Búið er að opna veginn um Holtavörðuheiði á nýjan leik.
Þetta kemur fram á vef Vegagerðarinnar.
Veginum var lokað í nótt vegna mikils vatnsaga sem var á veginum auk þess sem nokkur umferðaróhöpp urðu á leiðinni.
Þannig voru björgunarsveitir í Borgarbyggð kallaðar út vegna ferðafólks sem hafði ekið út af veginum. Bjarga þurfti tveimur sem voru fastir á þaki bílsins í vatni.
Björgunarsveitir í Borgarfirði voru kallaðar út vegna tilkynningar frá ferðamönnum í vandræðum við Kattarhryggi, á leið upp á Holtavörðuheiði, á fimmta tímanum í nótt.
Veginum um Holtavörðuheiði var lokað í nótt vegna mikils vatnsaga sem var á veginum auk þess sem nokkur umferðaróhöpp urðu á leiðinni, að því er fram kemur á heimasíðu Vegagerðarinnar.
