Bandaríkjamenn hafa samið ný drög að ályktun um refsiaðgerðir til öryggisráðs Sameinuðu Þjóðanna gegn Norður Kóreu eftir kjarnorkutilraun þeirra í byrjun vikunnar.
Þeir vilja að ráðið greiði atkvæði um drögin fyrir morgundaginn, þrátt fyrir andstöðu Kína gegn hluta af tillögunum um efnahags-og vopnaþvinganir.
Kofi Annan lýsti því yfir að hann vonaðist til að Norður Kórea sneri aftur til viðræðna við sex-landa nefndina, sem skipuð er fulltrúum frá Kóreuríkjunum tveim, Bandaríkjunum, Japan, Kína og Rússlandi.
Erlent
