Nýr ilmur frá Tommy Hilfiger

Tommy Hilfiger hefur kynnt nýjan ilm á markaðinn sem heitir True Star. Andlit þessa nýja ilms er poppstjarnan Beyoncé. Auðvitað tileinkar hún lag ilminum sem heitir Wishing on a Star.

Beyoncé var einnig fyrirmynd Tommys af ilminum og ku ilmurinn tákna persónutöfra, dulúð og ástríðu þessarar skínandi stjörnu.

Í True Star-línunni er ekki aðeins ilmvatn heldur einnig body lotion, sturtusápa og svitalyktareyðir. Ilmurinn inniheldur andstæður á milli blóma og ristaðra fræja sem skapa mýkt sem er bæði hlý og kunnugleg.

Umboðsaðili ilmsins er Clinique á Íslandi en ilmurinn fæst í öllum helstu snyrtivöruverslunum.