Róbert semur við Gummesbach

Róbert Gunnarsson, landsliðsmaður í handknattleik, hefur skrifað undir tveggja ára samning við þýska liðið Gummersbach. Róbert staðfesti þetta við íþróttadeild Stöðvar 2 og Sýnar í morgun. Róbert hefur átt í samningaviðræðum við Gummersbach undanfarnar vikur en hann hefur vakið mikla athygli fyrir frábæra frammistöðu með danska liðinu Århus en Róbert er markahæsti leikmaður dönsku deildarinnar. Guðjón Valur Sigurðsson leikur einnig með Gummersbach á næstu leiktíð. Róbert sagðist alsæll með samninginn við Gummersbach og að þungu fargi væri létt af sér.