræðst á allra næstu dögum Þorbjörg segir Úlfar hengja bakara fyrir smið Sósíalistar tortími mögulega sjálfum sér Dómsmálaráðherra tjáir sig um ummæli Úlfars Úr Kvennaskólanum í píparann Afsögn Úlfars og afstaða Íslands til ástandsins á Gasa Sérsveit handtók vopnaðan mann Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Sjá meira
Efling og SVEIT, samtök fyrirtækja á veitingamarkaði, hafa eldað grátt silfur saman undanfarin misseri í tengslum við Virðingu sem Efling heldur fram að sé ekki raunverulegt stéttarfélag heldur framlenging á hagsmunum veitingahúsaeigenda. Samkvæmt heimildum fréttastofu hefur Samkeppniseftirlitið sent út erindi á fjóra aðila þar sem farið er fram á að þeir skili ítarlegum gögnum til eftirlitsins um undirbúning, aðdraganda og samskipti vegna annars vegar stofnunar félagsins Virðingar, og hins vegar samninga Virðingar við SVEIT. Erindin voru send út þann 31. mars og hafa aðilar til 16. apríl til að svara. Erindin fjögur voru send á Valdimar Leó Friðrikssonar, framkvæmdastjóra Virðingar, Aðalgeir Ásvaldsson, framkvæmdastjóra SVEIT, til Magnúsar Scheving og Hrefnu Bjarkar Sverrisdóttur vegna Taste ehf. sem rekur ROK restaurant og á Hrefnu Sætran og Björn Árnason vegna Sóley Minerals ehf. sem rekur Skúla Craft Bar. Í erindinu segir að ólögmætt samráð keppinauta um verð og önnur mikilvæg viðskiptamálefni sé eitt alvarlegasta brotið á samkeppnislögum. Brot sem slík varði sektir sem geti numið allt að 10% af heildarveltu fyrirtækja og fyrirtækjasamstæða. Auk þess geti stjórnendur átt á hættu allt að sex ára fangelsisvist. Vísað er til ákvæða samkeppnislaga í þessum efnum. Farið fram á tölvupósta, fundargerðir og minnisblöð Hrefna Björk Sverrisdóttir var formaður stjórnar SVEIT frá upphafi, í júní 2021, og til júní 2024. Hún er nú varamaður í stjórn. Hún og Magnús Scheving eru eigendur Rok Restaurants í gegnum Taste ehf., sem starfar á veitingamarkaði og á aðild að SVEIT. Björn Árnason var stjórnarmaður í SVEIT frá stofnun og tók við sem formaður í júní 2024. Björn og Hrefna Sætran eiga Skúla Craft bar í gegnum Sóley Minerals ehf, sem starfar á veitingamarkaði og á aðild að SVEIT. Björn Árnason sem rekur Skúla craft bar og eiginmaður Hrefnu Sætran er meðal þeirra fjögurra aðila sem fengu erindi frá eftirlitinu.Stöð 2 Í erindunum til Virðingar og SVEIT er farið fram á öll gögn er varða stofnun Virðingar og stofnun SVEIT. Þar er átt við tölvupósta, önnur samskiptagögn, fundargerðir, minnisblöð og fleira. Þar er átt við öll gögn er varða gerð samnings milli Virðingar og SVEIT. Sömuleiðis öll samskipti sem hafa farið milli SVEIT og Virðingar frá stofnun til dagsins í dag. Sömuleiðis afrit af öllum tölvupóstum milli starfsmanna og/eða stjórnarmanna samtakanna. Hrefna Björk Sverrisdóttir var fyrsti formaður stjórnar SVEIT en hætti í fyrrasumar.Vísir/anton brink Í tilfelli Hrefnu Bjarkar og Björns er óskað eftir viðlíka gögnum er varða öll samskipti við þá sem setið hafa í stjórn SVEIT og/eða við þau aðildarfyrirtæki SVEIT sem viðkomandi stjórnarmenn störfuðu hjá eða voru í forsvari fyrir. Sömuleiðis þá sem starfað hafi fyrir SVEIT frá upphafi til dagsins í dag. Sama eigi við um öll samskipti við Virðingu, stjórnarmenn þar og starfsmenn. Einnig allar upplýsingar og samskipti um samning milli Virðingar og SVEIT. Vakin er athygli á því í erindinu að röng, villandi eða ófullnægjandi upplýsingagjöf varði viðurlögum, sem geti verið sektir eða fangelsi í versta falli. Fagnar rannsókninni „Við hjá Eflingu fögnum þessu og vonum að niðurstaða skoðunarinnar verði með þeim hætti að öllum verði ljóst að þarna sé sannarlega samkeppnislagabrot sem verið er að fremja,“ segir Sólveig Anna Jónsdóttir, formaður Eflingar. Sólveig Anna Jónsdóttir er formaður Eflingar.Vísir/Lýður „Við sendum í síðasta mánuði erindi til Samkeppniseftirlitsins, Efling, SGS og ASÍ saman, og vöktum athygli eftirlitsins á því að Virðing væri ekki raunverulegt stéttarfélag - sem það augljóslega er ekki - heldur skúffufélag stofnað af hópi atvinnurekenda í veitngabransanum í þeim tilgangi að lækka laun starfsfólks.“ Þau hafi hvatt Samkeppniseftirlitið til að skoða málið. „Og erum auðvitað mjög ánægð með að þau hafi ákveðið að hefja þessa rannsókn.“ „Eitthvað klór út í loftið“ Valdimar Leó Friðriksson, framkvæmdastjóri Virðingar, segir unnið að svari. „Við eigum ekki von á neinu öðru en að þessu verði vísað frá.“ Það sé ekki mikið verk að finna til þau gögn sem óskað sé eftir. Valdimar Leó Friðriksson er framkvæmdastjóri Virðingar. Efling hefur staðið fyrir mótmælum vegna málsins. „Þetta er tiltölulega fljótunnið. Ég hóf störf í janúar en þetta var stofnað í september. Þeir sem stóðu að stofnuninni hafa verið að tína þetta til.“ Hann er hugsi yfir rannsókn Samkeppniseftirlitsins. „Þetta er mjög einkennilegt að fara með svona mál í Samkeppniseftirlitið. Eitthvað klór út í loftið.“ Eftirlitið hefur þó ákveðið að taka málið til formlegrar rannsóknar sem bendi til þess að einhverjar grunsemdir séu um samráð, eða hvað? „Ég kann ekkert á það og veit ekki ástæðu þess. En öll gögn og allt er á hreinu. Þetta gengur sinn gagn og veðrur gott að fá jákvætt svar út úr þessu fyrir Virðingu.“ Einar Þór Sverrisson lögmaður sem gætir hagsmuna SVEIT segir málið stórfurðulegt. Unnið sé að andmælum. „Það vekur stórfurðu að á meðan málið er á andmælafresti sé verið að afhenda bréfin til stéttarfélaganna sem þau notuðu í óróðursherferð bæði gegn SVEIT og aðildarfélögunum sem alfarið hafna þeim ásökunum sem á þau eru borin,“ segir Einar Þór. Ekki náðist í Aðalgeir Ásvaldsson hjá SVEIT við vinnslu fréttarinnar.
Stéttarfélög Veitingastaðir Samkeppnismál Deilur Eflingar og SVEIT vegna Virðingar Mest lesið „Það eru alltaf einhverjar árásir í þessari blokk“ Innlent Þingmaður úðaði eyrnameðali fyrir hunda í kokið á sér Innlent Sósíalistar tortími mögulega sjálfum sér Innlent Þorbjörg segir Úlfar hengja bakara fyrir smið Innlent Sérsveit handtók vopnaðan mann Innlent Kviknaði í bíl á miðjum vegi Innlent Kveður Glerártorg eftir sautján ár Innlent Umfangsmestu loftárásir frá upphafi stríðs Erlent Framtíð vararíkissaksóknara ræðst á allra næstu dögum Innlent Úr Kvennaskólanum í píparann Innlent Fleiri fréttir Tveir fluttir á slysadeild eftir bílveltu á Reykjanesbraut Fluttur á slysadeild eftir flogakast við akstur Sorgarsaga móður, forljótir varðturnar og Reynir Pétur í essinu sínu „Það eru alltaf einhverjar árásir í þessari blokk“ Stefnt að nýjum og glæsilegum miðbæ í Grundarfirði Kviknaði í bíl á miðjum vegi Framtíð vararíkissaksóknara ræðst á allra næstu dögum Þorbjörg segir Úlfar hengja bakara fyrir smið Sósíalistar tortími mögulega sjálfum sér Dómsmálaráðherra tjáir sig um ummæli Úlfars Úr Kvennaskólanum í píparann Afsögn Úlfars og afstaða Íslands til ástandsins á Gasa Sérsveit handtók vopnaðan mann Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Sjá meira