Ólafía komst örugglega í gegnum niðurskurðinn

Ólafía Þórunn Kristinsdóttir, atvinnukylfingur úr GR, komst í gegnum niðurskurðinn á Pure Silk Bahama Classic-mótinu á Bahamaeyjum.

Ólafía lék á tveimur höggum undir pari í gær en bætti um betur í dag. Hún lék frábært golf og kláraði hringinn á fimm höggum undir pari. Ólafía er því á sjö undir pari eftir fyrstu tvo keppnisdagana.

Ólafía komst örugglega í gegnum niðurskurðinn en þeir kylfingar sem voru með tvo undir pari eða betra skor komust áfram. Ólafía er í 20. sæti af 108 keppendum.

Ólafía fékk fimm fugla í dag og 13 pör. Ótrúleg spilamennska hjá Ólafíu á hennar fyrsta móti á LPGA-mótaröðinni.

Hér fyrir neðan má sjá beina textalýsingu frá gangi mála á Pure Silk Bahama Classic-mótinu á Bahamaeyjum í dag.



GR hefur ákveðið að hrinda af stað söfnun fyrir afrekssjóð GR Ólafíu Þórunni til heiðurs. Þess má geta að Ólafía Þórunn er jafnframt styrkþegi úr afrekssjóði GR.

Þeir sem vilja styrkja afrekssjóð félagsins og Ólafíu Þórunni geta hringt í eftirfarandi styrktarlínur og valið um styrk til starfsins:

Þú hringir í síma 908-1551 og styrkir Ólafíu og afrekssjóð um 1.000 kr.

Þú hringir í síma 908-1552 og styrkir Ólafíu og afrekssjóð um 2.000 kr.

Þú hringir í síma 908-1555 og styrkir Ólafíu og afrekssjóð um 5.000 kr.