Utan vallar: Örlagaríkt einvígi varð til þess að Hafnarfjörð má nú finna í Aachen Aron Guðmundsson skrifar 8. apríl 2024 09:00 Eitt litið saklaust einvígi í Evrópu gegn FH vatt upp á sig og tengist nú leikstað íslenska kvennalandsliðsins í fótbolta sem mætir Þýskalandi í Aachen á morgun Vísir/Samsett mynd Hver hefði trúað því að eitt saklaust einvígi við lið FH árið 2004 hefði haft svo gríðarmikla þýðingu að heimabær félagsins, Hafnarfjörður, er nú stór hluti af starfi eins af rótgrónu knattspyrnufélögum Þýskalands? Svarið er líklegast fáir en staðreyndin er hins vegar sú að hér í Aachen, borg í vesturhluta Þýskalands, má finna Hafnarfjörð. Aron Guðmundsson skrifar frá Aachen í Þýskalandi. Íslenska kvennalandsliðið í knattspyrnu leikur á morgun mikilvægan leik við Þýskaland í undankeppni EM 2025 á Tivoli leikvanginum í Aachen, heimavelli knattspyrnuliðsins Alemannia Aachen. Um er að ræða leik liðanna í 2.umferð undankeppninnar en bæði Ísland og Þýskaland unnu sína leiki í fyrstu umferð. Sveindís Jane fagnar marki sínu gegn Póllandi í 3-0 sigri Íslands í fyrstu umferð undankeppni EM 2025.vísir / hulda margrét Rótgróið félag í kröggum Alemannia Aachen er kannski ekki þekktasta þýska knattspyrnufélagið en er þó rótgróið félag sem hefur lengst af, undanfarna áratugi, spilað í þýsku B-deildinni. Það er að segja allt þar til ársins 2012 þegar að félagið féll tvisvar sinnum á tveimur tímabilum og fann sig allt í einu svæðisdeild Vestur-Þýskalands þar sem að liðið hefur verið síðan þá. Það í bland við fjárhagserfiðleika hefur gert félaginu erfitt fyrir í því verkefni sínu að rétta úr kútnum. Hins vegar minnast stuðningsmenn Alemannia Aachen með hlýju tímabilsins 2003/2004 og 2004/2005. Fyrra tímabilið, þá sem B-deildar lið, komst Alemannia alla leið í úrslitaleik þýska bikarsins og lagði á leið sinni þangað stórveldi Bayern Munchen að velli auk annarra liða úr þýsku úrvalsdeildinni. Það ætlaði allt um koll að keyra þegar að Alemannia Achen sló út þýska stórveldið Bayern Munchen í þýska bikarnum á sínum tíma í leið sinni í átt að úrslitaleiknum.Vísir/Getty Lið Werder Bremen átti þó eftir að standa uppi sem þýskur bikarmeistari en það mætti í raun segja að Alemannia Aachen hafi verið hinn raunverulegi sigurvegari. Þar sem að Werder Bremen stóð einnig uppi sem Þýskalandsmeistari varð raunin sú að Alemannia Aachen, B-deildar liðið, hlaut eitt Evrópusæti Þýskalands. Sögulegt einvígi við FH Grein úr Fréttablaðinu árið 2004 um úrslitin í leik FH og Alemannia Aachen í UEFA bikarnumTimarit.is Liðið tók þar með þátt í UEFA-bikarinn tímabilið 2004/2005 og það er þar sem tengingin við FH kemur inn. Liðin mættust í fyrstu umferð keppninnar. FH, sem var á þessum tíma þjálfað af Ólafi Jóhannessyni, stóð uppi sem Íslandsmeistari þetta tímabil með leikmenn á borð við Alan Borgvadt, Emil Hallfreðsson, Heimi Guðjónsson, Atla Viðar Björnsson og Davíð Þór Viðarsson innanborðs. En Hafnfirðingarnir réðu ekkert við leikmenn Alemannia Aachen heima á Íslandi þar sem fyrri leikur liðanan fór fram Laugardalsvelli. Eftir 5-1 tap heima náðu FH-ingar jafntefli úti í Þýskalandi. Alemannia Aachen fór lengra áfram í keppninni. Í raun alla leið í 32-liða úrslit en búið er að sjá til þess að einvígið við FH gleymist seint úr minni stuðningsmanna félagsins. Hafnarfjörður og Alkmaar Fyrir utan Tivoli-leikvanginn hér í Aachen, heimavöll Alemannia, má finna tvo æfingavelli sem bera báðir nafn með skírskotun í Evrópuævintýri Alemannia Aachen. Annar völlurinn ber nafnið Alkmaar, í höfuðið á hollenska úrvalsdeildarliðinu AZ Alkmaar, sem Alemannia mætti einnig í Evrópukeppni umrætt tímabil. Hinn völlurinn ber nafnið Hafnarfjörður og vísar þar með í heimabæ FH, sem er jafnan nefnt FH Hafnarfjörður á erlendri grundu. Hafnarfjörður og Alkmaar, æfingavellir Alemannia Aachen fyrir utan Tivoli leikvanginn Heldur betur skemmtileg tilviljun en íslenska kvennalandsliðið æfir í dag á Tivoli-leikvanginum í námunda við æfingavellina tvo. Spurning er hins vegar sú hvort það hefði verið heimilislegra að æfa í Hafnarfirði? Fyrir áhugasama má sjá helstu atriði úr fyrri leik FH og Alemannia Aachen hér fyrir neðan: Landslið kvenna í fótbolta EM í Sviss 2025 FH Þýskaland Mest lesið Var með skýrar reglur um eiginkonur bræðranna Sport Leik lokið: Njarðvík - Álftanes 89-95 | Fyrsti dans í Stapaskóla Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Faðir Arnars og Bjarka fékk nóg og hótaði að berja George Kirby Íslenski boltinn Tiger hringdi í Trump til að segja honum frá sambandinu Golf Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Körfubolti Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Fleiri fréttir Chelsea upp fyrir Man. City og Newcastle FH-ingar sækja sér miðvörð til sænska liðsins AIK Afmæli barnanna og Liverpool-leikir það eina í dagatalinu Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Lífið gott en ítalskan strembin Versta staða Íslands síðan Lars og Heimir hófu ævintýrið Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Skoraði fyrir látinn litla bróður sinn Stuðningsmenn Chelsea og Man. City þurfa að afhenda lögreglu vegabréf sín Mourinho reif í nefið á stjóra mótherjanna eftir leik Söfnuðu milljörðum og eiga nú meirihluta í leikvangi félagsins Arne Slot: Við vorum ekki heppnir, reglan er svona Barcelona og Real Madrid mætast í bikarúrslitaleiknum Tonali tryggði Newcastle dýrmætan sigur Man. City saknaði ekki Haaland í kvöld Jón Guðni Fjóluson leggur skóna á hilluna Íslensku stelpurnar réðu ekki við Maísu „Mótlætið styrkir mann“ Sjá meira
Aron Guðmundsson skrifar frá Aachen í Þýskalandi. Íslenska kvennalandsliðið í knattspyrnu leikur á morgun mikilvægan leik við Þýskaland í undankeppni EM 2025 á Tivoli leikvanginum í Aachen, heimavelli knattspyrnuliðsins Alemannia Aachen. Um er að ræða leik liðanna í 2.umferð undankeppninnar en bæði Ísland og Þýskaland unnu sína leiki í fyrstu umferð. Sveindís Jane fagnar marki sínu gegn Póllandi í 3-0 sigri Íslands í fyrstu umferð undankeppni EM 2025.vísir / hulda margrét Rótgróið félag í kröggum Alemannia Aachen er kannski ekki þekktasta þýska knattspyrnufélagið en er þó rótgróið félag sem hefur lengst af, undanfarna áratugi, spilað í þýsku B-deildinni. Það er að segja allt þar til ársins 2012 þegar að félagið féll tvisvar sinnum á tveimur tímabilum og fann sig allt í einu svæðisdeild Vestur-Þýskalands þar sem að liðið hefur verið síðan þá. Það í bland við fjárhagserfiðleika hefur gert félaginu erfitt fyrir í því verkefni sínu að rétta úr kútnum. Hins vegar minnast stuðningsmenn Alemannia Aachen með hlýju tímabilsins 2003/2004 og 2004/2005. Fyrra tímabilið, þá sem B-deildar lið, komst Alemannia alla leið í úrslitaleik þýska bikarsins og lagði á leið sinni þangað stórveldi Bayern Munchen að velli auk annarra liða úr þýsku úrvalsdeildinni. Það ætlaði allt um koll að keyra þegar að Alemannia Achen sló út þýska stórveldið Bayern Munchen í þýska bikarnum á sínum tíma í leið sinni í átt að úrslitaleiknum.Vísir/Getty Lið Werder Bremen átti þó eftir að standa uppi sem þýskur bikarmeistari en það mætti í raun segja að Alemannia Aachen hafi verið hinn raunverulegi sigurvegari. Þar sem að Werder Bremen stóð einnig uppi sem Þýskalandsmeistari varð raunin sú að Alemannia Aachen, B-deildar liðið, hlaut eitt Evrópusæti Þýskalands. Sögulegt einvígi við FH Grein úr Fréttablaðinu árið 2004 um úrslitin í leik FH og Alemannia Aachen í UEFA bikarnumTimarit.is Liðið tók þar með þátt í UEFA-bikarinn tímabilið 2004/2005 og það er þar sem tengingin við FH kemur inn. Liðin mættust í fyrstu umferð keppninnar. FH, sem var á þessum tíma þjálfað af Ólafi Jóhannessyni, stóð uppi sem Íslandsmeistari þetta tímabil með leikmenn á borð við Alan Borgvadt, Emil Hallfreðsson, Heimi Guðjónsson, Atla Viðar Björnsson og Davíð Þór Viðarsson innanborðs. En Hafnfirðingarnir réðu ekkert við leikmenn Alemannia Aachen heima á Íslandi þar sem fyrri leikur liðanan fór fram Laugardalsvelli. Eftir 5-1 tap heima náðu FH-ingar jafntefli úti í Þýskalandi. Alemannia Aachen fór lengra áfram í keppninni. Í raun alla leið í 32-liða úrslit en búið er að sjá til þess að einvígið við FH gleymist seint úr minni stuðningsmanna félagsins. Hafnarfjörður og Alkmaar Fyrir utan Tivoli-leikvanginn hér í Aachen, heimavöll Alemannia, má finna tvo æfingavelli sem bera báðir nafn með skírskotun í Evrópuævintýri Alemannia Aachen. Annar völlurinn ber nafnið Alkmaar, í höfuðið á hollenska úrvalsdeildarliðinu AZ Alkmaar, sem Alemannia mætti einnig í Evrópukeppni umrætt tímabil. Hinn völlurinn ber nafnið Hafnarfjörður og vísar þar með í heimabæ FH, sem er jafnan nefnt FH Hafnarfjörður á erlendri grundu. Hafnarfjörður og Alkmaar, æfingavellir Alemannia Aachen fyrir utan Tivoli leikvanginn Heldur betur skemmtileg tilviljun en íslenska kvennalandsliðið æfir í dag á Tivoli-leikvanginum í námunda við æfingavellina tvo. Spurning er hins vegar sú hvort það hefði verið heimilislegra að æfa í Hafnarfirði? Fyrir áhugasama má sjá helstu atriði úr fyrri leik FH og Alemannia Aachen hér fyrir neðan:
Landslið kvenna í fótbolta EM í Sviss 2025 FH Þýskaland Mest lesið Var með skýrar reglur um eiginkonur bræðranna Sport Leik lokið: Njarðvík - Álftanes 89-95 | Fyrsti dans í Stapaskóla Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Faðir Arnars og Bjarka fékk nóg og hótaði að berja George Kirby Íslenski boltinn Tiger hringdi í Trump til að segja honum frá sambandinu Golf Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Körfubolti Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Fleiri fréttir Chelsea upp fyrir Man. City og Newcastle FH-ingar sækja sér miðvörð til sænska liðsins AIK Afmæli barnanna og Liverpool-leikir það eina í dagatalinu Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Lífið gott en ítalskan strembin Versta staða Íslands síðan Lars og Heimir hófu ævintýrið Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Skoraði fyrir látinn litla bróður sinn Stuðningsmenn Chelsea og Man. City þurfa að afhenda lögreglu vegabréf sín Mourinho reif í nefið á stjóra mótherjanna eftir leik Söfnuðu milljörðum og eiga nú meirihluta í leikvangi félagsins Arne Slot: Við vorum ekki heppnir, reglan er svona Barcelona og Real Madrid mætast í bikarúrslitaleiknum Tonali tryggði Newcastle dýrmætan sigur Man. City saknaði ekki Haaland í kvöld Jón Guðni Fjóluson leggur skóna á hilluna Íslensku stelpurnar réðu ekki við Maísu „Mótlætið styrkir mann“ Sjá meira