Golfferðir bókaðar á netinu

Nú er hægt að bóka golfferðir haustsins til Spánar og Tyrklands á netinu, samkvæmt upplýsingum á vef Úrvals-Útsýnar, urvalutsyn.is. Þeir sem panta fyrir 30. júlí lenda í potti og eiga möguleika á því að fá fría ferð því tveir heppnir farþegar til hvors lands verða dregnir út. Nöfn vinningshafa verða birt á vef ferðaskrifstofunnar 3. ágúst.

Einnig býður Úrval/Útsýn upp á vikuferð til Matalascanas á tilboðsverði, 75.500 kr. í tvíbýli, í tilefni þessarar nýju þjónustu. Innifalið í því verði er flug, akstur til og frá hóteli erlendis, gisting með hafsýn á Tierra Mar hóteli, morgun- og kvöldverðarhlaðborð, ótakmarkað golf alla daga nema komu- og brottfarardag, fararstjórn og flugvallarskattur.