Ný lyf við psoriasis

Ný lyf við psoriasis sem þykja lofa góðu hafa verið framleidd í Bandaríkjunum. Þau hafa fengið viðurkenningu á bandarískum lyfjamarkaði og ganga nú í gegnum prófanir í Evrópu. Í þeim rannsóknum sem farið hafa fram hafa 20-40% sjúklinga losnað við óþægindin sem sjúkdómnum fylgja. Einnig virðast nýju lyfin hafa færri aukaverkanir en þau sem áður hafa verið notuð. Gallinn við þau er hinsvegar sá að þau eru rándýr, að minnsta kosti enn sem komið er. Lyfin geta breytt lífi fólks umtalsvert því psoriasis er sjúkdómur sem fólk fær yfirleitt snemma á lífsleiðinni og fylgir því það sem eftir er.