Innherji
Mest lesið
Yfirmaður hlutabréfasjóða hjá Íslandssjóðum hættir störfum
Mogens Mogensen, forstöðumaður hlutabréfasjóða hjá Íslandssjóðum, hefur látið af störfum hjá sjóðastýringarfyrirtækinu eftir að hafa starfað þar um langt árabil.
Fréttir í tímaröð
Kostnaðaraukning umfram spár vegur á móti kröftugum tekjuvexti Íslandsbanka
Kröftugur vöxtur vaxtatekna Íslandsbanka á þriðja ársfjórðungi dugði ekki til að skila afkomu í samræmi við væntingar markaðarins, einkum vegna meiri rekstrarkostnaðar og virðisrýrnunar útlána. Greinendur telja uppgjörið engu að síður gott og benda á sterkan vöxt kjarnatekna.
Kaldvík boðar fjórtán milljarða hlutafjáraukningu eftir röð áfalla í rekstri
Fiskeldisfyrirtækið Kaldvík hyggst ráðast í hlutafjáraukningu upp á að lágmarki fjórtán milljarða króna fyrir áramót sem er forsenda þess að samkomulag við lánveitendur um langtímafjármögnun geti tekið gildi. Stærð hlutafjárútboðsins er umtalsvert meiri en sem nemur núverandi markaðsvirði Kaldvíkur, en gengi félagsins hefur hríðfallið að undanförnu.
Sjá fram á aukin inngrip seðlabanka og mikla hættu fyrir evrusamstarfið
Sjóðstjóri Visku Macro, sem hefur einkum veðjað á fjárfestingar í málmum, hrávörum og innviðum tengdum gervigreind og orkuframleiðslu, telur að vaxandi skuldavandi ríkja muni knýja seðlabanka til aukinna inngripa á skuldabréfamörkuðum og varar við því að evrusamstarfið geti komist í verulega hættu. Erfitt verður að viðhalda háum raunvöxtum í skuldsettum hagkerfum án þess að það setji þrýsting á ríkisfjármálin og fjármálakerifð, að mati sjóðastýringarfélagsins, og því sé líklegt að ákall um aðgerðir fari vaxandi eftir því sem þau áhrif koma skýrar fram.
Kostnaður við Íslandsferðir hækkað meira en tvöfalt á við samkeppnislönd
Kostnaður erlendra ferðamanna við að heimsækja Ísland hefur hækkað meira en tvöfalt umfram það sem gerst hefur í helstu samkeppnislöndum frá árinu 2010, en Ísland er núna farið að dragast hlutfallslega nokkuð aftur úr þegar kemur að fjölgun ferðamanna á heimsvísu. Samkvæmt forstjóra Stoða myndi fjögurra prósenta fjölgun erlendra ferðamanna skila ríkissjóði og öðrum opinberum aðilum meiri tekjum en áformað er að afla með nýjum sköttum á greinina.
Staða Kaldvíkur „þung“ og verðmatið komið undir markaðsgengi
Verðmat á fiskeldisfyrirtækinu Kaldvík hefur verið lækkað um liðlega þriðjung í kjölfar erfiðleika í rekstri, versnandi sjóðsstöðu og hækkandi fjármagnskostnaðar. Greinendur telja fjárhagsstöðu félagsins þunga eftir mikil áföll síðustu misseri en gera ráð fyrir að reksturinn fari að rétta úr kútnum á næsta ári.
Myntbreyta
Mynt
Miðgengi
Upphæð
ISK1
GBP0
SEK0
USD0
EUR0
NOK0
DKK0
JPY0
Þakkar hóflegum launahækkunum að Svíar gátu lækkað vexti hraðar
Hóflegar launahækkanir í Svíþjóð á tímum mikillar verðbólgu áttu veigamikinn þátt í því að hægt var að ná verðbólgunni hraðar niður en víða annars staðar og lækka vexti fyrr og meira, að sögn varaseðlabankastjóra Svíþjóðar. Á sama tíma hafa laun á Íslandi hækkað mun meira en þekkist á hinum Norðurlöndunum og ný rannsókn hjá varaseðlabankastjóra peningastefnu bendir til þess að áhrif launahækkana á verðbólgu hafi aukist mikið, einkum núna þegar verðbólguvæntingar eru háar.
Sjá frekari afkomubata hjá Högum þrátt fyrir kólnandi hagkerfi
Bætt afkoma verslana, hagkvæmari innkaup og lægri ávöxtunarkrafa leiða til hækkunar á verðmati Haga, að mati greinenda. Innleiðing ódýrari innfluttra vara, aukin skilvirkni í rekstri og vaxtartækifæri í Færeyjum eru meðal þeirra þátta sem eru taldir geta stutt við frekari afkomubata á næstu árum.
Afkoman yfir væntingum en horfurnar versna með hækkandi eldsneytisverði
Árangur af umfangsmiklum breytingum á rekstri Icelandair er þegar farinn að skila sér í ávinningi upp á nærri tuttugu milljarða á ársgrundvelli, að sögn stjórnenda flugfélagsins, sem segja undirliggjandi afkomu sterkari en nýjar uppgjörstölur gefa til kynna. Rekstrarhagnaður Icelandair var talsvert yfir væntingum sumra greinenda, en þrátt fyrir verulegan afkomubata á háannatíma flugfélagsins stefnir í mikið tap á síðustu mánuðum ársins vegna hækkandi eldsneytisverðs og sterkrar krónu.
Af frönskum ríkisskuldum, skammvinnri stjórnarsetu og gildi kaupauka
Mikil mótmælaalda gengur nú yfir suðurhluta Evrópu. Mestar voru rósturnar í Frakklandi um helgina en af fréttum fjölmiðla að dæma eru mótmælendur að brjóta allt og bramla til þess að mótmæla, svo fátt eitt sé nefnt, aðgerðarleysi í loftslagsmálum, hækkandi mjólkurverði og lélegu viðhaldi við framhaldsskóla.
„Sífellt bjartsýnni“ á niðurstöðu Simponi-deilunnar í Bandaríkjunum
Horfur Alvotech hafa batnað verulega að mati greinenda SEB, sem telja að áhætta vegna eftirlits lyfjayfirvalda sé að mestu úr sögunni og samkeppnisstaða félagsins sífellt vænlegri. Þeir spá tugprósenta prósenta innri tekjuvexti á næsta ári, langt umfram væntingar markaðarins, og eru bjarsýnir um niðurstöðu einkaleyfadeilna við Janssen í Bandaríkjunum vegna Simponi-hliðstæðunnar.
Hærri raunvextir vega þyngra en bættur rekstur Eikar
Hækkandi ávöxtunarkrafa á skuldabréfamarkaði og lakari sjóðsstaða vega þyngra en jákvæð áhrif af auknum leigutekjum og bættri rekstrarafkomu Eikar, að mati greinenda sem hafa lækkað verðmat á félaginu lítillega. Hlutabréfaverð fasteignafélagsins er eftir sem áður talið verulega undirverðlagt á markaði.
Stóraukið innflæði erlendra aðila gæti skýrt óvænta styrkingu krónunnar
Mikil aukning í gjaldeyrisinnflæði erlendra aðila til landsins er að líkindum helsta skýringin á snarpri styrkingu krónunnar undanfarna mánuði. Innflæðið hefur verið allt að þrefalt meira en fyrr á árinu og gæti meðal annars helst tengst uppbyggingu gagnavera í erlendri eigu eða uppgjöri skattaskuldbindinga vegna kaupa á hugverkaréttindum Kerecis.
Telja Arion geta losað um 100 milljarða með sömu reglum og norrænir bankar
Arion gæti bundið um hundrað milljörðum króna minna í eigið fé ef íslenskir bankar byggju við sambærilegar eiginfjárkröfur og aðferðafræði við áhættumat útlána og tíðkast á Norðurlöndunum, að sögn forstjóra Stoða. Í kynningu fyrir hluthöfum fjárfestingafélagsins sagði hann ljóst að íslensk skattlagning og eiginfjárreglur dragi verulega úr samkeppnishæfni bankanna og þá um leið virði þeirra á hlutabréfamarkaði.
Frumvarp um séríslenskt bónusþak sagt „auka áættu í rekstri“ verðbréfafélaga
Áform fjármálaráðherra um að viðhalda 25 prósenta hámarki á kaupaukagreiðslur starfsmanna verðbréfafyrirtækja eru til þess fallin að „auka áhættu í rekstri [þeirra] fremur en að draga úr henni,“ að mati framkvæmdastjóra Acro verðbréfa. Hann gagnrýnir að stjórnvöld hafi ákveðið að halda í séríslenskar reglur, langtum strangari en annars staðar á Norðurlöndunum, án þess að nokkur greining liggi fyrir um hvaða áhættu þeim sé ætlað að mæta.
Arctic Therapeutics klárar 2,6 milljarða fjármögnun til frekari lyfjaþróunar
Íslenska líftæknilyfjafyrirtækið Arctic Therapeutics hefur lokið fjármögnun fyrir jafnvirði rúmlega 2,6 milljarða króna eftir að ákveðið var að stækka útboðið vegna umframeftirspurnar. Fjögur fjárfestingarfélög, þar á meðal Pekron og Kaldbakur, leiddu fjármögnunina sem verður einkum nýtt til að koma tveimur nýjum lyfjaþróunarverkefnum nær klínískum rannsóknum.
Vanrækti að rannsaka raunverulegan kostnað keppinauta Landsvirkjunar
Áfrýjunarnefnd samkeppnismála taldi rannsókn Samkeppniseftirlitsins gegn Landsvirkjun haldna verulegum annmörkum á grundvallaratriðum málsins, meðal annars við skilgreiningu markaða og mat á samkeppnishamlandi áhrifum verðlagningar orkufyrirtækisins, og er niðurstaðan sögð hafa „verulega þýðingu fyrir íslenskt atvinnulíf.“ Eftirlitið aflaði ekki upplýsinga um raunverulegan innkaupakostnað keppinauta Landsvirkjunar áður en það komst að þeirri niðurstöðu að orkufyrirtækið hefði með ólögmætum verðþrýstingi gert þeim ómögulegt að keppa við sig án þess að tapa á viðskiptunum.
Jón Arnór gengur til liðs við Akta eignastýringu
Akta er að bæta við teymið sitt með ráðningu á Jóni Arnóri Stefánssyni en hann kemur til félagsins eftir nokkurn viðsnúningi í rekstri að undanförnu með auknum eignum í stýringu.
Greinendur sjá fram á lægri kostnað og meiri framleiðslugetu hjá Alvotech
Greinendur erlendra fjárfestingabanka telja verulegt svigrúm til hækkunar á hlutabréfaverði Alvotech á næstu misserum samhliða minnkandi óvissu um framleiðslumál félagsins og tekjur af líftæknilyfjahliðstæðum sem þegar eru á markaði verði meiri til lengri tíma en áður var áætlað. Nýtt samþykki FDA fyrir framleiðsluferli Alvotech er einnig sagt geta lækkað framleiðslukostnað umtalsvert og aukið afkastagetuna án frekari fjárfestinga.
Telja Alvotech vera að komast yfir erfiðasta hjallann
Hlutabréfagreinendur telja að Alvotech sé við það að komast yfir erfiðasta hjallann eftir stormasamt ár og sjá fyrir sér verulegan tekjuvöxt á næstu árum. Jákvæð tíðindi frá bandaríska lyfjaeftirlitinu og aukin fjármögnun eru talin hafa dregið úr óvissu um reksturinn.
Kynna vaxtarplan sem gæti skilað 300 milljarða viðsnúningi í afkomu ríkissjóðs
Með markvissum aðgerðum til að efla fimm helstu útflutningsgreinar landsins, sölu ríkiseigna og auknu aðhaldi í opinberum útgjöldum væri hægt að auka hagvöxt um nær helming frá núverandi spám og bæta afkomu ríkissjóðs um hátt í 300 milljarða króna á næstu fimm árum, samkvæmt tillögum sem forstjóri Stoða hefur kynnt hluthöfum. Telur hann að með slíkum aðgerðum mætti jafnframt lækka skuldir ríkissjóðs um helming og draga verulega úr vaxtakostnaði hins opinbera.
Uppgangurinn í valdatíð verkstjórnar valkyrjanna
Millistjórnandinn leiddi að því líkum í síðustu viku að þegar allt verður yfirstaðið verði bremsufar Ragnars Þórs Ingólfssonar, félags- og húsnæðismálaráðherra, áberandi víða í samfélaginu. Verður það að teljast nokkuð afrek hjá félagsmálaráðherranum í viðleitni sinni við að koma böndum á verðbólgu.
Milljarðasparnaður á Indlandi ætti að auka samkeppnisforskot Hampiðjunnar
Mikil uppbygging Hampiðjunnar á Indlandi, þar sem framleiðslukostnaður er mun lægri en í Evrópu, er talin geta skilað félaginu verulegu samkeppnisforskoti og aukinni arðsemi á næstu árum. Árlegur sparnaður í launakostnaði gæti numið um níu milljónum evra, að mati hlutabréfagreinenda, sem sjá tækifæri fyrir Hampiðjuna til að sækja á nýja markaði.
Bandarískur sjóðarisi selur bankabréf fyrir marga milljarða
Bandarískur eignastýringarrisi, sem á talsvert undir í mörgum Kauphallarfélögum hér á landi, hefur á síðustu dögum staðið að sölu fyrir samtals milljarða króna í Íslandsbanka og Arion og er mögulega búið að losa um alla sína hluti í stóru skráðu viðskiptabönkunum.