Umdeildar framkvæmdir við Vatnsstíg: „Ég hef mikla samúð með fólki sem býr hérna“ Kristín Ólafsdóttir skrifar 8. júlí 2022 19:20 Anna Þóra Björnsdóttir er eigandi gleraugnaverslunarinnar Sjáðu á Hverfisgötu og næsti nágranni framkvæmdanna við Vatnsstíg. Gunnar Smári Magnússon byggingarstjóri framkvæmdanna segir tafirnar eiga sér eðlilegar skýringar. Samsett Atvinnurekandi við Hverfisgötu segir óbærilegt hvernig staðið hefur verið að framkvæmdum á reit við Vatnsstíg. Byggingarstjóri hefur fulla samúð með íbúum og harmar seinkun framkvæmdanna en hún eigi sér eðlilegar skýringar. Íbúar við byggingarsvæðið á Vatnsstíg voru orðnir langþreyttir á óhljóðum sem heyra má í upphafi meðfylgjandi fréttar nú á vormánuðum, þegar beita þurfti fleyg til að bora niður í klöppina undir reitnum. Íbúar sem fréttastofa hefur rætt við segja höggin hafa verið viðvarandi allan liðlangan daginn um margra mánaða skeið. Mestu lætin kláruðust þó nánast um miðjan mars. En það var svo í fyrradag sem aftur þurfti að ræsa fleyginn, fleyga aðeins upp úr undirlaginu hjá aðliggjandi húsi sem stendur við Hverfisgötu. Og eftir því var sannarlega tekið. Anna Þóra Björnsdóttir, eigandi gleraugnaverslunarinnar Sjáðu í umræddu húsi, sem hefur mátt þola einna mesta skarkalann, segir ástandið, bæði hvað varðar óhljóðin og almennt umstang, hafa verið hörmulegt frá því framkvæmdir hófust síðasta sumar. Fleygunin, sem þeim hafi verið sagt að ætti að taka tíu daga, hafi á endanum tekið sex mánuði. „Það hefur margsinnis allt brotnað niður hérna niðri í búð hjá okkur, brotnað og skemmst. Kúnnarnir hrökklast út í hávaða. Það er ekki hægt að taka sjónpróf í minni búð, það þarf að vera kyrrð og ró. Og við höfum reynt að vera samvinnufús og reyna að taka tillit. Auðvitað skiljum við að það þurfi að byggja upp í borginni en þetta eru kannski aðeins of stórar byggingar sem verið er að setja á pínulítinn blett.“ Dæmi séu um að fólk hafi hreinlega flutt burt af svæðinu vegna ágangsins. Hún kallar eftir betra samráði við nágranna. Hefur mikla samúð með nágrönnum Gunnar Smári Magnússon byggingarstjóri framkvæmdarinnar skilur þá afstöðu. „Ég hef mikla samúð með fólki sem býr hérna og ég skil hundrað prósent að fólki líði illa í þessum aðstæðum. En því miður, þegar er verið að taka svona upp og gera í miðri borg, þá verður þessi röskun,“ segir Gunnar. „Við hefðum, má kannski segja, getað haft betra samráð við þetta fólk.“ Zeppelin arkitektar Á reitnum er verið að reisa tvö hús með á fimmta tug íbúða, bílakjallara og þakgarði, eins og meðfylgjandi myndir frá Zeppelin-arkitektum sýna. Gunnar telur þetta mikla bót frá því sem áður var og bendir á að þarna hafi verið hús í mikilli niðurníðslu fyrir. En hann harmar að framkvæmdir hafi tafist. Að hans sögn nema tafirnar þó ekki nema þremur mánuðum. „Klöppin var miklu harðari en við áttum von á. Það gekk miklu verr að fleyga þetta en við áttum von á, ásamt þessum töfum sem urðu við það að bíða eftir og reyna að hliðra til fyrir eigendum hérna,“ segir Gunnar. Verklok liggja ekki fyrir en reiknað er með því að mikið verði í höfn um áramótin. Þá verði raskið í það minnsta orðið mun minna, að sögn Gunnars. Horft framan á fyrirhugaðar nýbyggingar frá Vatnsstíg. Gulu húsin lengst til hægri standa við Laugaveg.Zeppelin arkitektar Reykjavík Skipulag Mest lesið Skiljanlegt að málið veki upp miklar og erfiðar tilfinningar Innlent Hart tekist á um umdeildar auglýsingar SFS Innlent Fjöldi herskipa við Reykjavíkurhöfn Innlent Hátt settur herforingi fórst í bílsprengju nærri Moskvu Erlent Ítalski baróninn á ekki vatnið sem hann seldi Innlent Rifta samningum vegna gríðarlegrar fækkunar hælisleitenda Innlent Með nettengingu í trássi við öryggisreglur til að komast inn á Signal Erlent Undarlegt að „stórhættulegir menn“ gangi lausir Innlent Byrjaður að selja varning merktan „Trump 2028“ Erlent Mislingar á mörkum þess að verða landlægir í Bandaríkjunum aftur Erlent Fleiri fréttir Munu tryggja aðgengi að kaffistofunni sem er nú bænahús Ítalski baróninn á ekki vatnið sem hann seldi Undarlegt að „stórhættulegir menn“ gangi lausir Rifta samningum vegna gríðarlegrar fækkunar hælisleitenda Segir undarlegt að grunaðir nauðgarar gangi lausir Hart tekist á um umdeildar auglýsingar SFS Uppgötvun íslenskra vísindamanna gæti bætt viðbrögð við náttúruvá Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Sjá meira
Íbúar við byggingarsvæðið á Vatnsstíg voru orðnir langþreyttir á óhljóðum sem heyra má í upphafi meðfylgjandi fréttar nú á vormánuðum, þegar beita þurfti fleyg til að bora niður í klöppina undir reitnum. Íbúar sem fréttastofa hefur rætt við segja höggin hafa verið viðvarandi allan liðlangan daginn um margra mánaða skeið. Mestu lætin kláruðust þó nánast um miðjan mars. En það var svo í fyrradag sem aftur þurfti að ræsa fleyginn, fleyga aðeins upp úr undirlaginu hjá aðliggjandi húsi sem stendur við Hverfisgötu. Og eftir því var sannarlega tekið. Anna Þóra Björnsdóttir, eigandi gleraugnaverslunarinnar Sjáðu í umræddu húsi, sem hefur mátt þola einna mesta skarkalann, segir ástandið, bæði hvað varðar óhljóðin og almennt umstang, hafa verið hörmulegt frá því framkvæmdir hófust síðasta sumar. Fleygunin, sem þeim hafi verið sagt að ætti að taka tíu daga, hafi á endanum tekið sex mánuði. „Það hefur margsinnis allt brotnað niður hérna niðri í búð hjá okkur, brotnað og skemmst. Kúnnarnir hrökklast út í hávaða. Það er ekki hægt að taka sjónpróf í minni búð, það þarf að vera kyrrð og ró. Og við höfum reynt að vera samvinnufús og reyna að taka tillit. Auðvitað skiljum við að það þurfi að byggja upp í borginni en þetta eru kannski aðeins of stórar byggingar sem verið er að setja á pínulítinn blett.“ Dæmi séu um að fólk hafi hreinlega flutt burt af svæðinu vegna ágangsins. Hún kallar eftir betra samráði við nágranna. Hefur mikla samúð með nágrönnum Gunnar Smári Magnússon byggingarstjóri framkvæmdarinnar skilur þá afstöðu. „Ég hef mikla samúð með fólki sem býr hérna og ég skil hundrað prósent að fólki líði illa í þessum aðstæðum. En því miður, þegar er verið að taka svona upp og gera í miðri borg, þá verður þessi röskun,“ segir Gunnar. „Við hefðum, má kannski segja, getað haft betra samráð við þetta fólk.“ Zeppelin arkitektar Á reitnum er verið að reisa tvö hús með á fimmta tug íbúða, bílakjallara og þakgarði, eins og meðfylgjandi myndir frá Zeppelin-arkitektum sýna. Gunnar telur þetta mikla bót frá því sem áður var og bendir á að þarna hafi verið hús í mikilli niðurníðslu fyrir. En hann harmar að framkvæmdir hafi tafist. Að hans sögn nema tafirnar þó ekki nema þremur mánuðum. „Klöppin var miklu harðari en við áttum von á. Það gekk miklu verr að fleyga þetta en við áttum von á, ásamt þessum töfum sem urðu við það að bíða eftir og reyna að hliðra til fyrir eigendum hérna,“ segir Gunnar. Verklok liggja ekki fyrir en reiknað er með því að mikið verði í höfn um áramótin. Þá verði raskið í það minnsta orðið mun minna, að sögn Gunnars. Horft framan á fyrirhugaðar nýbyggingar frá Vatnsstíg. Gulu húsin lengst til hægri standa við Laugaveg.Zeppelin arkitektar
Reykjavík Skipulag Mest lesið Skiljanlegt að málið veki upp miklar og erfiðar tilfinningar Innlent Hart tekist á um umdeildar auglýsingar SFS Innlent Fjöldi herskipa við Reykjavíkurhöfn Innlent Hátt settur herforingi fórst í bílsprengju nærri Moskvu Erlent Ítalski baróninn á ekki vatnið sem hann seldi Innlent Rifta samningum vegna gríðarlegrar fækkunar hælisleitenda Innlent Með nettengingu í trássi við öryggisreglur til að komast inn á Signal Erlent Undarlegt að „stórhættulegir menn“ gangi lausir Innlent Byrjaður að selja varning merktan „Trump 2028“ Erlent Mislingar á mörkum þess að verða landlægir í Bandaríkjunum aftur Erlent Fleiri fréttir Munu tryggja aðgengi að kaffistofunni sem er nú bænahús Ítalski baróninn á ekki vatnið sem hann seldi Undarlegt að „stórhættulegir menn“ gangi lausir Rifta samningum vegna gríðarlegrar fækkunar hælisleitenda Segir undarlegt að grunaðir nauðgarar gangi lausir Hart tekist á um umdeildar auglýsingar SFS Uppgötvun íslenskra vísindamanna gæti bætt viðbrögð við náttúruvá Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Sjá meira