Hraðalækkanir: Fyrir hvern? Egill Þór Jónsson og Ragnhildur Alda María Vilhjálmsdóttir skrifa 17. apríl 2021 16:31 Snemma á níunda áratug síðustu aldar hafði fólk tekið eftir fjölgun umferðaróhappa og slysa áratugina á undan. Orsakaþættirnir þóttu vera mikil aukning á akandi og gangandi vegfarendum í umferð en einnig að umgjörðin í kringum aukinn mannfjölda á ferð hafði ekki þróast í sama takt og mannfjöldinn sjálfur. Í kjölfarið fór Reykjavíkurborg undir stjórn Sjálfstæðisflokksins í átak og kynnti til leiks svokölluð 30 km hverfi, þar sem hámarkshraðinn var hafður 30 km/klst inni í íbúðarhverfum ásamt því að lyfta grettistaki í öðrum áhrifaþáttum umferðaröryggis gatnakerfisins í heild sinni eins og uppsetningu umferðarljósa og gangbrautarljósa og fjölgun hringtorga en fjöldi þeirra tvöfaldaðist yfir næstu tvo áratugi. Annað sem skipti miklu máli var að aðgreina vel keyrandi vegfarendur og gangandi á aðalgatnabrautum eins og stofnbrautum og tengibrautum. Árangurinn stóð ekki á sér og í rannsókn sinni á umferðaróhöppum frá árinu 2006 komst Stefán Agnar Finnsson að þeirri niðurstöðu að slysum hefði fækkað um 27% og alvarlegum slysum um 62% á 30 km svæðum. Hvað umferðaröryggi í Reykjavík í heild varðar sýndu þeir Haraldur Sigþórsson og Stefán í rannsókn sinni frá 2008 að þessar aðgerðir og þær fyrrnefndu sem varða umgjörð umferðarinnar höfðu með réttu bætt umferðaröryggi í Reykjavík til muna. Stundum er einfaldasta lausnin hreinlega besta lausnin Fæstir hafa farið varhluta að því að meirihlutinn í borgarstjórn hefur ákveðið töluverða hraðalækkun á öllum götum í umsjá borgarinnar og vísar í rannsókn Þrastar Þorsteinssonar um tengsl milli hraða ökutækja og framleiðslu svifryks sér til réttlætingar. Það er svo sem ekki nýtt að meiri hraði og þyngd ökutækis slíti malbiki meira en minni hraði og þyngd, né þá að nagladekk séu þar helsta skaðræðið, en rannsóknin er þó ágæt lesning enda mjög fræðandi og gætir að snerta á sem flestum punktum. Í rannsókninni áréttar höfundur þó að mikið af því svifryki sem myndast vegna slits getur skolast í burtu með afrennsli og þá sér í lagi með því að úða göturnar. Raunar tiltekur höfundur í rannsókn sinni ágæti þess að hreinsa göturnar á magn svifryks í andrúmsloftinu á nokkrum stöðum og segir: „Ef hraðinn er minnkaður úr 50 km/klst í 30 km/klst (40% lækkun hraða) fyrir bíla á fólksbíla (sic) á nöglum myndi draga úr framleiðslu svifryks um 47%. Mjög mikilvægt er að gera hér skýran mun á uppsprettu vegryks (PM10) og svifryki í andrúmslofti. Mikið af svifryki á vegum safnast upp og „hverfur“ síðan með afrennsli og úða og fyrir vikið verður ekki að svifryki í andrúmslofti“. - bls. 17 Ásamt þessu tekur höfundur fram að: „Einnig er rétt að benda á að rakar eða blautar götur koma í veg fyrir uppþyrlun af yfirborði, en svifryk í útblæstri ætti greiða leið”. Sannarlega leysist vandamálið með svifryk í útblæstri að miklu leyti með rafvæðingu bílaflotans þó rafmagnsbílar séu auðvitað ekki stikkfrí hvað varðar framleiðslu svifryks. Út frá rannsókn Þrastar má hugsa sér að niðurstaðan sé sú að helst séu tvær leiðir í boði til að koma höggi á svifryksvandann í Reykjavík og þær eru: ● Þrífa göturnar mjög reglulega eins og gert er víða á Norðurlöndunum og draga þannig úr svifryki í andrúmslofti. Kostirnir við þá leið eru hreinar og fínar götur og lítið sem ekkert svifryk í andrúmslofti en gallinn er sá að það kostar meira að þjónusta borgarbúa vel. ●Lækka hámarkshraða alls staðar til að draga úr framleiðslu svifryks. Kostir eru að það yrði þá vonandi um helmingi minna svifryk, en gallar að það kostar um 2-300 milljónir á ári ef þetta er gert á 5 árum, auk þess að hæg umferð ber með sér aukinn þjóðhagslegan kostnað og það heggur ekki jafn vel á magn svifryks í andrúmsloftinu og vel og reglulega þrifnar götur. Þjónusta Strætó versnar Annar vandasamur fylgifiskur þess að lækka umferðarhraðann á þessum götum milli þjónustukjarna í Reykjavík er áhrif þess á leiðakerfi Strætó og umferðaþyngsl inni í íbúðarhverfunum. Í umsögn sinni um hraðalækkun í Reykjavík áréttaði Strætó bs. að því miður myndi það valda því að strætó gæti ekki haldið uppi sömu ferðatíðni og núna (ferðatíðni er núverandi og framtíðarfarþegum strætó mjög mikilvæg) án þess að fjölga vögnum í umferð til muna. Það mun sannarlega kosta drjúgan skilding en að auki skýtur það skökku við markmið hraðalækkunar, enda eru þá bara fleiri vagnar í umferð að framleiða svifryk þó þeir keyri hægar. Hitt er að þegar þrengt var að umferð á Hofsvallagötunni árið 2014 jókst umferð í nærliggjandi götum um 1.000 bíla á sólarhring samkvæmt umferðartalningu borgarinnar. Hæg umferð á þessum aðalgötum er því líkleg til að valda því að fólk seilist frekar inn í hverfin til að komast hjá umferðarþunganum. Ef einn orsakaþáttur umferðaróhappa hérna á árum áður var fjöldi bíla í umferð inni í íbúðarhverfum segir það sig sjálft að þetta er ekki til þess fallið að bæta öryggi fólks á ferðalagi óháð því hvort það sé á tveimur jafnfljótum, hjóli eða bíl. Síðast en ekki síst má velta fyrir sér hvað þessar hraðalækkanir þýða fyrir nauðsyn sérrýmis fyrir Borgarlínu. Því sérrýmið er forsenda þess að vagnarnir komist hratt og örugglega leiðar sinnar, en það mun eflaust þurfa að endurhugsa það eitthvað ef þeir mega bara keyra um rýmið á 30-40 km hraða. Þegar öllu er á botninn hvolft Það er því frekar merkilegt að meirihlutanum í borgarstjórn Reykjavíkur sé það illa við að splæsa í betri þrif á götunum að þeir eru tilbúnir að sætta sig við verri strætó og aukna umferð inni í íbúðargötum á sama tíma og þeir eyða 2-300 milljónum á ári næstu 5 árin í breytinguna, alls einn og hálfur milljarður. Í stað þess hreinlega að verja peningum í betri þrif og þar með betri loftgæði. Að lokum má hugsa sér hvort meirihluti borgarstjórnar hafi í raun það markmið að bæta umferðaröryggi, svona í ljósi þess sömu flokkar hafa ítrekað frestað framkvæmdum og lagfæringum á slysamestu og hættulegustu gatnamótum borgarinnar. En það er efni í annan pistil. Höfundar eru Ragnhildur Alda María Vilhjálmsdóttir, fyrsti varaborgarfulltrúi Sjálfstæðisflokksins og Egill Þór Jónsson, borgarfulltrúi Sjálfstæðisflokksins. Viltu birta grein á Vísi? Sendu okkur póst. Senda grein Reykjavík Samgöngur Umferðaröryggi Umferð Sjálfstæðisflokkurinn Borgarstjórn Skipulag Egill Þór Jónsson Ragnhildur Alda María Vilhjálmsdóttir Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Við fylgjum þér frá getnaði til grafar Benedikt S. Benediktsson Skoðun Ekki sama hvaðan gott kemur Magnea Gná Jóhannsdóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Daði Pálmar Ragnarsson Bakþankar Skapandi menntun skilar raunverulegum árangri Bryngeir Valdimarsson Skoðun Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun Skoðun Skoðun Við fylgjum þér frá getnaði til grafar Benedikt S. Benediktsson skrifar Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason skrifar Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson skrifar Skoðun Konur á örorku Sigríður Ingibjörg Ingadóttir,Steinunn Bragadóttir skrifar Skoðun Drambið okkar Júlíus Valsson skrifar Skoðun Við vitum Guðrún Jónsdóttir skrifar Skoðun Ekki sama hvaðan gott kemur Magnea Gná Jóhannsdóttir skrifar Skoðun Börn í meðferð eiga rétt á fagfólki orð duga ekki lengur! Steindór Þórarinsson skrifar Skoðun Greindarskerðing eða ofurgáfur með gervigreind Björgmundur Örn Guðmundsson skrifar Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar Skoðun Stöndum saman gegn fjölþáttaógnum Bryndís Haraldsdóttir skrifar Skoðun Hagræðing á kostnað fjölbreytni og gæðamenntunar Ida Marguerite Semey skrifar Skoðun Umbúðir en ekkert innihald í Hafnarfirði Einar Geir Þorsteinsson skrifar Skoðun Við viljum tala íslensku, en hvernig Ólafur Guðsteinn Kristjánsson skrifar Skoðun Mansalsmál á Íslandi Kristján Þórður Snæbjarnarson skrifar Skoðun Hættur heimsins virða engin landamæri Tótla I. Sæmundsdóttir skrifar Skoðun Tímamót í sjálfsvígsforvörnum Ingibjörg Isaksen skrifar Skoðun Yfirgangur, yfirlæti og endastöð Strætó Axel Hall skrifar Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Skoðun Sex ára sáttmáli Davíð Þorláksson skrifar Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar Skoðun Stjórnendur sem mega ekki stjórna Stefán Vagn Stefánsson skrifar Skoðun Stokkhólmseinkenni sem við ættum að forðast Aðalsteinn Júlíus Magnússon skrifar Skoðun Eflum iðnlöggjöfina og stöðvum brotin Hilmar Harðarson skrifar Skoðun Pjattkratar taka til Þorsteinn Sæmundsson skrifar Sjá meira
Snemma á níunda áratug síðustu aldar hafði fólk tekið eftir fjölgun umferðaróhappa og slysa áratugina á undan. Orsakaþættirnir þóttu vera mikil aukning á akandi og gangandi vegfarendum í umferð en einnig að umgjörðin í kringum aukinn mannfjölda á ferð hafði ekki þróast í sama takt og mannfjöldinn sjálfur. Í kjölfarið fór Reykjavíkurborg undir stjórn Sjálfstæðisflokksins í átak og kynnti til leiks svokölluð 30 km hverfi, þar sem hámarkshraðinn var hafður 30 km/klst inni í íbúðarhverfum ásamt því að lyfta grettistaki í öðrum áhrifaþáttum umferðaröryggis gatnakerfisins í heild sinni eins og uppsetningu umferðarljósa og gangbrautarljósa og fjölgun hringtorga en fjöldi þeirra tvöfaldaðist yfir næstu tvo áratugi. Annað sem skipti miklu máli var að aðgreina vel keyrandi vegfarendur og gangandi á aðalgatnabrautum eins og stofnbrautum og tengibrautum. Árangurinn stóð ekki á sér og í rannsókn sinni á umferðaróhöppum frá árinu 2006 komst Stefán Agnar Finnsson að þeirri niðurstöðu að slysum hefði fækkað um 27% og alvarlegum slysum um 62% á 30 km svæðum. Hvað umferðaröryggi í Reykjavík í heild varðar sýndu þeir Haraldur Sigþórsson og Stefán í rannsókn sinni frá 2008 að þessar aðgerðir og þær fyrrnefndu sem varða umgjörð umferðarinnar höfðu með réttu bætt umferðaröryggi í Reykjavík til muna. Stundum er einfaldasta lausnin hreinlega besta lausnin Fæstir hafa farið varhluta að því að meirihlutinn í borgarstjórn hefur ákveðið töluverða hraðalækkun á öllum götum í umsjá borgarinnar og vísar í rannsókn Þrastar Þorsteinssonar um tengsl milli hraða ökutækja og framleiðslu svifryks sér til réttlætingar. Það er svo sem ekki nýtt að meiri hraði og þyngd ökutækis slíti malbiki meira en minni hraði og þyngd, né þá að nagladekk séu þar helsta skaðræðið, en rannsóknin er þó ágæt lesning enda mjög fræðandi og gætir að snerta á sem flestum punktum. Í rannsókninni áréttar höfundur þó að mikið af því svifryki sem myndast vegna slits getur skolast í burtu með afrennsli og þá sér í lagi með því að úða göturnar. Raunar tiltekur höfundur í rannsókn sinni ágæti þess að hreinsa göturnar á magn svifryks í andrúmsloftinu á nokkrum stöðum og segir: „Ef hraðinn er minnkaður úr 50 km/klst í 30 km/klst (40% lækkun hraða) fyrir bíla á fólksbíla (sic) á nöglum myndi draga úr framleiðslu svifryks um 47%. Mjög mikilvægt er að gera hér skýran mun á uppsprettu vegryks (PM10) og svifryki í andrúmslofti. Mikið af svifryki á vegum safnast upp og „hverfur“ síðan með afrennsli og úða og fyrir vikið verður ekki að svifryki í andrúmslofti“. - bls. 17 Ásamt þessu tekur höfundur fram að: „Einnig er rétt að benda á að rakar eða blautar götur koma í veg fyrir uppþyrlun af yfirborði, en svifryk í útblæstri ætti greiða leið”. Sannarlega leysist vandamálið með svifryk í útblæstri að miklu leyti með rafvæðingu bílaflotans þó rafmagnsbílar séu auðvitað ekki stikkfrí hvað varðar framleiðslu svifryks. Út frá rannsókn Þrastar má hugsa sér að niðurstaðan sé sú að helst séu tvær leiðir í boði til að koma höggi á svifryksvandann í Reykjavík og þær eru: ● Þrífa göturnar mjög reglulega eins og gert er víða á Norðurlöndunum og draga þannig úr svifryki í andrúmslofti. Kostirnir við þá leið eru hreinar og fínar götur og lítið sem ekkert svifryk í andrúmslofti en gallinn er sá að það kostar meira að þjónusta borgarbúa vel. ●Lækka hámarkshraða alls staðar til að draga úr framleiðslu svifryks. Kostir eru að það yrði þá vonandi um helmingi minna svifryk, en gallar að það kostar um 2-300 milljónir á ári ef þetta er gert á 5 árum, auk þess að hæg umferð ber með sér aukinn þjóðhagslegan kostnað og það heggur ekki jafn vel á magn svifryks í andrúmsloftinu og vel og reglulega þrifnar götur. Þjónusta Strætó versnar Annar vandasamur fylgifiskur þess að lækka umferðarhraðann á þessum götum milli þjónustukjarna í Reykjavík er áhrif þess á leiðakerfi Strætó og umferðaþyngsl inni í íbúðarhverfunum. Í umsögn sinni um hraðalækkun í Reykjavík áréttaði Strætó bs. að því miður myndi það valda því að strætó gæti ekki haldið uppi sömu ferðatíðni og núna (ferðatíðni er núverandi og framtíðarfarþegum strætó mjög mikilvæg) án þess að fjölga vögnum í umferð til muna. Það mun sannarlega kosta drjúgan skilding en að auki skýtur það skökku við markmið hraðalækkunar, enda eru þá bara fleiri vagnar í umferð að framleiða svifryk þó þeir keyri hægar. Hitt er að þegar þrengt var að umferð á Hofsvallagötunni árið 2014 jókst umferð í nærliggjandi götum um 1.000 bíla á sólarhring samkvæmt umferðartalningu borgarinnar. Hæg umferð á þessum aðalgötum er því líkleg til að valda því að fólk seilist frekar inn í hverfin til að komast hjá umferðarþunganum. Ef einn orsakaþáttur umferðaróhappa hérna á árum áður var fjöldi bíla í umferð inni í íbúðarhverfum segir það sig sjálft að þetta er ekki til þess fallið að bæta öryggi fólks á ferðalagi óháð því hvort það sé á tveimur jafnfljótum, hjóli eða bíl. Síðast en ekki síst má velta fyrir sér hvað þessar hraðalækkanir þýða fyrir nauðsyn sérrýmis fyrir Borgarlínu. Því sérrýmið er forsenda þess að vagnarnir komist hratt og örugglega leiðar sinnar, en það mun eflaust þurfa að endurhugsa það eitthvað ef þeir mega bara keyra um rýmið á 30-40 km hraða. Þegar öllu er á botninn hvolft Það er því frekar merkilegt að meirihlutanum í borgarstjórn Reykjavíkur sé það illa við að splæsa í betri þrif á götunum að þeir eru tilbúnir að sætta sig við verri strætó og aukna umferð inni í íbúðargötum á sama tíma og þeir eyða 2-300 milljónum á ári næstu 5 árin í breytinguna, alls einn og hálfur milljarður. Í stað þess hreinlega að verja peningum í betri þrif og þar með betri loftgæði. Að lokum má hugsa sér hvort meirihluti borgarstjórnar hafi í raun það markmið að bæta umferðaröryggi, svona í ljósi þess sömu flokkar hafa ítrekað frestað framkvæmdum og lagfæringum á slysamestu og hættulegustu gatnamótum borgarinnar. En það er efni í annan pistil. Höfundar eru Ragnhildur Alda María Vilhjálmsdóttir, fyrsti varaborgarfulltrúi Sjálfstæðisflokksins og Egill Þór Jónsson, borgarfulltrúi Sjálfstæðisflokksins.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar
Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar
Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar
Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun