Starfsaðstaða fyrir fræðimenn

Stefnt er að því með hinu nýstofnaða Textílsetri Íslands ses á Blönduósi að skapa fræðimönnum og listafólki starfsaðstöðu og að háskólanemar geti stundað þar vettvangsnám. Jafnframt er ætlunin að Textílsetur Íslands verði alþjóðlegt fræðasetur, haldi ráðstefnur, málþing og námskeið um textíl á eigin vegum og annarra. Á stofnfundinum undirritaði stjórnarformaður Jóna Fanney Friðriksdóttir, samstarfsyfirlýsingar við Kennaraháskóla Íslands og Handverk og Hönnun, en samstarfsyfirlýsingar við Listaháskóla Íslands og Hólaskóla verða undirritaðar á næstu dögum. Stefnt er að undirritun fleiri samstarfssamninga eins og við Heimilisiðnaðarsafnið á Blönduósi og fleiri hagsmunaaðila. Fram undan er að ráða verkefnisstjóra Textílseturs Íslands, vinna að frekara samstarfi við fræðastofnanir að ákveðnum verkefnum, erlendu samstarfi og kynningu á setrinu og þeim möguleikum sem með því hafa skapast.