CM5 kemur á leikjatölvur

Eidos hefur tilkynnt að Championship Manager 5 muni verða gefinn út á Xbox og PlayStation 2 13.maí 2005.  Championship Manager 5 er að koma út í fyrsta skipti á PlayStation 2, en þetta er mest seldi knattspyrnustjóraleikur allra tíma. Getur þú gert sem mest úr milljörðum Abramovich?  Hefur þig dreymt um að taka við utandeildarliði og gera það að Evrópumeisturum?  Í Championship Manager 5 ert þú í sæti knattspyrnustjórans og þarft að leiða liðið þitt til sigurs, með því að sjá um allt frá kaupum og sölu leikmanna að því að setja upp taktík, tækla fjölmiðla og finna stjörnur framtíðarinnar. Championship Manager 5 inniheldur 25 lönd með 59 deildum og gríðarlega stórum gagnabanka leikmanna.  Leikurinn inniheldur nákvæmar tölur frá 2004/2005 tímabilinu, 2D sjónarhorn til að sjá leikina spilast, marga möguleika til að setja upp taktík liðsins, öflugt net njósnara, einfalt notendaviðmót og stutta hlöðunartíma.  Það er því ljóst að Championship Manager 5 mun færa þig nær hliðarlínunni. Til að tryggja að Championship Manager 5 skili háu raunveruleikastigi, hefur aðalþjálfari Charlton Athletics, Mervyn Day, unnið sem ráðgjafi við gerð leiksins.  En Day er einhver virtasti þjálfarinn í heiminum í dag.  Hann hefur þróað fyrir leikinn einfalt, en fullkomið þjálfunarkerfi, þar sem þú getur sett leikmennina í gegnum þá þjálfun sem þú kýst.  Þekking Day hefur einnig gefið framleiðendum leiksins innsýn inní líf þjálfarans og knattspyrnustjórans, bæði varðandi rekstur liðsins og á hliðarlínunni í miðjum leik. Leikurinn inniheldur: MESTUR FJÖLDI DEILDA – 25 lönd með 59 deildum og gríðarlega stórum gagnabanka um knattspyrnumenn um allan heim. NÁKVÆM GÖGN – Uppfærð gögn um leikmenn, lið og keppnir frá 2004/2005 tímabilinu. Á VELLINUM – Horfðu á leikina spilast í fullkominni 2D leikjavél og gerðu þær breytingar sem til þarf hvenær sem er.  Hægt er að horfa á leikina á mismunandi hraða, allt frá helstu atriðum að fullum 90 mínútum. ÞJÁLFUNIN – Notendavænt kerfi sem hannað var að aðalþjálfara Charlton, Mervyn Day. TAKTÍSKUR SNILLINGUR – Fullkominn skjámynd þar sem leikmenn geta sett upp taktík liðsins og sagt leikmönnum hvernig þeir eiga að spila og hvert þeir eiga að hlaupa. STJARNA ER FÆDD – Fullkomið net njósnara er í leiknum þar sem þú getur gefið þeim skipanir um að finna ákveðnar gerðir leikmanna. KLÁRAÐU DÍLINN – Mjög raunverulegt kerfi sem sér um kaup og sölu leikmanna, en inní það spilar fjármál, orðspor og persónuleiki leikmanna.  Til að geta náð í Ronaldo og Zidane, þurfa menn að hafa sannað sig fyrst.