N1 tókst ekki að nýta sér meðbyrinn með hækkandi olíuverði
Afkoma Festi á öðrum fjórðungi var vel undir væntingum, einkum „slök“ niðurstaða hjá N1, og hlutabréfaverð smásölurisans hefur lækkað eftir að afkomuspá ársins var lækkuð.
Innherjamolar
Seldu í hlutabréfasjóðum fyrir um níu milljarða á fyrri árshelmingi
Fjárfestar voru að selja í hlutabréfasjóðum í nokkuð stórum stíl á fyrri árshelmingi, eða fyrir samanlagt um níu milljarða, sem eru nokkur umskipti frá sama tíma fyrir ári þegar þeir voru að bæta við sig.
Gildi selur í Festi fyrir um tvo milljarða
Ætla má að Gildi, sem hefur verið á söluhliðinni í mörgum skráðum félögum í sumar, hafi selt í Festi fyrir um tvo milljarða frá júnílokum þegar lífeyrissjóðurinn minnkaði stöðu sína í smásölurisanum um fimmtung.
Auglýsingasala og aukið framboð á vörum frá Salling gæti stutt við framlegð
Þótt verslunarrekstur Haga hafi styrkst á milli ára helst verðmat á smásölurisanum nánast óbreytt og bent á að olíuverðshækkanir hafi aðeins verið tímabundinn hvalreki. Tækifæri í auglýsingasölu og auknum innflutningi á vörum frá Salling Group er sagt geta stutt við framlegð Haga.
Verkfallsaðgerðir í maí kostuðu Eimskip um 90 milljónir króna
Verkfall sjómanna hjá Eimskip í lok maí hafði nokkur áhrif á afkomu félagsins á öðrum ársfjórðungi en tekjutap og aukinn kostnaður vegna aðgerðanna nam um 600 þúsund evrum, jafnvirði tæplega 90 milljónir króna.
Gildi selur í stóru bönkunum fyrir marga milljarða á skömmum tíma
Lífeyrissjóðurinn Gildi, einn allra stærsti hluthafinn í Arion og Íslandsbanka, hefur staðið að umfangsmikilli sölu í bönkunum í þessum mánuði fyrir samanlagt í kringum þrjá milljarða að markaðsvirði.
Útlit fyrir að arðsemi Arion verði vel yfir markmiði með auknum vaxtatekjum
Útlit er fyrir að Arion muni skila arðsemi vel yfir markmiði bankans á öðrum fjórðungi, samkvæmt meðalspá greinenda, en afkoman verður drifin áfram af auknum vaxtatekjum á meðan aðrar helstu kjarnatekjur gefa eftir ásamt væntingum um virðisrýrnun lána.
Stoðir selja í Arion banka fyrir meira en hálfan milljarð
Langsamlega stærsti einkafjárfestirinn í Arion minnkaði lítillega um stöðuna sína í liðnum mánuði þegar fjárfestingafélagið Stoðir stóð að sölu á bréfum í bankanum fyrir nærri sex hundruð milljónir króna.
Umfang skortsölu jókst verulega eftir áfallið hjá Oculis
Fjárfestar hafa bætt talsvert í skortstöður með bréf Oculis eftir að líftæknilyfjafélagið greindi frá því fyrir fáeinum vikum að eitt af þróunarlyfjum þess hefði mistekist að ná aðalmarkmiðum sínum úr tveimur fasa 3 rannsóknum.
Afkoma Haga vel yfir væntingum vegna hækkana á olíuverði
Góður gangur í innlendum hluta starfsemi Haga á fyrsta fjórðungi, einkum vegna óvenju góðrar afkomu Olís, þýddi að rekstrarhagnaður smásölurisans var talsvert yfir væntingum greinenda. Afkomuspá félagsins helst samt óbreytt fyrir árið en óvissa tengt aðfangakeðjum hefur sennilega heldur minnkað.
Fjárfestar seldu í hlutabréfasjóðum fyrir meira en þrjá milljarða
Þrátt fyrir að innlendar hlutabréfavísitölur hafi hækkað nokkuð í liðnum mánuði þá héldu fjárfesta áfram að losa um stöður sínar í hlutabréfasjóðum fyrir marga milljarða. Þá var jafnframt talsvert útflæði úr skuldabréfasjóðum annan mánuðinn í röð.
Þriðja verðbólgumælingin í röð sem sýnir ekki hækkanir á breiðum grunni
Verðbólgan í júní, meðal annars drifin áfram af mikilli verðhækkun flugfargjalda, mældist talsvert yfir meðalspá hagfræðinga og verðbólguálag á skuldabréfamarkaði hefur hækkað nokkuð eftir tíðindin. Sumir greinendur benda hins vegar á að þriðja mánuðinn í röð séu verðhækkanir ekki á breiðum grunni sem er góðs viti fyrir peningastefnunefnd Seðlabankans.
Fjárfestingafélagið Kjölur stækkar talsvert við stöðuna í Íslandsbanka
Fjárfestingafélagið Kjölur, einn stærsti hluthafi Íslandsbanka ásamt stjórnarformanninum Heiðari Guðjónssyni, hefur að undanförnu verið að stækka talsvert við hlut sinn í bankanum í kjölfar þess að hafa selt sig alfarið út úr Reitum.
Félag tengt Róberti með yfir tuttugu prósent af heildarstærð útboðs Alvotech
Félagið Alvogen Lux Holdings, annar stærsti hluthafi Alvotech og meðal annars í eigu stjórnarformannsins Róberts Wessman, stóð að baki kaupum á bréfum fyrir samtals um 38 milljónir dala að markaðsvirði þegar líftæknilyfjafyrirtækið kláraði stórt hlutafjárútboð í liðinni viku.
Námufélagið Greenland Mines tryggir sér forkaupsrétt í Helguvík
Námufyrirtækið Greenland Mines hefur náð samkomulagi við Reykjanes Investment sem veitir bandaríska félaginu forkaupsrétt á um 60 þúsund fermetra lóð sem áður hýsti kísilverið í Helguvík ásamt fyrirliggjandi iðnaðarhúsnæði og innviðum. Samkvæmt áformum Greenland Mines gæti svæðið orðið að miðstöð fyrir vinnslu og flutninga á sjaldgæfum málmum tengt verkefnum félagsins á Grænlandi.
Sölutryggingin kostaði Alvotech yfir sjö hundruð milljónir
Ráðgjafakostnaður Alvotech þegar félagið efndi til 165 milljóna dala hlutafjárútboðs í upphafi vikunnar, einkum beint að fjárfestum í Bandaríkjunum, var samanlagt yfir fimm prósent af heildarstærð útboðsins. Þar munaði mestu um þóknun vegna sölutryggingar til umsjónaraðila almenna útboðsins vestanhafs.
Fjármálastjórinn selur í Nova fyrir um tuttugu milljónir
Fjármálastjóri Nova til margra ára losaði um hluta bréfa sinna í vikunni með sölu fyrir meira en tuttugu milljónir króna en fjarskiptafélagið hefur átt nokkuð undir högg að sækja í Kauphöllinni að undanförnu.
Alvotech klárar hlutafjárútboð sem tryggir félaginu allt að tuttugu milljarða
Alvotech hefur klárað almennt sölutryggt hlutafjárútboð í Bandaríkjunum samhliða lokuðu útboði beint að tilteknum fjárfestum á EES-svæðinu sem tryggir félaginu allt að rúmlega tuttugu milljarða, nokkuð meira en stefnt var að. Áskriftargengið var á talsverðum afslætti miðað við dagslokagengið í gær.
Minni kostnaður með Kosmós en gæti einkum laðað að núverandi viðskiptavini
Nýtt lággjaldafélag með minni þjónustu sem Nova kynnti nýverið, undir heitinu Kosmós, gæti laðað til sín verðnæmari viðskiptavini en á móti vega þær áhyggjur að þeir muni einkum koma úr röðum núveraandi viðskiptamannahóps fjarskiptafyrirtækisins, að sögn hlutabréfagreinanda. Hlutabréfaverð Nova hefur sjaldan verið lægra en samkvæmt nýrri greiningu er það metið langt yfir gengi þess á markaði.
Falið atvinnuleysi virðist fara nokkuð hratt vaxandi
Þegar rýnt er í tölur um þá sem eru starfandi á vinnumarkaði þá virðist margt benda til þess að skráð atvinnuleysi væri að mælast nokkuð hærra um þessar mundir ef atvinnuþátttaka færi ekki hratt minnkandi á sama tíma.
Stjórnendur Íslandsbanka á góðri leið með ná uppfærðum markmiðum
Líklegt er að stjórnendur Íslandsbanka muni ná strax á þessu ári tökum á kostnaðarhlutfallinu en að uppfærð markmið um meira en 13 prósenta arðsemi eigi eftir að nást á árinu 2027, samkvæmt nýrri virðismatsgreiningu. Fjárfestum er ráðlagt að bæta við sig bréfum í bankanum sem er sagður talsvert undirverðlagður á markaði.
Fiskeldisrisar sagðir vera með augun á yfirtöku á Kaldvík og gengið rýkur upp
Nokkur af stærstu laxeldisfyrirtækjum í heimi, meðal annars Bakkafrost í Færeyjum, eru sögð vera að íhuga yfirtökutilboð í Kaldvík og hækkaði hlutabréfaverð þess skarpt á markaði fyrir helgi. Fiskeldisfyrirtækið á Austfjörðum hefur glímt við röð áfalla í rekstrinum um nokkurt skeið og markaðsvirðið er niður um nærri áttatíu prósent á einu ári.
Guggenheim metur Oculis hæst allra greinenda í sínu fyrsta verðmati
Bandaríski fjárfestingabankinn Guggenheim hefur bæst í hóp fjölda erlendra fjármálastofnana sem fjalla reglulega um líftæknifyrirtækið Oculis og verðmeta það núna hæst allra greinenda.
Auglýsingasala gefur byr í seglinn hjá Símanum þrátt fyrir kólnandi hagkerfi
Þótt það sé tekið að hægja á umsvifum í hagkerfinu þá hefur auglýsingasalan hjá Símanum verið á „skriði“, að sögn hlutabréfagreinanda, og væntingar um að þær tekjur muni halda áfram að vaxa umfram hagvöxt en fjárfestum er ráðlagt að bæta við sig bréfum í félaginu. Vakin er athygli á því að við áformuð kaup á miðlum Sýnar þá fylgir með skattalegur afskriftastofn sem er sagður sambærilegur verðmiðanum á félaginu.
„Greinileg“ merki um að innlend eftirspurn sé að gefa eftir
Eftirspurn innanlands er „greinilega veik“ um þessar mundir og ýmsar hagtölur sýna að sú þróun virðist vera að styrkjast, meðal annars þegar kemur að kortaveltu, að mati greinenda IFS sem telja samt að verðbólgan muni hækka lítillega í maímánuði.
„Feikna góð“ niðurstaða og rekstrarhagnaður Krónunnar jókst um fjórðung
Afkoma Festi á fyrsta fjórðungi ársins var í meginatriðum í takt við væntingar greinenda þar sem „feikna góð niðurstaða“ í rekstrarhagnaði Krónunnar og Elko náði að vega upp á móti samdrætti í eldsneytissölu. Horfur í rekstri eru sagðar ágætar þrátt fyrir mikla óvissu í efnahags- og alþjóðamálum.
Fjárfestar halda áfram að minnka stöðu sína í hlutabréfasjóðum
Fjárfestar héldu áfram að selja sig út úr hlutabréfasjóðum í nokkuð stórum stíl í liðnum mánuði á sama tíma og markaðir lækkuðu skarpt eftir stríðsátökin við Persaflóa. Eignir innlendra hlutabréfasjóða hafa ekki verið minni að umfangi frá því á haustmánuðum ársins 2024.
Agnar kemur nýr inn í stjórn Ísfélagsins
Á aðalfundi Ísfélagsins síðar í vikunni verður gerð ein breyting á stjórn félagsins og þá er jafnframt lagt til að greiða arð til hluthafa sem nemur um 76 prósent af hagnaði síðasta árs, nokkuð lægra hlutfall en í fyrra.
Telur Alvotech verulega undirverðlagt á markaði þrátt fyrir lækkun á verðmati
Þótt bandaríski stórbankinn Morgan Stanley hafi lækkað lítillega verðmat sitt á Alvotech þá ráðleggur hann fjárfestum að vera yfirvigtaðir í félaginu og telur það verulega undirverðlagt á markaði.
Sala fjárfesta í hlutabréfasjóðum reyndist mun minni eftir leiðréttar tölur
Umfang innlausna úr innlendum hlutabréfasjóðum í febrúar var ofmetið um marga milljarða en í stað þess að hreint útflæði hafi verið hið mesta í nærri níu ár þá nam það rúmlega milljarði, samkvæmt leiðréttum tölum.
Nærri sjötíu prósent neyslukörfunnar hækkað um meira en fjögur prósent
Hlutfall undirliða í vísitölu neysluverðs sem eru að hækka langt umfram verðbólgumarkmið Seðlabankans fer vaxandi en um tveir þriðju þeirra hafa hækkaði í verði um meira en fjögur prósent á ársgrundvelli.
Mest lesið
