Portillo í stað Morientes

Real Madrid hefur kallað Javier Portillo til baka úr láni frá Fiorentina til að fylla skarð Fernando Morientes. Portillo, sem fór til ítalska liðsins í sumar, mun því fara í harða keppni við ekki ómerkari menn en Ronaldo Raul Gonzales og Michael Owen og byrjar samkeppnin strax því Real Maddrid leikur gegn Real Zaragoza á Santiago Bernabeu á sunnudaginn. Portillo, sem er í spænska undir 21 árs liðinu, var duglegur við markaskorun í unglingaliðum Real og spilaði sinn fyrsta leik fyrir aðalliðið í október 2002. Hann hefur síðan skorað sex mörk fyrir aðallið Real Madrid.