Létt túnfisksalat með Aioli

Aioli er frönsk hvítlaukssósa eða hvítlauksmajónes. Allir almennilegir matgæðingar kunna að útbúa þessa ómótstæðilegu sósu þannig að nú er tími til kominn. Salatið er prótínríkt og gott. Aioli-sósan er mjög góð með fiski og líka sem ídýfa. Aioli-sósan: 4 stórir hvítlauksgeirar salt Rasp úr 1/2 fransbrauðsneið 1 tsk. sítrónusafi 3 eggjarauður Um 1 dl góð ólífuolía. Salatið: 1 pk. klettasalat 1/2 haus iceberg-salat 2 dósir af túnfiski 3 harðsoðin egg Maukið hvítlaukinn í morteli eða matvinnsluvél og bætið um 1/4 tsk. af salti við. Merjið brauðraspið saman við og bætið sítrónusafanum við. Bætið eggjarauðunum útí og hrærið þar til úr verður þykkt mauk. Hellið olíunni í dropatali út í og þeytið vel þar til úr verður þykk sósa. Látið vatnið renna af túnfisknum og skerið eggin í fjórðunga. Blandið saman við salatið og setjið Aioli-sósuna yfir. Kostnaður um 700 kr.