Hið reynslumikla lið San Antonio Spurs beit frá sér í nótt og komst aftur inn í rimmuna gegn Memphis með sigri í framlengingu. Spurs þarf samt að vinna næstu tvo leiki til þess að komast í næstu umferð.
Spurs leiddi lengstum en Memphis kom til baka og virtist ætla að klára leikinn er Spurs náði að tryggja sér framlengingu á dramatískan hátt. Þar skellti Spurs í lás og Memphis skoraði aðeins eina körfu utan af velli í framlengingunni. Manu Ginobili fór fyrir ákveðnu liði Spurs í nótt með 33 stig.
Miami var í miklu basli með Philadelphia i nótt en var sterkara undir lokin og sendi baráttuglaða leikmenn Sixers í frí. Dwyane Wade stigahæstur með 26 stig og Chris Bosh gat aldrei þessu vant eitthvað og skoraði 20 stig og tók 10 frákost.
Kevin Durant fór á kostum í liði Oklahoma, skoraði 41 stig og þar af 16 af síðustu 20 stigum liðsins er það sendi Denver í frí.
Úrslit (staðan í einvíginu):
San Antonio-Memphis 110-103 (2-3)
Miami-Philadelphia 97-91 (4-1)
Oklahoma-Denver 100-97 (4-1)
Spurs vann í framlengingu - Miami og Oklahoma komin áfram
Henry Birgir Gunnarsson skrifar

Mest lesið


„Þá leið mér frekar illa eftir leik“
Fótbolti


Þeir bestu (1. sæti): Afrekaði allt
Íslenski boltinn

Fyrrum leikmaður Liverpool að ganga í raðir Stjörnunnar
Íslenski boltinn

Öll mörkin í Bestu: Stjarnan tætti KR í sig og ÍA valtaði yfir Blika
Íslenski boltinn

Bjarki var næstum því farinn í Val áður en gullöld ÍA hófst
Íslenski boltinn

Kaupa Delap og eru í viðræðum við Sancho
Enski boltinn


Skrifar undir fimm ára samning við Liverpool
Enski boltinn