Petersson með sjö mörk

Alexander Petersson skoraði sjö mörk og var markahæsti leikmaður Düsseldorf sem tapaði fyrir Göppingen, 31-23, á á heimavelli í þýsku 1. deildinni í handbolta á laugardaginn. Markús Máni Michaelsson skoraði þrjú mörk fyrir Düsseldorf en Jaliesky Garcia skoraði fjögur mörk fyrir Göppingen. Gylfi Gylfason skoraði eitt mark fyrir Wilhelmshavener sem steinlá fyrir Flensburg, 30-18, og Logi Geirsson komst ekki á blað hjá Lemgo sem tapaði óvænt fyrir Gummersbach, 33-30.